Zekaria 5:1-11
5 Nikaangalia tena juu, na nikaona kitabu cha kukunjwa chenye kuruka.
2 Akaniuliza: “Unaona nini?”
Nikajibu: “Ninaona kitabu cha kukunjwa chenye kuruka, chenye urefu wa mikono* makumi mbili (20) na upana wa mikono kumi (10).”
3 Kisha akaniambia: “Hii ndiyo laana yenye inatoka kuenda kwenye uso wa dunia yote, kwa sababu kila mutu mwenye anaiba,+ kama vile imeandikwa kwenye upande wake mumoja, hakupewa azabu; na kila mutu mwenye anaapa kiapo,+ kama vile imeandikwa kwenye upande wake mwingine, hakupewa azabu.
4 ‘Nimeituma,’ ni vile Yehova wa majeshi anasema, ‘na itaingia katika nyumba ya mwizi na katika nyumba ya mutu mwenye anaapa kiapo cha uongo katika jina langu; na itabakia katika nyumba hiyo na kuiteketeza pamoja na mbao zake na majiwe yake.’”
5 Kisha malaika mwenye alikuwa anasema na mimi akakuja na kuniambia: “Tafazali, angalia juu, na uone kile chenye kiko kinatoka.”
6 Basi nikauliza: “Ni kitu gani?”
Akajibu: “Hiki ni chombo cha efa* chenye kiko kinatoka.” Akaendelea: “Ni hivi wanaonekana katika dunia yote.”
7 Na nikaona kwamba kifuniko cha muviringo cha risasi kiliinuliwa, na kulikuwa mwanamuke mwenye alikuwa anakaa ndani ya chombo hicho.
8 Basi akasema: “Huyu ni Uovu.” Halafu akasukuma tena mwanamuke huyo ndani ya kile chombo cha efa, kisha akatupa kile kifuniko cha risasi juu ya kinywa cha kile chombo cha efa.
9 Kisha nikaangalia juu na nikaona wanamuke wawili wanakuja, na walikuwa wanapanda mbio katika upepo. Walikuwa na mabawa kama mabawa ya korongo. Na wakanyangula chombo hicho kati ya dunia na mbingu.
10 Basi nikamuuliza ule malaika mwenye alikuwa anasema na mimi: “Wanapeleka wapi kile chombo cha efa?”
11 Akajibu: “Kwenye inchi ya Shinari*+ ili wamujengee nyumba; na wakati itakuwa tayari, atawekwa pale mahali pake penye panamufaa.”
Maelezo ya Chini
^ Mukono mumoja ulikuwa sawa na santimetre 44.5 (inchi 17.5). Angalia Nyongeza B14.
^ Tnn., “efa,” hapa inamaanisha chombo ao kitunga chenye kilitumiwa ili kupima efa moja. Efa moja ilikuwa sawa na litre 22 (vibaba 20). Angalia Nyongeza B14.
^ Ni kusema, Babilonia.
