Unafurahiaka video na maulizo ya maoni yenye kuwa mu kitabu Furahia Maisha Milele!? Unafurahiaka pia sehemu “Watu Fulani Wanasemaka,” “Pima Kufanya Hivi,” na “Habari Zingine”? Ni sehemu gani zingine zenye zinaweza kukusaidia wakati uko nafanya kazi ya kufanya wanafunzi?​—Mt 28:19, 20.

Video na Habari Zingine: Kama unapenda kuongoza funzo ya Biblia kwa kutumia kitabu yenye kuchapishwa, unaweza kufanya nini juu upate video zote na habari zingine fasi moya? Mu kitabu ya kielektroniki, chagua sehemu moya kati sehemu ine kubwa. Ku mwisho wa vichwa vya masomo, unaweza kufungua video zote na habari zingine zenye kuwa mu ile sehemu. (Ona picha ya 1.)

Sehemu “Mode Image”: Kama uko unatumia chombo ya kielektroniki wakati uko najifunza na mutu, kutumia sehemu “Mode Image” (ao Picha) mara kwa mara kunaweza kukusaidia. Wakati uko mu somo fulani, finyanga ku nukta tatu zenye kuwa juu ya ukurasa, kisha chagua sehemu “Mode Image”. Utaona ukurasa unajipanga mu njia ingine; ile itakusaidia usisahau namna habari yenye muko munajifunza inapatana na kichwa ya somo. Kama unapenda kurudia ku mode texte ao maandishi, finyanga tena zile nukta tatu, kisha chagua sehemu “Mode Texte” (ao Maandishi).

“Ninastahili Kuhubiri na Kutaniko?” na “Ninastahili Kubatizwa?”: Hivi visanduku vyenye kuwa karibu na mwisho wa kitabu, vinaonyesha mambo ya musingi yenye inaombwa ili mutu aanze kuhubiri na kutaniko na kufikia kubatizwa. (Ona picha ya 2.)

Mafasirio Ingine: sehemu mafasirio ingine iko na mafasirio kuhusu habari fulani za maana. Kitabu ya kielektroniki iko na lien ku mwisho wa kila sehemu ya mafasirio ingine, yenye itakurudisha kwenye muliachiaka mu ile somo. (ona picha ya 2.)