1-2. Ni nani njo anaweza kusaidia mwanafunzi wa Biblia afikie kubatizwa?

AMY, mwenye anaishi Fiji, anasema hivi: “Nilipenda mambo yenye nilipata mu funzo langu la Biblia, nilijua kama ile njo kweli. Lakini, ni wakati tu nilianza kupitisha wakati pamoja na ndugu na dada njo nilifanya mabadiliko na nikafikia kubatizwa.” Habari ya Amy inatufundisha jambo fulani la maana: Inawezekana kabisa mwanafunzi wa Biblia afanye maendeleo na afikie kubatizwa wakati ndugu na dada mu kutaniko wanamusaidia.

² Kila muhubiri anaweza kusaidia wanafunzi wa Biblia ili wafikie kuwa washiriki wa kutaniko. (Efe. 4:16) Leilani, painia mumoja mwenye kuishi Vanuatu, anasema hivi: “Banasemaka, kidole moja hakiuwake chawa. Nawaza ni vile pia kuhusu kazi ya kufanya wanafunzi; mara mingi, kutaniko njo inaletaka mutu katika kweli.” Ni vile pia juu ya mutoto. Juu afikie kuwa mutu muzima, iko na lazima ya musaada wa wazazi, watu wa familia, marafiki na walimu wake wa masomo. Wanafanya vile kwa kumutia moyo mutoto na kwa kumufundisha mambo ya maana. Wahubiri pia wanafanya vile kwa kutolea wanafunzi wa Biblia mashauri, kuwatia moyo, na kuwawekea mufano muzuri. Ile inawasaidia wafanye maendeleo na wafikie kubatizwa.​—Mez. 15:22.

3. Mambo yenye Ana, Dorin, na Leilani walisema, inakufundisha nini?

³ Juu ya nini muhubiri mwenye kuongoza funzo la Biblia anapaswa kukubali musaada wenye wahubiri wengine wanatolea mwanafunzi wake wa Biblia? Ana, painia wa pekee wa inchi ya Moldavie, anasema hivi: “Juu mwanafunzi wa Biblia iko na lazima ya mambo mingi, inakuwa nguvu kwa mwalimu yeye peke kumutolea musaada wote wenye iko nao lazima.” Dorin, painia wa pekee mwenye anaishi pia mu inchi ya Moldavie, anasema hivi: “Mara mingi, wahubiri wengine wanasemaka jambo fulani, lenye pengine singewaziaka, lakini lenye linagusa moyo wa mwanafunzi wa Biblia.” Leilani anaongeza hivi: “Wakati mwanafunzi  anaona namna ndugu na dada wanamupenda na kumuhangaikia, ile inamusaidia kutambua kama tuko watu wa Yehova.”​—Yoh. 13:35.

4. Tutazungumuzia nini mu hii habari?

⁴ Lakini, pengine unajiuliza, ‘Namna gani naweza kusaidia mwanafunzi wa Biblia afanye maendeleo wakati haiko miye njo najifunzaka naye Biblia?’ Tuzungumuzie mambo yenye tunaweza kufanya wakati muhubiri fulani anatuomba tumusindikize kuongoza funzo lake la Biblia, na pia mambo yenye tunaweza kufanya wakati mwanafunzi wa Biblia anaanza kukusanyika. Tena, tutazungumuzia mambo yenye wazee wanaweza kufanya ili kusaidia wanafunzi wa Biblia wafikie kubatizwa.

5. Uko na daraka gani wakati unasindikiza muhubiri mwenzako ku funzo lake la Biblia?

⁵ Wakati wa funzo, ni mwalimu kwanza njo iko na daraka la kumusaidia mwanafunzi wake aelewe Neno la Mungu. Kama muhubiri mwenzako anakuomba umusindikize ku funzo lake la Biblia, ukuwe tayari kumusaidia. Ile njo daraka lako. (Muh. 4:9, 10) Sasa, unaweza kufanya nini ili kusaidia muzuri wakati wa funzo?

6. Namna gani unaweza kutumikisha kanuni ya Biblia yenye kuwa mu Mezali 20:18 wakati utasindikiza muhubiri mwenzako kuongoza funzo lake la Biblia?

⁶ Ujitayarishe kwa ajili ya funzo. Kwanza, uliza muhubiri mwenzako akuambie mambo fulani juu ya mwanafunzi wake wa Biblia. (Soma Mezali 20:18.) Unaweza kumuuliza: “Ni mambo gani unajua juu ya mwanafunzi wako wa Biblia? Ni habari gani mutajifunza naye? Ni mambo gani unapenda abakie nayo mu kichwa? Wakati wa funzo, unawaza ni muzuri nifanye nini ao nisifanye nini? Ao unawaza ni muzuri niseme nini ao nisiseme nini? Namna gani naweza kutia moyo mwanafunzi afanye maendeleo?” Ni kweli kama, muhubiri mwenzako hatakuambia mambo ya kipekee kuhusu mwanafunzi wake. Lakini atakuambia tu mambo ya maana yenye itakupatia wazo fulani juu ya mwanafunzi. Joy, dada mumoja mwenye ni misionere, anazungumuziaka hii mambo pamoja na muhubiri mwenye anamusindikiza ku funzo lake la Biblia. Anasema hivi: “Hii mazungumuzo inasaidiaka muhubiri mwenye ananisindikiza apendezwe na mwanafunzi wa Biblia na ajue nini atasema wakati wa funzo.”

