Mu utumishi wake, Yesu alitumia matukio ya sasa ili kufundisha watu mambo fulani. (Lu 13:1-5) Na weye pia unaweza kutumia matukio ya sasa juu ya kusaidia watu wapendezwe na ujumbe wa Ufalme. Kisha kuzungumuzia magumu ya kupata makuta, musiba fulani wa asili, muvurugo mu eneo, watu kutumia sana dawa za kulewesha ao jambo ingine ya kufanana na ile, uulize ulizo yenye itafanya mutu afikiri. Unaweza kumuuliza hivi: “Unawaza kuko siku . . . itaisha?” ao “Unawaza nini njo inaweza kumaliza . . . ?” Kisha, umusomee andiko fulani ya Biblia yenye inapatana na ile habari. Kama anapendezwa, umuonyesha video ao kichapo fulani yenye kuwa mu Vyombo Vyetu vya Kufundishia. Kadiri tunajikaza kugusa mioyo ya watu mu eneo, tuendelee basi ‘kufanya mambo yote kwa ajili ya habari njema.’​—1Ko 9:22, 23.

Ni habari gani zenye watu wanaweza kufurahia mu eneo yenu?