Uko na miaka kati ya 23 na 65 na uko mu utumishi wa wakati wote? Uko na afya ya muzuri, na uko na uwezo wa kutumikia fasi yote kwenye kuwa lazima kubwa? Kama unajibia ndiyo ku ile maulizo yote, ulishaka fikiria kujaza fomu kwa ajili ya Masomo ya Waeneza-Injili wa Ufalme? Tangu masomo ya kwanza ya Waeneza-Injili wa Ufalme ianze, ndugu na dada wengi wenye kuoana, na ndugu na dada wengi wenye hawajaoa ao kuolewa walishajaza fomu na wengine walishasoma. Lakini ku ile masomo, tuko na lazima sana ya ndugu wengi wenye hawajaoa. Umuombe Yehova akomalishe tamaa yako ya kumufurahisha na ya kuiga Mutoto wake, Yesu. (Zb 40:8; Mt 20:28; Ebr 10:7) Kisha, ili ustahili kusoma ile masomo, fikiria namna unaweza kufanya ili kazi yako ya kimwili ao mambo ingine ya kipekee isikuzuie.

Wale wenye wamesoma ile masomo, wamepata nafasi ya kutumikia wapi na mu migawo gani? Wamoja wametumwa mu maeneo kwenye watu wanazungumuza luga zingine ao mu miji mikubwa ili kuhubiri mahali pa watu wengi. Wengine wamefikia kuwa waangalizi wa badala, waangalizi wa mizunguko ao wamisionere. Wakati uko nawaza juu ya mambo yenye unaweza kufanya mu kazi ya Yehova, ukuwe sawa vile nabii Isaya mwenye alisema: “Mimi huyu! Unitume mimi!”​—Isa 6:8.

MUANGALIE VIDEO WAMISIONERE WENYE KUFANYA KAZI YA MAVUNO, NA KISHA MUJIBIE HII MAULIZO:

• Wamisionere wanachaguliwaka namna gani?

• Ni kazi gani ya muzuri yenye wamisionere wanafanyaka?

• Ni baraka gani fulani zenye wamisionere wanapataka?