Zekaria 3:1-10
3 Na akanionyesha Yoshua+ kuhani mukubwa akiwa amesimama mbele ya malaika wa Yehova, na Shetani alikuwa amesimama kwenye mukono wake wa kuume ili kumupinga.
2 Kisha malaika wa Yehova akamuambia Shetani: “Yehova akukemee, Ee Shetani,+ ndiyo, Yehova mwenye amechagua Yerusalemu,+ akukemee! Je, mutu huyu haiko kuni yenye kuwaka yenye imetoshwa katika moto?”
3 Sasa Yoshua alikuwa amevaa nguo chafu na alikuwa amesimama mbele ya malaika.
4 Malaika akaambia wale wenye walikuwa wamesimama mbele yake, “Mumuvue nguo zake chafu.” Kisha akamuambia, “Ona, nimekuondolea kosa lako,* na utavalishwa nguo za muzuri.”*+
5 Basi nikasema: “Kilemba safi kiwekwe kwenye kichwa chake.”+ Na wakaweka kilemba safi kwenye kichwa chake na wakamuvalisha nguo; na malaika wa Yehova alikuwa amesimama karibu.
6 Kisha malaika wa Yehova akamuambia Yoshua:
7 “Yehova wa majeshi anasema hivi: ‘Kama utatembea katika njia zangu na kutimiza mambo yenye unapaswa kutimiza mbele yangu, basi utatumika kama muamuzi katika nyumba yangu+ na utatunza* viwanja vyangu; na nitakupatia uhuru wa kuingia kati ya hawa wenye wamesimama hapa.’
8 “‘Tafazali, sikia, Ee Kuhani Mukubwa Yoshua, wewe pamoja na wenzako wenye wanakaa mbele yako, kwa maana watu hawa wanatumika kama alama; angalia! ninamuleta ndani mutumishi wangu+ Chipukizi!+
9 Ona jiwe lenye nimeweka mbele ya Yoshua! Kwenye jiwe hilo moja kuko macho saba (7); na ninachonga maandishi juu yake,’ ni vile Yehova wa majeshi anasema, ‘na nitaondoa hatia ya inchi hiyo kwa siku moja.’+
10 “‘Katika siku hiyo,’ ni vile Yehova wa majeshi anasema, ‘kila mumoja wenu ataalika jirani yenu akuje chini ya muzabibu wenu na chini ya muti wenu wa tini.’”+
