Zekaria 6:1-15
6 Kisha nikaangalia tena juu na nikaona magari ine (4) yakitoka katikati ya milima mbili, na milima hiyo ilikuwa ya shaba.
2 Gari la kwanza lilikuwa na farasi wekundu, na gari la pili lilikuwa na farasi weusi.+
3 Gari la tatu (3) lilikuwa na farasi weupe, na gari la ine (4) lilikuwa na farasi wenye madoa-madoa na rangi mbalimbali.+
4 Nikauliza ule malaika mwenye alikuwa anasema na mimi: “Hizi ni nini, bwana wangu?”
5 Ule malaika akanijibu: “Hizi ni zile roho ine (4)+ za mbinguni zenye zinatoka kisha kusimama mbele ya Bwana wa dunia yote.+
6 Lile* lenye kuwa na farasi weusi linaenda kwenye inchi ya kaskazini;+ wale weupe wanaenda nyuma ya bahari; na wale wenye madoa-madoa wanaenda kwenye inchi ya kusini.
7 Na wale wenye rangi mbalimbali walikuwa na hamu ya kuenda na kutembea huku na huku katika dunia.” Kisha akasema: “Muende, mutembee huku na huku katika dunia.” Na wakaanza kutembea huku na huku katika dunia.
8 Kisha akaniita kwa sauti kubwa na kusema: “Ona, wale wenye wanaenda katika inchi ya kaskazini wamefanya roho ya Yehova itulie katika inchi ya kaskazini.”
9 Neno la Yehova likakuja tena kwangu, na kusema:
10 “Chukua kutoka kwa Heldai, Tobaya, na Yedaya kitu fulani chenye walileta kutoka kwa watu wenye walipelekwa katika uhamisho; na katika siku hiyo, unapaswa kuenda kwenye nyumba ya Yosia mwana wa Sefania pamoja na hawa wenye wametoka Babiloni.
11 Unapaswa kuchukua feza na zahabu na utengeneze taji* na kuliweka juu ya kichwa cha Yoshua+ mwana wa Yehosadaki, kuhani mukubwa.
12 Na umuambie,
“‘Yehova wa majeshi anasema hivi: “Huyu ndiye mutu mwenye jina lake Chipukizi.+ Atachipuka kutoka mahali pake mwenyewe, na atajenga hekalu la Yehova.+
13 Yeye ndiye atajenga hekalu la Yehova, na yeye ndiye atapokea heshima ya kifalme. Atakaa kwenye kiti chake cha ufalme na kutawala, na atakuwa pia kuhani juu ya kiti chake cha ufalme,+ na kutakuwa mapatano yenye amani kati ya vyote viwili.*
14 Na taji* hilo litakuwa ukumbusho* kwa Helemu, Tobaya, Yedaya,+ na Heni mwana wa Sefania, katika hekalu la Yehova.
15 Na wale wenye kuwa mbali watakuja kusaidia kujenga hekalu la Yehova.” Na mutajua kwamba Yehova wa majeshi amenituma kwenu. Na itakuwa vile—kama hamukose kusikiliza sauti ya Yehova Mungu wenu.’”
Maelezo ya Chini
^ Ni kusema, gari.
^ Ao “taji kubwa.”
^ Ni kusema, kati ya cheo chake akiwa mufalme na akiwa kuhani.
^ Ao “taji kubwa.”
^ Ao “kikumbusho.”
