Mu Biblia muko mifano mingi ya sala zenye Yehova alijibia. Wakati watumishi wa Yehova Mungu walijionea namna aliwajibia wakati walikuwa na magumu na kuwasaidia, bila shaka ile ilifanya imani yao ikuwe nguvu. Kwa hiyo, ni jambo ya lazima kukuwa wazi mu sala zetu, na kujikaza kuona namna Yehova iko anazijibia. Lakini tukumbuke kama jibu yake inaweza kuwa tofauti na jambo yenye tuliomba ao inaweza kuwa zaidi ya ile yenye tuliomba. (2Ko 12:7-9; Efe 3:20) Namna gani Yehova anaweza kujibia sala zetu?

• Anaweza kutupatia nguvu ya kimwili, ya kihisia, ao ya kiroho juu tuweze kupambana na magumu yenye tuko nayo.​—Flp 4:13

• Anaweza kutupatia hekima juu tuweze kukamata uamuzi wa muzuri.​—Yak 1:5

• Anaweza kutupatia hamu na nguvu ya kutenda.​—Flp 2:13

• Anaweza kutusaidia tutulie wakati tuko na mahangaiko.​—Flp 4:6, 7

• Anaweza kutumia wengine ili watusaidie.​—1Yo 3:17, 18

• Anaweza kusaidia wale wenye tunasali juu yao.​—Mdo 12:5, 11

MUANGALIE VIDEO YEHOVA NI “MUSIKIAJI WA SALA,” KISHA MUJIBIE HII MAULIZO:

• Namna gani mufano wa Ndugu Shimizu unaweza kututia moyo kama hatuna uwezo wa kufanya mambo mingi zaidi juu tuko na magumu ya afya?

• Tunaweza kufanya nini ili kuiga mufano wa Ndugu Shimizu?