VIJANA wawili wanamuke walikuwa wanatembea mu eneo la biashara katika Muji wa Baguio, Ufilipino. Waliona prezantware, lakini hawakuikaribia. Helen, dada mwenye alikuwa anasimama pembeni ya prezantware, aliwaonyesha kabisa sura ya kicheko. Wale wanamuke waliendelea na safari yao, lakini sura ya kicheko ya Helen iliwagusa moyo.

Kisha, walikamata bisi ili kurudia ku nyumba. Wakati walikuwa wanarudia, waliona maandishi jw.org yenye kuandikwa kwa herufi kubwa. Ile maandishi ilikuwa ku Jumba la Ufalme. Walikumbuka kama ni ileile maandishi njo waliona ku prezantware. Walishuka mu bisi na wakati waliangalia ku mulango wa Jumba la Ufalme, waliona programu ya mikutano ya makutaniko mbalimbali yenye kukusanyikia pale.

Wale wanamuke wawili walihuzuria mukutano wenye ulifuata. Na unajua ni nani mwenye waliona wakati walikuwa wanaingia mu Jumba la Ufalme? Ni Helen! Bila kukawia walitambua kama ni yeye njo aliwaonyeshaka kabisa sura ya kicheko. Helen anasema hivi: “Wakati walikuwa wanakuja kwenye nilikuwa, nilikuwa na wasiwasi kidogo. Nilijiuliza ni juu ya nini walinikaribia.” Lakini, wale wanamuke walimufasiria Helen namna mambo ilikuwaka.

Wale vijana wanamuke walifurahia mukutano na walijisikia muzuri kuwa pamoja na ndugu na dada. Wakati waliona wengine wako wanasafisha Jumba la Ufalme kisha mukutano, waliuliza ikiwa wao pia wanaweza kusaidia. Mumoja kati ya wale wanamuke haishi tena katika inchi ya Ufilipino. Lakini ule mwingine alianza kukusanyika na kujifunza Biblia. Ile yote juu tu dada yetu aliwaonyesha sura ya kicheko!