Unafurahia michezo; lakini bibi ao bwana yako anafurahia kusoma. Unafanya mambo muzuri na kwa uangalifu sana, lakini bibi ao bwana yako hana utaratibu. Unapenda kuwa na watu wengine; lakini bibi ao bwana yako hapendi hivyo.

Unajiambia, ‘Hatupatane kabisa! Kwa nini hatukuona jambo hilo wakati tulikuwa tunafanya urafiki wa kimapenzi?’

Pengine uliona jambo hilo kwa kadiri fulani. Lakini wakati huo, labda ulikuwa haraka sana kufanya mapatano. Kwa sababu sasa umeoa ao kuolewa, ni muzuri kuwa na tabia hiyo tena. Habari hii itakusaidia kufanya hivyo. Hata hivyo, fikiria kwanza maelezo fulani ya kweli juu ya mambo yenye kuwaziwa kuwa ni kukosa kupatana.

Kukosa kupatana kwingine ni kwa nguvu sana. Kusudi kubwa la urafiki wa kimapenzi ni kutafuta kujua ikiwa munapatana. Kwa hiyo, wakati wanafanya urafiki wa kimapenzi, watu wengi wanasimamisha urafiki huo ikiwa wanavumbua mambo makubwa yenye kufanya wasipatane, ili wasiingie katika ndoa yenye kugawanyika. Lakini, tuseme nini juu ya kukosa kupatana kuhusu mambo madogo-madogo yenye hayawezi kukosa katika ndoa yoyote?

Hakuna watu wawili wenye kufanana kabisa. Kwa hiyo, ni jambo la kawaida kwa bibi na bwana kukosa kupatana katika jambo moja ao mambo mengi kati ya yenye kufuata:

Mambo yenye kupendeza kila mutu. Anna, mwanamuke mumoja mwenye kuolewa,  * anasema hivi: “Sifurahie kufanya mambo inje, lakini wakati bwana yangu alikuwa anakomaa alikuwa anazoea kupanda milima yenye teluji (neige) na kufanya safari kwa miguu katika pori kwa siku nyingi.”

Tabia. Brian, mwanaume mwenye kuoa, anasema hivi: “Bibi yangu anaweza kulala nyuma sana na kuamuka saa 11 asubui (5:00), lakini mimi niko na lazima ya kulala kwa muda wa saa 7 ao 8. Kama sifanye hivyo, ninaamuka mwenye hasira-hasira.”

Hali ya mutu. Pengine wewe hauseme sana, lakini bibi ao bwana yako anaongea sana. David, mwanaume mumoja mwenye kuoa, anasema hivi: “Wakati nilikuwa ninakomaa, sikukuwa ninaongea juu ya magumu yangu, lakini bibi yangu alitoka katika familia kwenye mambo yote yalikuwa yanazungumuziwa waziwazi.”

Kukosa kupatana katika mambo fulani kunaweza kuwa na faida. Helena, mwanamuke mumoja mwenye kuolewa, anasema hivi: “Namna yangu ya kufanya jambo inaweza kuwa ya muzuri, lakini hilo halimaanishe kama hakuna namna ingine.

Umuunge mukono bibi ao bwana yako. Adam, mwanaume mumoja mwenye kuoa, anasema hivi: “Bibi yangu Karen hafurahie michezo hata kidogo. Lakini amejiunga na mimi kwenye michezo mingi na hata kufurahi pamoja na mimi. Lakini, Karen anapenda kutembelea nyumba za kuwekea vitu vya zamani, kwa hiyo ninamupeleka na tunapitisha wakati mwingi pamoja kama vile anapenda. Ninafanya yangu yote ili nipendezwe na vitu hivyo, kwa sababu ni vya maana kwake.”—Kanuni ya Biblia: 1 Wakorintho 10:24.

Upanue mawazo yako. Haiko lazima mawazo ya bibi ao bwana yako yakuwe mabaya kwa sababu tu hayapatane na yako. Alex, mwanaume mumoja mwenye kuoa, amejifunza jambo hilo. Anasema hivi: “Sikuzote, nilikuwa ninafikiri kama kuko njia moja tu ya muzuri ya kufanya jambo fulani na kwamba njia ingine yote itakuwa tu ya mubaya. Lakini, kuoa kumenisaidia nione kama kuko njia nyingi za kufanya jambo fulani, na kama kila njia iko ya muzuri kwa namna yake.”—Kanuni ya Biblia: 1 Petro 5:5.

Ukuwe na mawazo ya muzuri. Kupatana hakumaanishe kufanana. Kwa hiyo, usiamue kama ndoa yenu ilikuwa kosa kwa sababu tu inaonekana kuwa hamupatane katika mambo kidogo. Kitabu kimoja kinasema hivi: “Watu wengi wanasema, ‘Upendo ulinifunga macho.’” (The Case Against Divorce) Hata hivyo, kitabu hicho kinasema tena hivi: “Kila siku yenye mulipitisha pamoja mukiwa wenye furaha, inaonyesha kuwa hata kama kuko mambo fulani ya kizalikio yenye kuwafanya musipatane, munaweza kupendana.” Mujikaze ‘kuendelea kuvumiliana . . . ikiwa yeyote ana sababu ya kulalamika.’—Wakolosai 3:13.

Jaribu kufanya hivi: Andika mambo yenye unataka, unapenda juu ya bibi ao bwana yako, na yenye unaona kama munapatana. Kisha andika mambo yenye unaona kama hamupatane. Unaweza kuona kama kukosa kupatana kwenu hakuko nguvu sana kama vile unawazia. Liste hiyo itaonyesha pia ni katika mambo gani unaweza kuvumilia ao kuunga mukono bibi ao bwana yako. Kenneth, bwana mwenye kuoa, anasema hivi: “Ninafurahi sana wakati bibi yangu anafanya mabadiliko ili kujipatanisha na mimi, na ninajua kama anafurahi wakati ninafanya mabadiliko ili nijipatanishe na yeye. Hata kama inaomba nijitoe sana ili kufanya hivyo, kumuona anafurahi kunanifanya nifurahi pia.”—Kanuni ya Biblia: Wafilipi 4:5.