Mu Mwezi wa 9, tutajikaza kuanzisha mafunzo ya Biblia na kila mutu mwenye tutazungumuza naye, kwa kutumia broshua Furahia Maisha Milele! Wahubiri wanaweza kuamua kuwa mapainia wasaidizi wa saa 30. Tutafanya nini juu ya kutumika sana mu hii kampanye ye pekee?

• Kumutembelea Mutu Mara ya Kwanza: Wakati unamutembelea mutu mara ya kwanza, tumia maneno yenye kuwa ku ukurasa wa mwisho wa ile broshua juu ya kufanya mutu apendezwe, na umuonyeshe vile tunafanyaka funzo. Usisahau wale wenye walipendezwaka zamani, kutia ndani marudio. Hata kama zamani walikatalaka kujifunza, pengine wanaweza kufurahia broshua na namna yetu ya sasa ya kufundisha. Hatupaswe kuachia mabroshua watu wenye hawako ku nyumba ao kuiweka mu barua na kutumia watu wenye hawakupendezwaka zamani. Halmashauri ya Utumishi ya Kutaniko inaweza kupanga mikutano ingine kwa ajili ya mahubiri mu ile mwezi.

• Namna Ingine ya Kufanya: Kama kutaniko yenu inatumikishaka prezantware, unaweza kuweka broshua Furahia Maisha Milele! Ambia wale wenye kupendezwa kama kisha kupata broshua tunaweza pia kujifunza nao Biblia kwa bure. Wakati wa mazungumuzo yenu, unaweza kuonyesha musikilizaji vile tunajifunzaka Biblia na watu, ao unaweza kupanga kufanya vile kisha. Mwangalizi wa utumishi anaweza kufanya mipango juu wahubiri wenye kuwa na uzoefu waende mu fasi za biashara mu eneo, na kuanzisha mafunzo ya Biblia. Wakati nafasi ya kuhubiri inajitokeza, unaweza pia kuanzisha funzo ya Biblia na wafanyakazi wenzako ao watu wenye unakutana nao.

“Mufanye wanafunzi,” na “muwafundishe;” ile ni amri yenye Yesu alitupatia. (Mt 28:19, 20) Tunatumaini kama mu hii kampanye ya pekee, tutatimiza ile amri kupitia broshua Furahia Maisha Milele!