SAULI na askari wake 3000 walikuwa wanamutafuta Daudi katika jangwa la Yuda ili wamuue. Lakini, usiku moja, Daudi na watu wake waliona kwenye Sauli na askari wake walikuwa. Wote walikuwa wamelala kabisa; kwa hiyo, Daudi na Abishai walipita polepole katikati ya askari na kufika kwenye Sauli alikuwa amelala. Abishai akamuambia Daudi hivi kwa sauti ya chini: ‘Acha nimupigilie chini kwa mukuki mara moja tu, na mimi sitafanya hivyo mara mbili.’ Lakini Daudi hakumuruhusu amuue Sauli. Alimuambia Abishai hivi: ‘Usimuangamize [usimuue], kwani ni nani amepata kunyoosha mukono wake juu ya mutiwa-mafuta wa Yehova, naye akabaki bila hatia [kosa]?’ Kisha Daudi alisema hivi: ‘Ni jambo lisilowaziwa kwangu, kwa maoni ya Yehova, kwamba ninyooshe mukono wangu juu ya mutiwa-mafuta wa Yehova!’—1 Samweli 26:8-12.

1, 2. Namna gani Daudi alionyesha uaminifu wake kwa Mungu? (Ona picha kwenye mwanzo wa habari hii.)

 ² Daudi alijua jambo lenye alipaswa kufanya ili abakie muaminifu kwa Yehova. Alijua kwamba alipaswa kumuheshimia Sauli, na hakufikiria hata kidogo kumuumiza. Sababu gani? Kwa sababu Mungu alikuwa amemuchagua Sauli akuwe mufalme wa Israeli. Leo pia, Yehova anapenda watumishi wake wote waendelee kuwa waaminifu kwake na kuheshimia wale wenye ameruhusu wakuwe na mamlaka fulani.—Soma Mika 6:8.

3. Namna gani Abishai alionyesha uaminifu wake kwa Daudi?

³ Abishai alimuheshimia Daudi kwa sababu alijua kwamba Mungu alikuwa amemuchagua ili akuwe mufalme. Lakini, kisha kuwa mufalme, Daudi alifanya zambi nzito. Alilala na bibi ya Uriya na kisha akamuambia Yoabu afanye yake yote ili Uriya akufe kwenye vita. (2 Samweli 11:2-4, 14, 15; 1 Mambo ya Nyakati 2:16) Abishai alikuwa ndugu ya Yoabu; kwa hiyo, inawezekana Abishai alisikia mambo yenye Daudi alifanya, lakini aliendelea kumuheshimia. Zaidi ya hilo, Abishai alikuwa kiongozi wa askari; kwa hiyo, angetumia nafasi hiyo ili kujifanya mufalme, lakini hakufanya hivyo. Lakini, alimutumikia Daudi na kumulinda ili maadui wake wasimuue.—2 Samweli 10:10; 20:6; 21:15-17.

4. (a) Daudi alituachia mufano gani wa uaminifu kwa Mungu? (b) Tutazungumuzia mufano wa watu gani?

⁴ Daudi alibakia muaminifu kwa Yehova maisha yake yote. Wakati alikuwa kijana, alimuua Goliathi, mutu munene na murefu sana mwenye alikuwa anamutukana Mungu na Waisraeli. (1 Samweli 17:23, 26, 48-51) Wakati Daudi alikuwa mufalme, Nathani, nabii wa Yehova, alikuja kumushauria juu ya zambi zenye alifanya. Daudi alikubali palepale kwamba amefanya zambi na alitubu. (2 Samweli 12:1-5, 13) Kisha, wakati Daudi alizeeka, alitoa vitu vingi vya bei ili visaidie katika kazi ya kujenga hekalu la Yehova. (1 Mambo ya Nyakati 29:1-5) Ni wazi kwamba Daudi alifanya zambi nzito katika maisha yake, lakini aliendelea kuwa muaminifu kwa Mungu. (Zaburi 51:4, 10; 86:2) Katika habari hii, tutazungumuzia mufano wa Daudi na watu wengine wenye waliishi wakati wake, na tutaona namna gani tunaweza kubakia kabisa waaminifu kwa Yehova kuliko mutu mwengine yeyote. Tutazungumuzia pia sifa zingine za kutusaidia kufanya hivyo.

