Ukuwe Kabisa na Nia ya Kuacha
Ukuwe Kabisa na Nia ya Kuacha
“Kuwa na nia kabisa ya kuacha kuvuta njo jambo moya ya maana sana yenye imesaidia watu wengi kuacha kuvuta tumbako.”—“Stop Smoking Now!”
BILA kuenda huku na huku, kama unapenda kuacha kuvuta tumbako, unapaswa kuwa na nia ya kufanya vile. Nini njo itakusaidia ukuwe na nia kabisa ya kuacha kuvuta? Fikiria faida zenye utapata.
Hautapoteza makuta bure. Kama mutu anavutaka paketi moya kwa siku, kisha mwaka moya atakuwa ametumia maelfu ya dola. “Sikutambua kama nilikuwa napoteza makuta mingi sana juu ya kuvuta tumbako.”—Gyanu, Nepal.
Utakuwa na furaha zaidi mu maisha yako. Regina wa Afrika Kusini anasema hivi: “Wakati niliacha kuvuta tumbako, maisha yangu ilianza kuwa muzuri zaidi na zaidi.” Mara mingi, wakati watu wanaachaka kuvuta tumbako, wanasikiaka muzuri onjo ya chakula, harufu ya vitu, wanakuwaka na nguvu zaidi, na wanakuwaka wanapendeza zaidi.
Afya yako itakuwa muzuri zaidi. “Wakati tu wanaume na wanamuke wa miaka yote wanaacha kuvuta tumbako, afya yao inakuwaka muzuri bila kukawia.”—The U.S. Centers for Disease Control and Prevention.
Utajiamini zaidi. “Niliacha kuvuta tumbako juu sikupenda tumbako initawale. Nilipenda miye njo niongoze mwili wangu.”—Henning, Denmark.
Watu wa familia yako na marafiki wako watapata faida. “Kuvuta tumbako . . . kunaharibishaka afya ya watu wenye kuwa pembeni yako. . . . Uchunguzi umeonyesha kama kila mwaka, maelfu ya watu wanakufaka na kansere ya mapafu na ugonjwa wa moyo, juu ya kuwa karibu-karibu na watu wenye wanavutaka.”—American Cancer Society.
Utamufurahisha Muumbaji wako. “Wapendwa, . . . tujisafishe kila uchafu wa mwili.” (2 Wakorinto 7:1) “Mutoe miili yenu . . . takatifu, na yenye kukubalika kwa Mungu.”—Waroma 12:1.
“Wakati tu nilielewa kama Mungu anakataza mambo yenye kuchafua mwili, niliamua kuacha kuvuta tumbako.”—Sylvia, Uhispania.
Lakini, zaidi ya kuwa na nia, tunaweza pia kuwa na lazima ya musaada wa wengine. Kwa mufano, watu wa familia na marafiki. Wanaweza kutusaidia namna gani?