Inchi Na Watu | Italia
Kutembelea Inchi ya Italia
ITALIA ni inchi ya unamna-namna—kuanzia sehemu ndefu zenye muchanga pembeni ya bahari mupaka milima yenye kufuatana yenye majiwe-majiwe; kuanzia vipindi vikali vya kipwa upande wa kusini mupaka vipindi vya baridi kali upande wa kaskazini. Pia ni inchi yenye volkeno nyingi, lakini ni volkeno chache tu ndizo zingali na moto, kwa mufano Mulima Stromboli na Mulima Etna.
Italia ni kati ya inchi za Ulaya zenye kuwa na watu wengi sana. Imekaliwa na watu wengi, kama vile Waarabu, watu wa Byzantin, Wagiriki, Wanormani, na Wafoinike.
Watembeaji wanatembea katika mifereji mingi ya Venice kwa kutumia aina ya mutumbwi inayoitwa gondola
Inchi ya Italia inajaa vitu vya maana vya historia na vitu vilivyochorwa. Mabomoko ya majengo ya Kigiriki na Kiroma ao ufundi wa kujenga wa wakati wa kipindi cha Muamko wa uchoraji na wa Ujenzi (1301-1700), ni mambo ambayo yanapatikana katika miji mingi ya Italia, mikubwa na midogo. Vitu vilivyochorwa, sanamu za marumaru (majiwe yenye kuangara), na visima vya maji, vyote hivyo vilitengenezwa na watu kama vile Bernini, Michelangelo, na Raphael.
Chakula ni cha maana katika maisha ya kila siku, na desturi nyingi zinahusu chakula cha kienyeji. Chakula kama vile spageti na makaroni kinaliwa kwanza, na kisha kinafuatwa na nyama ao samaki pamoja na mboga za majani. Mafuta ya zeituni yanatumiwa sana, kwa sababu
wanaitengeneza kwa wingi katika inchi hiyo. Piza na rizoto (wali iliyochanganywa) ni chakula kinachoenea sana huko Italia.Chakula kama vile spageti na makaroni ni chakula cha maana kwa Wataliano
Wataliano wanajulikana sana kuwa watu wachangamufu, wakaribishaji, na wenye urafiki. Wanapenda kuzungumuza na wengine, kwa hiyo ni kawaida kuona watu wakizungumuza wakiwa mahali pa watu wote ao wakifurahia mazungumuzo wanapotembea njiani.
Wakaaji wengi wa Italia wanajiita kuwa wa dini ya Katoliki ya Roma, lakini ni wachache tu ndio wanaoenda kanisani. Watu hawafuate tena mambo ambayo kanisa linasema na wanapuuza sheria za kanisa juu ya kutoa mimba na kuvunja ndoa.
Mashahidi wa Yehova wanaongezeka katika inchi ya Italia. Wanajulikana sana kwa sababu ya kazi ya kufundisha Biblia ambayo ni sehemu ya kazi yao ya kuhubiri na pia kwa kuishi kulingana na kanuni za Biblia. Katika inchi yote ya Italia kuna makutaniko ya Mashahidi wa Yehova zaidi ya 3 000, na mengi kati ya makutaniko hayo yana Mashahidi ambao wanazungumuza luga zingine tofauti na Kitaliano. Katika inchi ya Italia kuna ulazima wa kufundisha watu Biblia katika luga za kigeni, kwa sababu katika miaka kumi iliyopita, hesabu ya watu kutoka inchi zingine iliongezeka mara tatu.
JE, ULIJUA?
Ijapokuwa muji wa Vatikani unapatikana katika Roma, muji huo umekuwa inchi huru tangu mwaka wa 1929 na kwa hiyo wakaaji wa Italia wanauona kuwa inchi nyingine.
Milima inayofuatana yenye majiwe-majiwe iliyo kaskazini-mashariki mwa Italia, inayoitwa Dolomites