Juu ya nini unapaswa kuambia wazazi wako waziwazi mawazo yenye uko nayo? (Mez 23:26) Ni juu Yehova amewapatia daraka ya kukuhangaikia na kukuongoza. (Zb 127:3, 4) Wanaweza kushindwa kukusaidia kama unawaficha mahangaiko yenye uko nayo. Tena, unaweza kushindwa kufaidika na uzoefu wa maisha wenye wako nao. Ile inamaanisha kama hakuna mambo ya siri yenye unaweza kujiwekea? Hapana. Lakini kile unapaswa kuepuka ni kuficha habari yenye wazazi wako wanapaswa kujua.​—Mez 3:32.

Namna gani unaweza kuzungumuza na wazazi wako? Chagua wakati yenye itawafaa nyie wote. Kama ni nguvu kufanya vile, unaweza kuandikia mumoya wa wazazi wako mawazo yenye uko nayo mu akili. Sasa kama wanapenda muzungumuzie habari yenye haikufurahishe? Ukumbuke kama nia yao ni kukusaidia. Uone wazazi wako kuwa marafiki, hapana maadui. Ukijikaza kuwa nazungumuza waziwazi na wazazi wako, utapata faida mu maisha yako yote, na wakati yenye kuya uzima wa milele!​—Mez 4:10-12.

MUANGALIE VIDEO MAISHA YANGU YA UJANA​—NAMNA GANI NAWEZA KUZUNGUMUZA NA WAZAZI WANGU? KISHA MUJIBIE HII MAULIZO:

• Esther na Partik walifikia kutambua nini juu yao wenyewe?

• Mufano wa Yesu unaweza kukufundisha nini?

• Wazazi wako wamefanya nini ili kuonyesha kama wanakuhangaikia?

• Ni kanuni gani za Biblia zenye zinaweza kukusaidia ukuwe nazungumuza na wazazi wako?