SABABU GANI NI LAZIMA KUFANYA HIVYO: Watu wanapaswa kujifunza kanuni za Yehova na kuzitumikisha ili wamuabudu kwa njia yenye kumupendeza. (Isa 2:3, 4) Kitabu “Upendo wa Mungu” , kitabu chetu cha pili cha kujifunza na watu, kinasaidia wanafunzi wa Biblia waelewe namna ya kutumikisha kanuni za Mungu katika maisha yao ya kila siku. (Ebr 5:14) Wakati tunawafundisha, tunapaswa kujikaza kugusa mioyo yao, ili wafikie kufanya mabadiliko.—Rom 6:17.

NAMNA YA KUFANYA:

• Ujitayarishe muzuri ukifikiria mwanafunzi wako. Uliza maulizo yenye kumuchochea aeleze mawazo yake ya ndani juu ya mambo munajifunza.—Met 20:5; be uku. 259

• Tumia visanduku vyenye kuwa katika kitabu ili umusaidie mwanafunzi aone faida ya kutumikisha kanuni za Biblia

• Umusaidie mwanafunzi wako afikiri juu ya maamuzi yenye kuhusu zamiri, lakini usiamue pa nafasi yake.—Gal 6:5

• Ujaribu kutambua ikiwa mwanafunzi wako iko na lazima ya musaada ili kutumikisha kanuni fulani za Biblia. Kwa upole, umutie moyo afanye mabadiliko yenye kustahili kwa kuchochea upendo wake kwa Yehova.—Met 27:11; Yoh 14:31