Watu wenye kutumainika ni wenye kutegemeka. Wanafanya kazi zenye walipewa na wanamaliza kuzifanya bila kuchelewa.

Mutoto anaweza kuanza kujifunza kuwa mutu mwenye kutumainika hata wakati angali mudogo sana. Kitabu Parenting Without Borders kinasema hivi: “Wakati watoto wako na miezi 15 wanaweza kufanya kile muzazi anawaambia wafanye, na wakati wanakuwa na miezi 18 hivi wanapenda kufanya chochote chenye wazazi wao wako wanafanya. Katika maeneo mingi, wakati watoto wako kati ya miaka 5 na 7, wazazi wanaweza kuwaonyesha namna wanaweza kusaidia kufanya kazi za mu nyumba. Hata kama ni wadogo, watoto wanaweza kufanya kazi mingi muzuri.”

Katika maeneo fulani, vijana wengi wenye kukomaa wanajaribu kuishi peke yao lakini wanashindwa kufanya vile na kisha wanarudia kuishi pamoja na wazazi wao. Wakati fulani, ile inatokea juu wazazi wao hawakuwafundisha hata kidogo namna ya kutumia muzuri feza zao, namna ya kutunza nyumba, na namna ya kuwa mutu mwenye kutumainika mu maisha yao ya kila siku.

Kwa hiyo, ni muzuri kufundisha watoto wako namna ya kuwa mwenye kutumainika leo ili wajue kile watafanya wakati watakuwa wakubwa. Kitabu How to Raise an Adult kinasema hivi: “Usiache watoto wako waendelee kukutegemea mupaka wafikie miaka 18 njo sasa uwaache waanze kujitegemea.”

Uwapatie kazi za kufanya ku nyumba.

KANUNI YA BIBLIA: “Kila namna ya kazi ya nguvu iko na faida.”​—Mezali 14:23.

Sikuzote watoto wadogo wanapenda kusaidia kufanya kazi yoyote yenye wazazi wao wako wanafanya. Unaweza kutumia ile tamaa yenye ni ya kawaida kwa watoto ili kuwapatia kazi za kufanya ku nyumba.

Wazazi fulani wanajizuia kufanya vile. Wanawaza kama, kwa sababu watoto wangali wanaenda ku masomo, wako na kazi mingi zenye wanapewa kule, na kwa hiyo, hawapendi kuwaongezea muzigo.

Lakini, watoto wenye wanafanya kazi za ku nyumba, wanaweza kuweza masomo juu kazi zenye wanapewa ku nyumba zinawafundisha kukubali kazi zenye wanapewa ku masomo na kuzimaliza. Zaidi ya ile, kitabu Parenting Without Borders, kinasema hivi: “Ikiwa hatuache watoto wetu watusaidie wakati wako wadogo na wakati wanapenda kufanya vile, wataanza kuwaza kama kusaidia wengine haiko jambo la maana. . . .  Wataanza pia kuwaza kama wengine njo wanapaswa kuwatumikia.”

Kama vile ile maneno inaonyesha, kufanya kazi za ku nyumba kunazoeza watoto wakuwe wanachangia kuliko kutumia tu, wakuwe wanatoa kuliko kupokea tu. Kufanya kazi ku nyumba kunafanya watoto watambue kama wako na sehemu ya maana mu familia na waelewe kama kusaidia ku kazi ni jambo lenye wanapaswa kufanya.

Saidia watoto wako wakubali matokeo ya makosa yao.

KANUNI YA BIBLIA: “Sikiliza shauri na ukubali nizamu, ili ukuwe na hekima katika wakati wako wenye kuja.” ​—Mezali 19:20.

Wakati watoto wako wanafanya makosa​—kwa mufano, kama mutoto wako mwanaume ao mwanamuke anaharibisha kitu cha mutu mwingine bila kujua​—usifiche ile jambo. Watoto wanaweza kukubali matokeo; mu ile hali, watafanya vile kwa kuomba musamaha ao kwa kulipa kitu chenye waliharibisha.

Kama watoto wanaelewa kama makosa yenye wanafanya iko na matokeo, watajifunza

• kuwa waaminifu na kukubali makosa yao

• kuepuka kutupia wengine makosa yao

• kuepuka kujitetea

• kuomba musamaha, wakati inafaa