1, 2. Sababu gani urafiki wa Yonathani na Daudi ni mufano muzuri zaidi wa uaminifu?

YONATHANI alishangaa sana kuona namna Daudi alikuwa kijana mwenye hana uoga. Daudi alikuwa ameua Goliathi, mutu munene na murefu sana, na kuleta kichwa cha Mufilisti huyo kwa Sauli, Mufalme wa Israeli, baba ya Yonathani. (1 Samweli 17:57) Yonathani alijua muzuri kabisa kwamba Mungu alikuwa pamoja na Daudi, na kuanzia wakati huo, Yonathani na Daudi wakakuwa marafiki wa sana. Walifanya mapatano ya kubakia waaminifu mumoja kwa mwenzake sikuzote. (1 Samweli 18:1-3) Yonathani alibakia muaminifu kwa Daudi maisha yake yote.

² Yehova alikuwa amemuchagua Daudi akuwe mufalme mupya wa Israeli, lakini hakumuchagua Yonathani; hata hivyo, Yonathani alibakia muaminifu kwa Daudi. Na Yonathani alihangaika sana wakati Sauli alikuwa anajaribu kumuua Daudi, rafiki yake. Yonathani alijua kwamba Daudi alikuwa katika jangwa la Horeshi; kwa hiyo, alienda huko ili kumutia moyo aendelee kumutegemea Yehova. Yonathani alimuambia Daudi hivi: ‘Usiogope;  kwa kuwa mukono wa Sauli baba yangu hautakupata; na wewe utakuwa mufalme juu ya Israeli, na mimi nitakuwa wa pili kwako.’—1 Samweli 23:16, 17.

3. Zaidi ya kuwa muaminifu kwa Daudi, ni jambo gani lenye lilikuwa la maana zaidi katika maisha ya Yonathani, na tunajua hilo namna gani? (Ona picha kwenye mwanzo wa habari hii.)

³ Kwa kawaida, tunaheshimia sana watu waaminifu. Lakini, tunaheshimia sana Yonathani kwa sababu tu alikuwa muaminifu kwa Daudi? Hapana. Jambo lenye lilikuwa la maana zaidi katika maisha ya Yonathani ni uaminifu wake kwa Mungu. Kwa kweli, ndiyo sababu alikuwa muaminifu kwa Daudi na hakumusikilia wivu, hata kama Daudi ndiye alichaguliwa akuwe mufalme. Pia, Yonathani alimusaidia Daudi amutegemee Yehova. Wanaume hao wawili walibakia waaminifu kwa Yehova na pia kwa mumoja na mwenzake. Walitimiza mapatano haya yenye walifanya: ‘Yehova na akuwe kati yangu na wewe na kati ya uzao wangu na uzao wako mupaka wakati usio na kipimo.’—1 Samweli 20:42.

4. (a) Ni nini itafanya tukuwe na furaha ya kweli na wenye kutosheka? (b) Tutazungumuzia nini katika habari hii?

⁴ Sisi pia tunapaswa kuwa waaminifu kwa watu wa familia yetu, marafiki wetu, na ndugu na dada katika kutaniko. (1 Wathesalonike 2:10, 11) Lakini jambo la maana zaidi, tunapaswa kuwa waaminifu kwa Yehova. Yeye ndiye alitupatia uzima! (Ufunuo 4:11) Ikiwa tunabakia waaminifu kwake, tutakuwa na furaha ya kweli na wenye kutosheka. Lakini tunajua kwamba tunapaswa kuwa waaminifu kwa Mungu hata wakati wa magumu. Katika habari hii, tutazungumuzia namna gani mufano wa Yonathani unaweza kutusaidia kubakia waaminifu kwa Yehova katika hali ine: (1) wakati tunaona kwamba hatupaswe kumuheshimia mutu fulani mwenye amepewa mamlaka, (2) wakati tunapaswa kuamua ikiwa tutabakia waaminifu kwa nani, (3) wakati ndugu fulani mwenye kuongoza hatuelewe ao anatutendea mubaya, na (4) wakati tunaona kwamba ni vigumu kutimiza mapatano fulani.

