Teknolojia Iko na Matokeo Gani Juu ya Urafiki Wako na Wengine?
Kupitia ujumbe, vidéoconférence, na site ya kupashana habari, watu wawili wanaweza kuzungumuza kwa wepesi, hata kama wanaishi mu continents mbalimbali. Pale tunaweza kusema kama, wanatumia teknolojia mu njia ya muzuri.
Lakini, watu fulani wenye wanatumia teknolojia zaidi sana juu ya kulinda urafiki wao, wanaweza kuwa na shida ya . . .
-
kutokuelewa muzuri sana marafiki wao.
-
kujisikia kuwa peke yao na kujisikia sawa vile wanakosewa kitu fulani.
-
kukaza akili sana juu yao kuliko juu ya wengine.
MAMBO UNAPASWA KUJUA
KUJITIA PA NAFASI YA WENGINE
Ili tufikie kujitia pa nafasi ya watu wengine, tunapaswa kukamata wakati wa kufikiria wengine. Haiko mwepesi kufanya vile kama tuko natuma ujumbe na huku tena tuko ku site ya Enternete ya kupashana habari.
Wakati fulani, kama uko na maujumbe mingi, itakuwa nguvu sana kwako kujibia ujumbe wa rafiki yako. Unaweza kusikia sawa vile kichwa inataka pasuka juu inaomba ujibie kwa uharaka ile maujumbe yote, ikuwe ya maana ao hapana. Na pengine hauwezi kujua kama mumoja wa marafiki wako iko na lazima ya musaada.
JAMBO YA KUFIKIRIA: Namna gani unaweza ‘kujitia pa nafasi ya wengine’ wakati uko natumia teknolojia ili kuzungumuza na marafiki?—1 PETRO 3:8.
KUJISIKIA KUWA WA BURE
Wanasayansi fulani walifanya uchunguzi na walifikia kuona kama watu wengi wanajisikiaka mubaya sana kisha kupitisha wakati na wako ku site ya Enternete ya kupashana habari. Kuangalia zile picha zenye kuonyesha mambo mbalimbali yenye watu fulani wako wanafanya, kunaweza kufanya mutu “ajione kuwa wa bure kabisa.”
Tena, kuangalia zile picha zenye kupendeza, zenye wengine walitia ku Enternete, kunaweza kufanya wengine waanze kujilinganisha na wengine mu njia yenye haiko ya muzuri. Ile ni juu mara mingi picha zenye watu wanatiaka ku Enternete, zinafanya waonekane kama wako wanapitisha wakati wa muzuri, wako na maisha ya muzuri, na ile inaweza kufanya tuone kama maisha yetu ni ya bure kabisa, haina maana yoyote.
JAMBO YA KUFIKIRIA: Wakati uko unatumia site fulani ya Enternete ya kupashana habari, namna gani unaweza kuepuka kujilinganisha na wengine, mu njia yenye haiko ya muzuri?—WAGALATIA 6:4.
KUKAZA AKILI JUU YAKO MWENYEWE
Mwalimu mumoja alionyesha kama wamoja kati ya wanafunzi wake, walikuwa wenye kujipenda wenyewe na walikuwa wanapenda tu marafiki, “wenye wangewafanyia mambo fulani.” * Urafiki wa ile namna, unakazia tu kitu yenye mutu anaweza kupata kutoka kwa mwenzake. Mutu anaweza kuanza kuona marafiki wake sawa vile application fulani yenye anaweza kutumia kama iko nayo lazima, na kuizimisha kama hana nayo lazima.
JAMBO YA KUFIKIRIA: Mambo yenye unatia ku Enternete, inaonyesha kama uko na muelekeo wa kupenda kushindana na wengine ao unapenda watu wakukazie sana uangalifu?—WAGALATIA 5:26.
MAMBO UNAWEZA KUFANYA
CHUNGUZA MUZURI NAMNA UNATUMIA TEKNOLOJIA
Wakati hauko mutumwa wa teknolojia na wakati unajikaza kuitumia muzuri, ile itakusaidia kuendelea kuzungumuza kwa ukawaida na marafiki wako na kufanya urafiki wenu ukuwe nguvu.
KANUNI YA BIBLIA: “Upendo . . . hautafute faida zake wenyewe.”—1 WAKORINTO 13:4, 5.
Chagua mapendekezo yenye utapenda kutumikisha, ao andika mawazo yako.
-
Jaribu kuzungumuza na watu (kuliko tu kuwatumia ujumbe)
-
Tia pembeni telefone yako (ao uitie mu hali yenye haitafanya makelele) wakati uko nazungumuza na wengine
-
Ujiwekee wakati wenye utatumia ku site Enternete ya kupashana habari
-
Ukuwe musikilizaji muzuri zaidi
-
Uzungumuze na rafiki mwenye iko mu magumu
^ fu. 17 Iliripotiwa na kitabu Reclaiming Conversation.
Ona pia...
AMUKA!
Rafiki Muzuri Ni Nani?
Watu wengi wanafikiri kwamba ni lazima kuwa na marafiki. Namna gani unaweza kuwa rafiki muzuri? Habari hii inazungumuzia kanuni ine zilizo katika Biblia ambazo zinaweza kukusaidia.
AMUKA!
Onyesha Adabu Unapopokea ao Unapotuma Ujumbe Kwenye Telefone
Unawaza ni kukosa adabu ikiwa mutu anakatiza mazungumuzo ili tu asome ujumbe kwenye telefone? Ao unawaza ni kukosa adabu ikiwa mutu anaacha kusoma ujumbe ambao amepokea ili tu aendelee na mazungumuzo?
