Biblia yenye kurekodiwa ni nini? Ni usomaji wa Biblia wenye kurekodiwa wa Tafsiri ya Ulimwengu Mupya ya sasa. Iko natolewa hatua kwa hatua mu luga za mingi. Jambo ya pekee kuhusu Biblia yenye kurekodiwa ni kwamba inatumia sauti mbalimbali kulingana na watu wenye kuzungumuziwa mu habari. Maneno inasomwa kwa mukazo na hisia zenye kufaa ili ujumbe wa Biblia utolewe bila makosa.

Biblia yenye kurekodiwa imeletea watu fulani faida gani? Watu wengi wenye wanasikiliza kwa ukawaida usomaji wa Biblia wenye kurekodiwa, wanafurahia namna unafanya Neno ya Mungu ikuwe ya kweli kabisa kwao. Wanaona kama kusikia musomaji tofauti kwa ajili ya kila mutu mwenye kuzungumuziwa mu Biblia inafanya waone muzuri katika akili matukio, na waelewe muzuri mambo yenye kuandikwa mu Biblia. (Mez 4:5) Watu wengi wanaona pia kama kusikiliza rekodi ya usomaji wa Biblia kunawatuliza wakati wako na mahangaiko.​—Zb 94:19.

Kusikiliza namna Neno ya Mungu inasomwa kwa sauti kunaweza kutuchochea sana mu maisha. (2Ny 34:19-21) Kama Biblia yenye kurekodiwa inapatikana ya muzima ao kwa sehemu mu luga yenye unaelewa, hauone kama itakuwa muzuri ikiwa unajitilia programu ya kuisikiliza?

MUANGALIE VIDEO KUTOLEWA KWA BIBLIA YENYE KUREKODIWA​—SEHEMU, NA MUJIBIE ULIZO YENYE KUFUATA:

Nini njo inakugusa sana kuhusu kutolewa kwa Biblia yenye kurekodiwa?