Unaweza Kuacha Kuvuta Tumbako!

HII sasa njo wakati ya weye ‘kuwa hodari na kuanza kazi.’ (1 Mambo ya Nyakati 28:10) Unaweza kufanya nini ingine juu uweze?

Chagua siku yenye utaacha. Biro Yenye Inasimamia Mambo ya Afya mu Amerika inasema kama wakati unaamua kuacha kuvuta tumbako, siku yako ya kwanza kuacha inapaswa kuwa mu majuma mbili. Ile itakusaidia ukuwe na nia kabisa ya kuacha. Ku kalendari yako, tia alama ya ile siku yenye unapenda kuacha. Ambia marafiki wako, na usibadilishe ile tarehe hata kutokee nini.

Andika mambo yenye itakusaidia. Unaweza kuandika mambo yenye kufuata ao mambo ingine yenye inaweza kukusaidia:

● Sababu zenye zinafanya uamue kuacha kuvuta tumbako

● Namba za telefone za watu wenye unaweza kuita kama unasikia hamu ya kuvuta

● Mawazo yenye itakusaidia ufikie muradi wako. Kwa mufano, unaweza kuandika mawazo yenye kuwa mu Wagalatia 5:22, 23.

Uende fasi yote na ile maandishi, na uisome mara mingi kwa siku. Hata kisha kuacha kuvuta tumbako, uendelee kuisoma wakati unasikia tena hamu ya kuvuta.

Ujitayarishe namna ya kuepuka hali zenye kukupatia hamu ya kuvuta. Mbele tarehe yenye umeamua kuacha kuvuta ifike, anza kuepuka mambo yote yenye inakupatiaka hamu ya kuvuta. Kwa mufano, kama unavutaka kisha tu kulamuka asubui, ungoye saa moya hivi ipite mbele uvute. Kama unavutaka saa ya kula chakula ao kisha tu kula, usivute. Uepuke fasi kwenye watu wanavutaka. Na saa uko weye peke, ujizoeze kusema hivi kwa sauti: “Hapana. Nilishaacha kuvuta.” Ile mambo yote itakusaidia ukuwe tayari wakati tarehe yenye uliamua kuacha kuvuta itafika. Na itakusaidia tena kukumbuka kama karibuni hautakuwa tena muvuta-tumbako.

Matayarisho ya mwisho-mwisho. Wakati siku yako ya kuacha kuvuta inakaribia, uza vitu vyenye unaweza kutumia pa nafasi ya tumbako: karote, bazoka, kalanga, na vitu vingine. Kumbusha marafiki wako na watu wa familia yako tarehe yenye umeamua kuacha kuvuta na uwaambie mambo yenye wanaweza kufanya juu ya kukusaidia. Mbele tu ile siku ifike, tupa vitu vya kutilia majivu ya tumbako, vya kuwakisha tumbako, na vitu vingine vyenye vinaweza kukupatia hamu ya kuvuta, sawa vile: tumbako zenye zingali mu nyumba yako, mu gari yako, mu mifuko ya nguo yako, ao fasi kwenye unafanyaka kazi. Ni mwepesi kuvuta kama tumbako iko mu kabati, juu ni kufungula tu kabati na kuikamata. Lakini ni nguvu kuilomba rafiki ao kuenda kuiuza! Tena uendelee kumuomba Mungu juu akusaidie na ufanye vile kwa bidii sana kisha kuvuta tumbako yako ya mwisho.​—Luka 11:13.

Watu wengi sana wameweza kuvunja uhusiano na ule rafiki yao mubaya sana wa zamani, ni kusema, tumbako. Na weye unaweza. Wakati utaacha kuvuta tumbako, utakuwa na afya ya muzuri zaidi na utajisikia huru.

[Picha]

Uende fasi yote na ile maandishi, na uisome mara mingi kwa siku