5. Kosa la Abishai linatufundisha nini?

⁵ Ili kuonyesha uaminifu wake kwa Daudi, Abishai alipenda kumuua Sauli. Lakini, Daudi hakumuruhusu Abishai amuue mufalme, kwa sababu alijua kwamba ni mubaya kuua ‘mutiwa-mafuta wa Yehova.’ (1 Samweli 26:8-11) Hilo linatufundisha somo hili la maana: Wakati tunapaswa kuamua ikiwa tutabakia waaminifu kwa nani kwanza, tunapaswa kufikiria kanuni za Biblia zenye zinaweza kutusaidia katika hali hiyo.

6. Ni kawaida kuwa waaminifu kwa watu wa familia na marafiki wetu; lakini, sababu gani tunapaswa kuwa waangalifu?

⁶ Ni kawaida kuwa muaminifu kwa mutu mwenye tunapenda, rafiki ao mutu wa familia yetu. Lakini, kwa sababu hatukamilike, moyo wetu unaweza kutudanganya. (Yeremia 17:9) Kwa hiyo, ikiwa mutu fulani mwenye  tunapenda anazoea kufanya zambi na anaacha kweli, tunapaswa kukumbuka kwamba ni jambo la maana zaidi kubakia waaminifu kwa Yehova kuliko mutu mwengine yeyote.—Soma Mathayo 22:37.

7. Namna gani dada moja alibakia muaminifu kwa Mungu wakati alikuwa katika hali ngumu?

⁷ Unaweza kuonyesha kwamba uko muaminifu kwa Yehova hata kama mutu fulani wa familia yako ametengwa na kutaniko. Kwa mufano, mama ya dada Anne alikuwa ametengwa na kutaniko; lakini, siku moja alimuita dada Anne kwenye telefone ili kumuambia kwamba anapenda kumutembelea. ^[1] (Soma maelezo kwenye mwisho wa habari hii.) Mama ya dada Anne alisema kwamba alikosa furaha kabisa kwa sababu watu wa familia yake walikataa kuzungumuza naye. Dada Anne alihuzunika, na alimuambia kwamba atamujibu kupitia barua. Mbele ya kuandika barua, dada Anne alifikiria sana kanuni fulani za Biblia. (1 Wakorintho 5:11; 2 Yohana 9-11) Kisha, katika barua, alimuelezea mama yake kwa upole kwamba yeye mwenyewe ndiye aliacha familia wakati alifanya zambi na kukataa kutubu. Dada Anne aliambia mama yake kwamba jambo moja tu lenye lingemusaidia akuwe na furaha tena ni kumurudilia Yehova.—Yakobo 4:8.

8. Ni sifa gani zitatusaidia tubakie waaminifu kwa Mungu?

⁸ Watumishi waaminifu wa Mungu wa wakati wa Daudi walikuwa pia wanyenyekevu, wapole, na wenye ujasiri. Tuone basi namna gani sifa hizo zinaweza kutusaidia tubakie waaminifu kwa Yehova.

9. Sababu gani Abneri alijaribu kumuua Daudi?

⁹ Yonathani, mutoto wa Sauli, na Abneri, mukubwa wa jeshi la Israeli, waliona namna Daudi alimuletea Mufalme Sauli kichwa cha Goliathi. Kwa hiyo, Yonathani akakuwa rafiki ya Daudi na alibakia muaminifu kwake. (1 Samweli 17:57–18:3) Lakini Abneri hakuwa muaminifu kwa Daudi. Ndiyo sababu, wakati Sauli alikuwa anatafuta kumuua Daudi, Abneri alimuunga mukono. (1 Samweli 26:1-5; Zaburi 54:3) Yonathani na Abneri walijua kwamba Mungu alipenda Daudi akuwe mufalme mupya wa Israeli. Hata hivyo, kisha kifo cha Sauli, Abneri hakumutegemeza Daudi. Lakini, alijaribu kumufanya Ish-boshethi, mutoto wa Sauli, akuwe mufalme. Kisha, inawezekana Abneri  mwenyewe alipenda kujifanya mufalme, pengine ndiyo sababu alilala na bibi moja kati ya bibi za Mufalme Sauli. (2 Samweli 2:8-10; 3:6-11) Sababu gani Yonathani na Abneri walikuwa na mawazo yenye kuachana sana juu ya Daudi? Kwa sababu, tofauti na Abneri, Yonathani alikuwa munyenyekevu na muaminifu kwa Yehova.

10. Sababu gani Absalomu hakuwa muaminifu kwa Mungu?

¹⁰ Absalomu, mutoto wa Mufalme Daudi, alikosa uaminifu kwa Mungu kwa sababu hakuwa munyenyekevu. Alipenda akuwe mufalme; kwa hiyo, alichukua “gari, pamoja na farasi na watu 50 wenye kukimbia mbele yake.” (2 Samweli 15:1) Alichochea pia Waisraeli wengi wamuunge mukono. Alijua kwamba Yehova ndiye alimufanya Daudi kuwa mufalme wa Israeli; lakini, alitafuta kumuua.—2 Samweli 15:13, 14; 17:1-4.