5. Wakati Sauli alikuwa mufalme, sababu gani ilikuwa vigumu Waisraeli waendelee kuwa waaminifu kwa Mungu?

⁵ Yonathani na Waisraeli walikuwa katika hali ya mubaya. Mufalme Sauli, baba ya Yonathani, alikuwa amekosa utii, na Yehova alimukataa. (1 Samweli 15:17-23) Lakini, Mungu alimuacha Sauli aendelee kutawala kwa miaka mingi. Kwa hiyo, ilikuwa vigumu Waisraeli waendelee kuwa waaminifu kwa Mungu wakati mufalme mwenye alichaguliwa ili ‘kukaa juu ya kiti cha ufalme cha Yehova’ alikuwa anafanya mambo mabaya sana.—1 Mambo ya Nyakati 29:23.

6. Ni nini inaonyesha kwamba Yonathani alibakia muaminifu kwa Yehova?

⁶ Yonathani aliendelea kuwa muaminifu kwa Yehova. Fikiria mambo yenye Yonathani alifanya kisha tu wakati Sauli alianza kukosa kumutii Mungu. (1 Samweli 13:13, 14) Wakati huo, askari wengi sana Wafilisti walikuja na magari ya vita 30000 ili kupigana na Israeli. Sauli alikuwa na askari 600 tu, na ni yeye na Yonathani tu ndio walikuwa na silaha. Lakini Yonathani hakuogopa. Alikumbuka maneno haya ya nabii Samweli: ‘Yehova hatawaacha watu wake kwa ajili ya jina lake kubwa.’ (1 Samweli 12:22) Yonathani alimuambia askari mwenzake hivi: ‘Kwa maana hakuna kizuizi chochote kwa Yehova kuokoa kwamba [iwe]  ni kwa wengi ao ni kwa wachache.’ Kwa hiyo, Yonathani na askari huyo wakapigana na kikundi cha Wafilisti na kuua watu 20 hivi kati yao. Yonathani alikuwa na imani katika Yehova; kwa hiyo, Yehova alimubariki. Yehova alileta tetemeko la inchi, na Wafilisti wakaogopa sana. Kisha wakapigana na kuuana wao kwa wao, na Waisraeli wakapata ushindi.—1 Samweli 13:5, 15, 22; 14:1, 2, 6, 14, 15, 20.

7. Yonathani alimutendea baba yake namna gani?

⁷ Sauli aliendelea kukosa kumutii Yehova, lakini Yonathani aliendelea kumutii baba yake kila mara wakati alimuomba afanye jambo lenye kupatana na mapenzi ya Mungu. Kwa mufano, walipigana vita na Wafilisti ili kuokoa watu wa Yehova.—1 Samweli 31:1, 2.

8, 9. Namna gani tunaonyesha kwamba tuko waaminifu kwa Mungu wakati tunaheshimia wale wenye kuwa na mamlaka?

⁸ Kama vile Yonathani, tunaweza kubakia waaminifu kwa Yehova kwa kuendelea kutii wakubwa wa serikali wakati inawezekana. Yehova anaruhusu ‘mamlaka hizo zilizo kubwa’ zituongoze, na anatuomba tuziheshimie. (Soma Waroma 13:1, 2.) Ndiyo sababu tunapaswa kuheshimia mukubwa fulani wa serikali hata kama iko mutu mubaya na tunaona kwamba hatupaswe kumuheshimia. Kwa kweli, tunapaswa kuheshimia wale wote wenye Yehova amepatia mamlaka.—1 Wakorintho 11:3; Waebrania 13:17.

