Juu ya Nini Batu Habajione Tena Kuwa ba Maana?
JUU YA NINI NI JAMBO YA MAANA KUTOJIONA KUWA WA BURE?
Batu benye habajionake kuwa ba bure banawezaka kabisa kupiganisha magumu ya maisha. Habavunjikake moyo mbiombio.
-
Uchunguzi unaonyesha kama batu benye banajionaka kuwa ba bure, mara mingi inakuwaka mwepesi kwabo kuhangaika, kushuka moyo, na kuwa na magonjwa ya akili yenye inafanya bajizuie kukuwa nakula. Na inakuwaka mwepesi kwabo kukunywa pombe kupita kiasi na kutumia mubaya dawa za kulewesha.
-
Batu benye habajionake kuwa ba bure habajilinganishake na bengine na ile inabasaidiaka baishi muzuri na bengine na baanzishe urafiki wa nguvu na bengine. Lakini benye banajionaka kuwa ba bure banakuwaka na muelekeo wa kusema bengine mubaya, na ile inaweza kuharibisha urafiki.
-
Hata wakati banapata magumu batu benye habajionake kuwa ba bure banaendeleaka tu kuwa nguvu, habaachake mambo ya zamani ibazuie basifikie miradi yabo. Lakini benye banajionaka kuwa ba bure, mara mingi banaonaka magumu ya kidogo sawa vile mulima murefu sana. Njo maana habakawiake kuvunjika moyo.
MAMBO YENYE UNAWEZA KUFANYA
Utafute marafiki wenye kukutia moyo. Ukuwe na marafiki wenye wanatendeaka wengine kwa heshima, wenye wanakuhangaikiaka kabisa, na wenye watakutia moyo.
Usaidie bengine. Wakati unafanyia na kutendea bengine mambo ya muzuri, kutia ndani bale benye habawezi kukurudushia, utapata furaha ya kweli yenye mutu anapataka wakati anatoa. Utakuwa na furaha hata kama bengine habakuona byenye ulifanya.
Usaidie batoto yako basijione kuwa ba bure. Njia moya ya kufanya vile ni kubaacha bajitoshe mu magumu yenye biko amo kwa kufanya yote yenye banaweza kulingana na uwezo wao. Ile inasaidiaka batoto bajue namna ya kupiganisha magumu. Na wakati banafanya vile, habatajiona kuwa ba bure kuanzia sasa na wakati batakomala.
MAMBO YENYE TUKO NAFANYA
Mikutano na programu ya kujifunza Biblia ya Mashahidi wa Yehova inasaidiaka batu bafanye maisha yabo ikuwe muzuri na ile inabasaidiaka basijione kuwa ba bure.
MIKUTANO YETU YA KILA JUMA
Ku mikutano yetu ya kila juma, tunasikilizaka hotuba zenye kutegemea Biblia, zenye mara mingi, zinakuwaka na mapendekezo zenye kutusaidia tusijione kuwa ba bure. Hatulipishake makuta ku mikutano yetu na kila mutu anaweza kuingia. Kwa mufano, ku mikutano yetu utajifunza . . .
-
juu ya nini uko wa maana kwa Mungu
-
namna maisha yako inaweza kuwa na kusudi ya kweli
-
namna ya kuanzisha urafiki wa nguvu na wa kuendelea
Utakutana pia na marafiki wa kweli wenye ‘wanahangaikianaka.’—1 Wakorinto 12:25, 26.
Juu ya kujua mambo mingi juu ya mikutano yetu, angalia video Kwa Kawaida Tunafanya Nini Kwenye Jumba la Ufalme? ku jw.org.
FUNZO YETU YA BIBLIA
Tunatumiaka kitabu Furahia Maisha Milele! juu ya kujifunza Biblia na batu kwa bure. Hii kitabu iko na maandiko ya maana sana, mawazo yenye kuwa wazi ya kusaidia kufikiri, maulizo, picha na video za muzuri sana. Funzo yetu ya Biblia inasaidia batu basijione kuwa ba bure na inafanya maisha yabo ikuwe muzuri zaidi.
Juu ya kuona namna kujifunza Biblia pamoya na Mashahidi wa Yehova inaweza kukusaidia, uangalie video Sababu Gani Ujifunze Biblia? ku jw.org.
Ona pia...
AMUKA!
Namna ya Kuonyesha Heshima
Heshima katika ndoa haiko jambo lenye unaweza kuonyesha wakati fulani; ni jambo la lazima. Namna gani unaweza kuonyesha kama unaheshimia bibi ao bwana yako?
HABARI JUU YETU
Omba Mashahidi wa Yehova Wakutembelee
Uzungumuzie ulizo moya kuhusu Biblia, ao upate habari zaidi juu ya Mashahidi wa Yehova.
HABARI JUU YETU
Kusanyika na siye
Pata habari zaidi juu ya mikutano yetu. Tafuta fasi ya mikutano karibu na kwenye unaishi.