11. Mifano ya Abneri, Absalomu, na Baruku, yenye Biblia inazungumuzia inaweza kutuletea faida gani?

¹¹ Ni vigumu kwa mutu mwenye kuwa na kiburi na mwenye kupenda mamlaka sana abakie muaminifu kwa Mungu. Kwa kweli, tunamupenda Yehova, na hatupendi kuwa watu wabaya na wenye kujipenda wenyewe kama vile Abneri na Absalomu. Lakini, tunapaswa kuwa waangalifu ili tusianze kuwa na tamaa ya kupata feza nyingi ao kazi yenye itatufanya tuonekane kuwa watu wa maana sana. Hilo litaharibu urafiki wetu pamoja na Yehova. Wakati fulani, Baruku, mwandishi wa nabii Yeremia, alianza kuwa na tamaa na hakufurahia tena kumutumikia Yehova. Kisha Yehova alimuambia Baruku hivi: ‘Tazama! Kile ambacho nimekijenga ninakibomoa, na kile ambacho nimekipanda ninakiongoa, ndiyo, inchi yote. Na wewe unaendelea kujitafutia makubwa. Usiendelee kuyatafuta.’ (Yeremia 45:4, 5) Baruku alitii shauri la Yehova. Sisi pia tunapaswa kutii mashauri ya Yehova kwa sababu hivi karibuni, ataharibu ulimwengu huu muovu.

12. Eleza sababu gani hatuwezi kuendelea kuwa waaminifu kwa Mungu ikiwa tunajipenda sisi wenyewe.

¹² Daniel, ndugu wa Meksiko, alipaswa kuamua ikiwa atabakia muaminifu kwa nani. Alipenda kuoa binti mwenye hakuwa Shahidi wa Yehova. Ndugu Daniel anasema hivi: “Niliendelea kumuandikia hata kisha kuanza kazi ya upainia.” Lakini, alitambua kwamba kufanya mambo yenye alipenda ilikuwa kujipenda yeye mwenyewe. Hakuwa muaminifu kwa Yehova; kwa hiyo, alipaswa kuwa munyenyekevu.  Ndiyo sababu, alielezea muzee moja mwenye uzoefu habari juu ya urafiki wake na binti huyo. Ndugu Daniel anasema hivi: “Muzee huyo alinisaidia nielewe kwamba ikiwa ninapenda kuendelea kuwa muaminifu kwa Yehova, ninapaswa kuacha kumuandikia binti huyo. Nilifanya hivyo kisha kusali na kulia sana. Kisha, nilianza tena kufurahia kabisa kazi ya kuhuburi.” Sasa Ndugu Daniel ni mwangalizi wa muzunguko na iko na bibi mwenye kumupenda Yehova.

13. Wakati Daudi alifanya zambi, namna gani nabii Nathani alibakia muaminifu kwa Yehova na kwa Daudi?

¹³ Ikiwa tunaendelea kuwa waaminifu kwa Yehova, tunaweza pia kuwa waaminifu kwa wengine na kuwasaidia katika njia nzuri zaidi. Nabii Nathani alibakia muaminifu kwa Yehova na kwa Daudi. Kisha Daudi kulala na bibi ya Uriya na kumuua Uriya mwenyewe, Yehova alimutuma nabii Nathani ili amushaurie Daudi. Nabii Nathani alionyesha ujasiri na alimutii Yehova. Lakini alitenda pia kwa hekima na alizungumuza na Daudi kwa upole. Alipenda kumusaidia Daudi aelewe kwamba zambi yake ilikuwa nzito. Kwa hiyo, alimuelezea hadisi ya mwanaume moja tajiri mwenye aliiba kondoo moja tu ya mwanaume masikini. Wakati Daudi alisikia hadisi hiyo, alikasirika sana kwa sababu ya jambo lenye mwanaume huyo tajiri alikuwa amefanya. Kisha nabii Nathani alimuambia hivi: ‘Wewe mwenyewe ndiye yule mwanaume!’ Daudi alitambua kwamba alikuwa amemutendea Yehova zambi.—2 Samweli 12:1-7, 13.