⁹ Dada Olga wa Amerika ya Kusini, alionyesha uaminifu wake kwa Yehova kwa kuendelea  kuheshimia bwana yake hata kama alikuwa anamutendea mubaya. ^[1] (Soma maelezo kwenye mwisho wa habari hii.) Wakati fulani bwana yake alikataa kuzungumuza naye ao alimuambia maneno mabaya kwa sababu yeye ni Shahidi wa Yehova. Alimuambia pia kwamba atamuacha na kubeba watoto. Lakini dada Olga hakumulipa ubaya kwa ubaya. Alifanya yake yote ili akuwe bibi muzuri. Alimupikia chakula, alimufulia manguo, na alihangaikia watu wa familia yake. (Waroma 12:17) Na wakati iliwezekana, alikuwa anaenda pamoja naye ili kutembelea watu wa familia na marafiki wake. Kwa mufano, wakati bwana yake alipenda kuenda katika muji mwingine kwenye maziko ya baba yake, dada Olga alitayarisha kila kitu kwa ajili ya safari. Kisha, kwenye maziko hayo, alimungojea bwana yake inje ya kanisa. Kisha miaka mingi, bwana ya dada Olga alianza kumutendea muzuri kwa sababu aliendelea kuvumilia na kumuheshimia. Leo anamutia moyo dada Olga aende kwenye mikutano na anamupeleka huko. Wakati fulani bwana yake anaenda kwenye mikutano pamoja naye.—1 Petro 3:1.

10. Ni nini ilimusaidia Yonathani ajue ikiwa atabakia muaminifu kwa nani?

¹⁰ Wakati Sauli alisema kwamba atamuua Daudi, Yonathani alikuwa na uamuzi muzito wa kuchukua. Alipenda kubakia muaminifu kwa baba yake, lakini alipenda pia abakie muaminifu kwa Daudi. Yonathani alijua kwamba Mungu alikuwa pamoja na Daudi na kwamba alikuwa amemuacha Sauli; kwa hiyo, alichagua kubakia muaminifu kwa Daudi. Alimuambia Daudi ajifiche na kisha alimuambia Sauli sababu gani hakupaswa kumuua Daudi.—Soma 1 Samweli 19:1-6.

11, 12. Namna gani kumupenda Mungu kunatusaidia tuamue kubakia waaminifu kwake?

¹¹ Dada Alice wa Australia, alipaswa kuamua ikiwa atabakia muaminifu kwa nani. Wakati alikuwa anajifunza Biblia, alielezea watu wa familia yake mambo yenye alikuwa anajifunza. Aliwaambia pia kwamba hatafanya tena sikukuu ya Noeli pamoja nao, na aliwaelezea sababu gani. Kwanza, watu wa familia yake walivunjika moyo, kisha walimukasirikia sana. Waliona kwamba dada Alice hawahangaikie tena hata kidogo. Kisha mama yake alisema kwamba hapendi tena hata kidogo kumuona. Dada Alice alisema hivi: “Nilihuzunika na kuvunjika moyo sana kwa sababu nilipenda kabisa watu wa familia yangu. Hata hivyo, niliamua kwamba Yehova na Mutoto wake wanapaswa kuwa wa kwanza katika moyo wangu, na nilibatizwa kwenye mukusanyiko wa muzunguko wenye ulifuata.”—Mathayo 10:37.

¹² Kuwa waaminifu kwa Yehova ni jambo la maana zaidi kuliko kuwa waaminifu kwa mambo kama vile, vikundi vya wachezaji, masomo, ao inchi. Kwa mufano, Henry alifurahia kucheza muchezo wa chesi (jeux d’échecs, muchezo wenye kuchezwa kama dame) katika kikundi cha masomo yake na alipenda kupata ushindi kwa ajili ya masomo yake. Lakini kwa sababu alikuwa anacheza muchezo huo kila mwisho wa juma, hakuwa tena na wakati mwingi wa kuhubiri na kukusanyika. Henry alisema kwamba alikuwa ameanza kuwa muaminifu zaidi kwa masomo yake kuliko kuwa muaminifu kwa Mungu. Kwa hiyo, aliamua kuacha kucheza kwa ajili ya masomo yake.—Mathayo 6:33.

