Pasaka ya mwisho ya Yesu ilikuwa ya maana sana. Juu alijua kama anakaribia kufa, alipanga kula chakula ya Pasaka pamoja na mitume wake; na alianzisha tukio la mupya lenye lingekuwa linakumbukwa kila mwaka, ni kusema, Chakula cha Mangaribi cha Bwana. Kwa hiyo, alituma Petro na Yohana waende watayarishe chumba. (Lu 22:7-13; ona picha ku jalada.) Ile inatukumbusha kama tunapaswa kuwa tayari kwa ajili ya Ukumbusho wenye utafanyika tarehe 27, Mwezi wa 3. Inawezekana tayari makutaniko ilishatayarisha musemaji, mikate na divai, na mambo ingine. Sasa, unaweza kufanya nini ili ukuwe tayari kwa ajili ya Ukumbusho?

Tayarisha moyo wako. Soma na ufikiri sana juu ya Usomaji wa Biblia kwa ajili ya Ukumbusho. Utapata programu ya usomaji mu broshua Tuchunguze Maandiko Kila Siku. Nyongeza B12 yenye kuwa mu Biblia Tafsiri ya Ulimwengu Mupya, yenye kurekebishwa, iko na habari mingi zaidi juu ya ile programu. (Ona pia Buku la Mukutano Utumishi na Maisha ya Mukristo ya Mwezi wa 4, 2020.) Familia zinaweza kutafuta habari mu Index des publications des Témoins de Jéhovah na mu Musaada wa Kutafuta Habari kwa Ajili ya Mashahidi wa Yehova, zenye wanaweza kuzungumuzia mu ibada ya familia kuhusu faida ya bei ya ukombozi.

Ualike wengine. Utumike sana mu kampanye ya kualika watu. Ufikirie wenye unaweza kualika, sawa vile marudio yako, watu wenye ulikuwaka unajifunza nao Biblia zamani, marafiki wako na watu wa jamaa. Wazee wanapaswa kufanya mipango ili kualika wale wenye hawatende tena. Ukumbuke kama ikiwa mutu haishi mu eneo yako, unaweza kujua saa na fasi kwenye Ukumbusho utafanywa mu eneo yake kwa kufungua sehemu HABARI JUU YETU yenye kuwa ku jw.org, kisha ufungue sehemu “Ukumbusho.”

Tunaweza kufanya nini ingine ili kujitayarisha?