Ripoti ya gazeti moja inasema hivi: “Muvutaji wa tumbako anayefanya kazi yake yeye mwenyewe anatumia . . . zaidi ya dola 5 816 kila mwaka tofauti na mutu ambaye havute tumbako.” (New York Times) Kulingana na habari fulani zilizokusanywa na wachunguzi kwenye masomo ya juu ya jimbo la Ohio, Amerika, garama za feza zinazotokana na kuvuta tumbako zinakadiriwa kuwa za juu zaidi kuliko garama ya matunzo na ya mutu kukosa kuenda kwenye kazi. Jambo lengine lilikuwa kwamba muvutaji wa tumbako hafanye kazi vizuri kwa sababu ya matokeo mabaya ya kuzoea kuvuta tumbako.

“Mapasta na waamini wa makanisa hawafanye mambo wanayosema na jambo hilo linafanya watu wasitumainie tena Kanisa.”​—Papa François.

Viongozi wa inchi ya Malesia walikamata tone 24 za pembe za tembo zilizoingizwa kwa siri, ni kusema, pembe zaidi ya 1 000 za tembo zilizofichwa katika mizigo miwili ya miti ya mukangazi. Watu wanaolinda mazingira walisema kwamba hiyo ndiyo mara ya kwanza pembe za tembo nyingi zaidi hivyo zinakamatwa. Mizigo hiyo ilikuwa inatokea katika inchi ya Togo na ilikuwa inapelekwa China.

Kulingana na ripoti ya mwaka wa 2012 ya Shirika la Afya Ulimwenguni (OMS), vifo 63 juu ya 100 vilitokezwa na magonjwa ya kuambukiza, ugonjwa wa ukimwi ao SIDA, magonjwa ya kuhara, malaria, kifua kikuu, na magonjwa ya watoto.

Programu za kuiga michezo fulani ya feza zilizo ndani ya simu za hali ya juu sana na katika vyombo vingine zimeenea kati ya watoto. Programu fulani za michezo zinaiga michezo ya karata lakini ni vyepesi kushinda michezo hiyo. Ripoti moja ya serikali inaonya kwamba michezo hiyo ya kuiga inaweza kufanya michezo ya feza itambuliwe kisheria kati ya watoto “na inaweza kuwaletea matatizo yanayotokana na michezo ya feza wakati unaokuja.”