13. Namna gani kubakia waaminifu kwa Mungu kunatusaidia tupambane na magumu katika familia?

¹³ Wakati fulani inaweza kuwa vigumu  kuwa waaminifu kwa watu wote wa familia yetu. Kwa mufano, ndugu Ken anasema hivi: “Nilipenda kumutembelea kwa ukawaida mama yangu mwenye kuzeeka, na kumuleta ili abakie pamoja na sisi wakati fulani. Lakini mama yangu na bibi yangu hawakuwa wanasikilizana.” Anaongezea hivi: “Singeweza kupendeza mumoja bila kuchukiza mwingine.” Ndugu Ken alifikiria mambo yenye Biblia inasema na alielewa kwamba katika hali hiyo, alipaswa kumupendeza bibi yake na kubakia muaminifu kwake. Kwa hiyo, alichukua uamuzi wenye ulifurahisha bibi yake. Kisha, alimuelezea bibi yake sababu gani anapaswa kumutendea muzuri mama yake mukwe. Alielezea pia mama yake sababu gani anapaswa kumuheshimia bibi yake.—Soma Mwanzo 2:24; 1 Wakorintho 13:4, 5.

14. Namna gani Sauli alimutendea Yonathani mubaya?

¹⁴ Tunaweza pia kubakia waaminifu kwa Yehova wakati ndugu fulani mwenye kuongoza anatutendea mubaya. Mungu ndiye alimuchagua Mufalme Sauli; lakini yeye alimutendea mubaya mutoto wake. Hakuelewa sababu gani Yonathani alimupenda Daudi. Kwa hiyo, wakati Yonathani alipenda kumusaidia Daudi, Sauli alimukasirikia sana, na alimupatisha haya mbele ya watu. Lakini Yonathani aliendelea kumuheshimia baba yake na wakati uleule, aliendelea kuwa muaminifu kwa Yehova na kwa Daudi, mwenye Mungu alichagua ili akuwe mufalme mupya wa Israeli.—1 Samweli 20:30-41.

15. Tunapaswa kufanya nini wakati ndugu fulani anatutendea mubaya?

 ¹⁵ Leo, ndugu wenye kuongoza katika makutaniko yetu wanajikaza kutendea watu wote muzuri. Lakini, ndugu hao hawako wakamilifu. Ndiyo sababu wanaweza kushindwa kuelewa sababu gani tumefanya jambo fulani. (1 Samweli 1:13-17) Kwa hiyo, ikiwa siku moja wengine wanashindwa kutuelewa ao wanatutendea mubaya, tunapaswa kubakia waaminifu kwa Yehova.

16. Ni katika hali gani tunapaswa kubakia waaminifu kwa Mungu na kuepuka kujipenda sisi wenyewe?

¹⁶ Sauli alipenda Yonathani akuwe mufalme wa Israeli pa nafasi ya Daudi. (1 Samweli 20:31) Lakini Yonathani alimupenda Yehova na alikuwa muaminifu kwake. Kwa hiyo, kuliko kujipenda yeye mwenyewe, Yonathani akakuwa rafiki ya Daudi na kutimiza mapatano yao. Kwa kweli, kila mutu mwenye kumupenda Yehova na mwenye kuwa muaminifu kwake ‘hatabadilika.’ (Zaburi 15:4) Kwa sababu tuko waaminifu kwa Mungu, tutatimiza mapatano yetu. Kwa mufano, ikiwa tunafanya mapatano katika mambo ya biashara, tunapaswa kutimiza mapatano hayo, hata kama magumu inatokea. Na ikiwa tuko na magumu katika ndoa yetu, tutaonyesha kwamba tunamupenda Yehova kwa kubakia waaminifu kwa bibi ao bwana yetu.—Soma Malaki 2:13-16.

17. Habari hii imekusaidia namna gani?

¹⁷ Kama Yonathani, tunapenda kuwa waaminifu kwa Mungu hata wakati wa magumu. Kwa hiyo, tuendelee basi kuwa waaminifu kwa ndugu na dada zetu, wakati wanatuvunja moyo. Tukifanya hivyo, tutafurahisha moyo wa Yehova, na jambo hilo litatuletea furaha zaidi. (Methali 27:11) Tunaweza kuwa hakika kwamba atatufanyia mambo mazuri na kutuhangaikia sikuzote. Katika habari yenye kufuata, tutazungumuzia mifano ya watu fulani wa wakati wa Daudi wenye walikuwa waaminifu, na wengine wenye hawakuwa waaminifu, na tutaona mambo yenye mifano hiyo inaweza kutufundisha.