14. Namna gani unaweza kuwa muaminifu kwa Yehova, kwa marafiki, na watu wa jamaa yako?

¹⁴ Wewe pia unaweza kubakia muaminifu kwa Yehova kwanza, na kwa wengine kwa kuwatendea kwa upole. Kwa mufano, pengine unajua muzuri kwamba ndugu ao dada fulani amefanya zambi nzito. Unaweza kupenda ubakie muaminifu kwake, zaidi sana ikiwa yeye ni rafiki yako wa sana ao mutu wa familia. Lakini, unajua pia kwamba jambo la lazima zaidi ni kubakia muaminifu kwa Yehova. Kwa hiyo, uige mufano wa Nathani kwa kumutii Yehova na kumutendea ndugu ao dada yako kwa upole. Umuambie kama anapaswa kuzungumuza na wazee bila kukawia na kutafuta musaada wao. Ikiwa hafanye hivyo, unapaswa sasa kuwaambia wazee. Ikiwa unafanya hivyo, utaonyesha kwamba uko muaminifu kwa Yehova. Pia, unamutendea ndugu ao dada yako kwa wema kwa sababu wazee wanaweza kumusaidia akuwe tena na urafiki muzuri pamoja na Yehova. Watamushauria kwa wema na upole.—Soma Walawi 5:1; Wagalatia 6:1.

15, 16. Sababu gani Hushai alipaswa kuwa na ujasiri ili abakie muaminifu kwa Mungu?

¹⁵ Hushai alikuwa moja kati ya marafiki waaminifu wa Mufalme Daudi. Hushai alipaswa kuwa na ujasiri ili abakie muaminifu kwa Mungu  na kwa Daudi, wakati watu walipenda kumufanya Absalomu akuwe mufalme. Alijua kwamba Absalomu alikuwa amekuja Yerusalemu pamoja na maaskari wake na kwamba Daudi alikuwa amekimbia. (2 Samweli 15:13; 16:15) Lakini, Hushai alifanya nini? Alimuacha Daudi na kujiunga na Absalomu? Hapana. Daudi alikuwa amezeeka na watu walipenda kumuua; hata hivyo, Hushai alibakia muaminifu kwake kwa sababu alijua kwamba Yehova alikuwa amemufanya Daudi akuwe mufalme. Kwa hiyo, Hushai alienda kwenye Mulima wa Mizeituni ili kukutana na Daudi.—2 Samweli 15:30, 32.

¹⁶ Daudi alimuambia Hushai arudie Yerusalemu na kujifanya rafiki ya Absalomu ili amuchochee akubali mashauri yake kuliko kufuata mashauri ya Ahithofeli. Hushai alikuwa na ujasiri na alitia maisha yake katika hatari ili kutii Daudi na kubakia muaminifu kwa Yehova. Daudi alisali ili Yehova amusaidie Hushai, na Yehova alimusaidia kabisa. Absalomu alisikiliza mashauri ya Hushai kuliko ile ya Ahithofeli.—2 Samweli 15:31; 17:14.

17. Sababu gani tunapaswa kuwa na ujasiri ili tubakie waaminifu?

¹⁷ Ili tubakie waaminifu kwa Yehova na kumutii kuliko kufanya mambo yenye watu wa familia, wafanyakazi wenzetu, ao wakubwa wa serikali wanatuomba tufanye, tunapaswa kuwa na ujasiri. Kwa mufano, tangu wakati alikuwa mutoto mudogo, Taro wa inchi ya Japani, alikuwa anafanya yake yote ili kufurahisha wazazi wake. Aliwatii na alikuwa muaminifu kwao; hakufanya hivyo kwa sababu walimulazimisha, lakini kwa sababu aliwapenda. Lakini, wakati alianza kujifunza na Mashahidi wa Yehova, wazazi wake walijaribu kumukataza. Alihuzunika sana, na alishindwa kuambia wazazi wake kwamba alikuwa ameamua kuanza kuenda kwenye mikutano. Taro anasema hivi: “Walikasirika sana; kwa hiyo, kwa muda wa miaka mingi walinikataza kutembelea Mashahidi wa Yehova. Nilisali ili nipate nguvu ya kushikamana na uamuzi wangu. Sasa wameregeza kidogo musimamo wao; kwa hiyo, ninaweza kuwatembelea kwa ukawaida.”—Soma Methali 29:25.

18. Habari hii imekuletea faida gani?

¹⁸ Kubakia waaminifu kwa Yehova kunaweza pia kutufanya tutosheke kama vile Daudi, Yonathani, Nathani, na Hushai. Hatupendi hata kidogo kukosa uaminifu kama vile Abneri na Absalomu. Ni kweli kwamba hatukamilike na tunafanya makosa. Tumuonyeshe basi Yehova kwamba jambo la lazima zaidi katika maisha yetu ni kubakia waaminifu kwake.