SABABU GANI NI LAZIMA KUFANYA HIVYO: Ili wanafunzi wa Biblia wakubaliwe na Yehova wanapaswa kujitoa kwake na kubatizwa. (1Pet 3:21) Kisha, wale wenye kuishi kupatana na ubatizo wao wanapata ulinzi wa kiroho. (Zab 91:1, 2) Wakristo wanajitoa kwa Yehova; hawajitoe kwa mutu, kazi, ao tengenezo fulani. Kwa hiyo, wanafunzi wa Biblia wanapaswa kukomalisha upendo na shukrani yao kwa Yehova.—Rom 14:7, 8.

NAMNA YA KUFANYA:

• Wakati munajifunza na mwanafunzi, muzungumuzie mambo yenye habari munachunguza inafundisha juu ya Yehova. Umutie moyo asome Biblia kila siku na kusali kwa Yehova “bila kuacha.”—1Tes 5:17; Yak 4:8

• Utie moyo mwanafunzi wako wa Biblia ajiwekee muradi wa kujitoa kwa Yehova na kubatizwa. Pia umusaidie ajiwekee miradi midogo-midogo, kama vile kujibia kwenye mikutano ao kuhubiria majirani na wafanyakazi wenzake. Kumbuka kama Yehova hakaze mutu kumutumikia. Kujitoa kwake ni uamuzi wa mutu mwenyewe.—Kum 30:19, 20

• Utie moyo mwanafunzi wako afanye mabadiliko katika maisha yake ili afurahishe Yehova na astahili kubatizwa. (Met 27:11) Kwa sababu inaweza kuwa vigumu kwa mwanafunzi wa Biblia kuacha tabia fulani, unapaswa kuendelea kumusaidia ili aondoe utu wa zamani na kuvaa utu mupya. (Efe 4:22-24) Umuonyeshe habari zenye kichwa “Biblia Inabadilisha Maisha ya Watu” katika Munara wa Mulinzi

• Umuelezee furaha yenye umepata kwa sababu ya kumutumikia Yehova.—Isa 48:17, 18