Mu hizi siku za mwisho, tuko napambana na magumu mingi ya nguvu. Wakati fulani, tunaweza kuona kama ni nguvu kuvumilia magumu yetu. Lakini, kama tunaendelea kumukaribia Yehova, atatusaidia tuvumilie magumu yote yenye iko natuhangaisha. (Isa 43:2, 4) Ni mambo gani inaweza kutusaidia tumukaribie Yehova wakati tuko napambana na magumu?

Sala. Wakati tunamufungulia Yehova moyo wetu, anatupatia amani na nguvu ya kuvumilia.​—Flp 4:6, 7; 1Te 5:17.

Mikutano. Leo, kuliko wakati mwingine wowote, tuko na lazima ya chakula ya kiroho na lazima pia ya kukutana na ndugu na dada ku mikutano yenye Yehova ametutayarishia. (Ebr 10:24, 25) Yehova anatupatia roho takatifu wakati tunajitayarisha kwa ajili ya mikutano, wakati tunakusanyika, na wakati tunatoa maelezo.​—Ufu 2:29.

Mahubiri. Wakati tunafanya yetu yote ili kuhubiri kwa ukawaida, ile inatusaidia tukaze akili yetu juu ya mambo ya muzuri. Inatusaidia pia kufanya urafiki wetu pamoya na Yehova na wafanyakazi wenzetu ukuwe nguvu.​—1Ko 3:5-10.

MUANGALIE VIDEO YEHOVA ATAKUKARIBISHA, NA KISHA MUJIBIE HII MAULIZO:

• Ni nini ilimusaidia Malu abakie karibu na Yehova wakati alikuwa na magumu?

  Jibu yako

• Sawa vile Malu, maneno yenye kuwa mu Zaburi 34:18 inaweza kutufariji namna gani wakati tuko na magumu?

  Jibu yako

• Mufano wa Malu unaonyesha namna gani kama Yehova anatupatiaka “nguvu zenye kupita zile za kawaida” wakati tunapambana na magumu?​—2Ko 4:7

  Jibu yako