MAMBO WATU FULANI WANASEMA

Watu wengi wanawaza kwamba mutu mwenye kuwa na imani anakubali tu fundisho fulani bila kuwa na jambo lenye kumufanya akuwe hakika. Kwa mufano, fikiria mutu fulani wa dini mwenye anasema hivi, “Ninaamini Mungu.” Lakini kama mutu huyo anaulizwa, “Sababu gani unaamini?” anaweza kujibu, “Ni vile nilikomaa” ao, “Ni vile nimefundishwa tangu zamani.” Katika hali kama hizo, inaonekana kwamba kunaweza kuwa tofauti kidogo kati ya kuwa na imani na kukubali tu jambo fulani bila kuwa hakika.

MAMBO BIBLIA INASEMA

‘Imani ni tarajio lilohakikishwa la mambo yanayotumainiwa, usibitisho ulio wazi wa mambo halisi ingawa hayaonekane.’ (Waebrania 11:1) Ili tarajio la mutu fulani likuwe lenye kuhakikishwa, anapaswa kuwa na sababu za kweli zenye kumufanya akuwe na uhakika huo. Kwa kweli, maandishi ya zamani yenye kutafsiriwa “tarajio lililohakikishwa” hayamaanishe tu namna mutu anajisikia ndani yake ao mawazo ya kupata kitu fulani. Kwa hiyo, mutu mwenye kuwa na imani anapaswa kuwa pia na sababu fulani yenye kumufanya akuwe hakika.

‘Sifa zake [Mungu] ambazo hazionekane, zinaonekana waziwazi tangu kuumbwa kwa ulimwengu na kuendelea, kwa sababu zinaeleweka kwa vitu vilivyofanywa, yaani, nguvu zake za milele na Uungu.’—Waroma 1:20.

MAMBO BIBLIA INASEMA

‘Bila imani haiwezekane kamwe kumupendeza vema, kwa maana yule anayemukaribia Mungu lazima aamini kwamba yeye yuko na kwamba yeye anakuwa musawabishaji wa wale wanaomutafuta kwa bidii.’—Waebrania 11:6.

Kama vile tumeona, watu wengi wanaamini Mungu kwa sababu tu wamefundishwa kufanya hivyo. Wanaweza kusema, ‘Ni vile nilikomaa.’ Lakini, Mungu anapenda wote wenye kumuabudu wasadiki kabisa kwamba yeye iko na kwamba anawapenda. Hiyo ni sababu moja yenye kufanya Biblia ikazie kwamba tunapaswa kumutafuta Mungu kwa bidii ili tufikie kabisa kumujua.

‘Mumukaribie Mungu, naye atawakaribia ninyi.’—Yakobo 4:8.

MAMBO BIBILIA INASEMA

Biblia inasema hivi: ‘Imani inafuata jambo lililosikiwa.’ (Waroma 10:17) Jambo la kwanza la kufanya ili kuwa na imani katika Mungu ni ‘kusikia’ mambo yenye Biblia inafundisha kabisa juu yake. (2 Timotheo 3:16) Kujifunza Biblia kutakusaidia kupata majibu ya kweli juu ya maulizo ya maana kama vile: Mungu ni nani? Ni nini inahakikisha kwamba Mungu iko? Mungu ananihangaikia kabisa? Mungu ana kusudi gani kwa ajili ya wakati wenye kuja?

Mashahidi wa Yehova watafurahi kukusaidia ujifunze Biblia. Kama vile adresi yetu ya Internete ya jw.org inaonyesha, “Mashahidi wa Yehova wanapenda kufundisha watu juu ya Biblia, lakini hatulazimishe mutu akuwe Shahidi wa Yehova. Lakini tunamuonyesha yale ambayo Biblia inasema, tukijua kama kila mutu iko na haki ya kuchagua mambo ambayo ataamini.”

Kwa kifupi, imani yako inapaswa kutegemea ushuhuda wenye unajionea wakati unachunguza ukweli wa mambo yenye unasoma katika Biblia. Kwa kufanya hivyo, utafuata mufano wa wanafunzi wa wakati wa mitume wenye “walilipokea neno kwa hamu kubwa zaidi ya akili, wakiyachunguza Maandiko kwa uangalifu kila siku ili kuona kama mambo hayo ndivyo yalivyo.”—Matendo 17:11.

‘Uzima wa milele ndio huu, waendelee kupata ujuzi juu yako wewe, Mungu wa pekee wa kweli, na juu ya yule uliyemutuma, Yesu Kristo.’—Yohana 17:3.