7. Kama utasindikiza muhubiri mwenzako ku funzo lake, juu ya nini ni muzuri ujitayarishe?

⁷ Kama utasindikiza muhubiri mwenzako kuongoza funzo, ni muzuri utayarishe habari yenye mutazungumuzia. (Ezr. 7:10) Ndugu Dorin, mwenye tulitaja, anasema hivi: “Napendaka sana wakati mwenye ananisindikiza alishatayarisha habari yenye tutajifunza na mwanafunzi. Ile inasaidia alete mawazo ya muzuri wakati wa funzo.” Zaidi ya ile, mwanafunzi ataona kama wewe na mwenye alikusindikiza mulijitayarisha muzuri, na mutakuwa mumemuachia mufano muzuri. Lakini kama hauna wakati wa  kutayarisha muzuri habari yenye mutajifunza, unaweza kutumia dakika fulani ili kutayarisha mawazo makubwa.

8. Unaweza kufanya nini ili sala yako ikuwe yenye kufaa zaidi wakati wa funzo la Biblia?

⁸ Sala ni sehemu ya maana sana wakati wa funzo la Biblia. Kwa hiyo, fikiria mbele ya wakati mambo yenye utasema kama muhubiri mwenzako anakuambia usali. Ukifanya vile, sala yako itakuwa yenye kufaa zaidi. (Zb. 141:2) Hanae, mwenye kuishi Japani, angali anakumbuka sala za dada mwenye alisindikiza mwalimu wake wa Biblia. Anasema hivi: “Ule dada alikuwa na urafiki wa karibu sana pamoja na Yehova, na nilipenda kuwa kama yeye. Na wakati alitaja jina langu katika sala, niliona kabisa kama ananipenda.”

9. Kulingana na Yakobo 1:19, namna gani unaweza kumusaidia muhubiri mwenzako wakati iko anaongoza funzo la Biblia?

⁹ Umusaidie muhubiri mwenzako wakati wa funzo. Dada Omamuyovbi, mwenye ni painia wa pekee mu Nigeria, anasema hivi: “Muhubiri muzuri mwenye anakusindikiza ni ule mwenye anakusikiliza kwa uangalifu wakati uko unaongoza funzo, tena anatoa mawazo ya muzuri na hasemake-semake sana juu anajua kama ni weye njo uko unaongoza.” Wakati wa funzo, ni nini njo itakusaidia ujue wakati wa kusema na namna ya kusema? (Mez. 25:11) Wakati muhubiri na mwanafunzi wake wako wanasema, usikilize kwa uangalifu. (Soma Yakobo 1:19.) Ile itafanya ujue wakati muzuri wa kusema. Lakini unapaswa kuwaza mbele ya kusema. Kwa mufano, hautasema-sema mingi, hautamukatiza-katiza muhubiri wakati iko anaongoza funzo, ao hautazungumuzia habari ingine yenye kuwa tofauti na ile yenye muko munajifunza. Lakini, unaweza kutoa maelezo ya mufupi, mufano, ao ulizo fulani juu ya kufanya wazo fulani ikuwe wazi zaidi. Wakati fulani, unaweza kusikia kama hauna kitu fulani ya kuongeza; hata vile, kama unamupongeza mwanafunzi, na kuonyesha kama unamuhangaikia, ile itamusaidia sana afanye maendeleo.

10. Namna gani kumuambia mwanafunzi wa Biblia mambo yenye ulijionea kunaweza kumusaidia?

¹⁰ Umuambie mambo fulani yenye ulijionea. Kama inaweza kusaidia mwanafunzi, unaweza kumuambia kwa kifupi namna ulijifunza kweli, namna ulishinda magumu fulani, ao namna uliona mukono wa Yehova mu maisha yako. (Zb. 78:4, 7) Pengine ile njo mambo yenye mwanafunzi iko nayo lazima. Ile inaweza kutia nguvu imani yake ao kumutia moyo afanye maendeleo mupaka afikie kubatizwa. Na pengine ile inaweza kumusaidia ajue namna ya kushinda majaribu yenye iko nayo. (1 Pe. 5:9) Gabriel, mwenye anaishi Brazili na mwenye sasa ni painia, anakumbuka mambo yenye ilimusaidia wakati alikuwa anajifunza Biblia. Anasema hivi: “Wakati ndugu waliniambia mambo yenye walijionea mu maisha yao, ile ilinisaidia kuelewa kama Yehova anajua magumu yetu. Na kama  wao waliweza kushinda magumu yao, kumbe na miye nitaweza.”

11-12. Wakati mwanafunzi wa Biblia anakusanyika, juu ya nini tunapaswa kumuchangamukia?

¹¹ Juu mwanafunzi wa Biblia afanye maendeleo mupaka afikie kubatizwa, anapaswa kukusanyika kwa ukawaida na kufanya yake yote juu mikutano imuletee faida. (Ebr. 10:24, 25) Kwa kawaida, muhubiri ataalika mwanafunzi wake akusanyike kwa mara ya kwanza. Na wakati anafika, sisi wote tunaweza kumutia moyo aendelee kukusanyika. Sasa, ni mu njia gani tunaweza kufanya vile?

¹² Umukaribishe mwanafunzi kwa uchangamufu. (Ro. 15:7) Ikiwa mwanafunzi anaona kama tulimukaribisha muzuri ku mikutano, ile inaweza kufanya aendelee kukusanyika. Kuliko kumufanya ajisikie kuwa yeye peke, umusalimie kwa uchangamufu na uambie wengine kama yeye ni nani. Usichunge muhubiri mwenye anajifunzaka naye Biblia njo amukaribishe. Zungumuza naye juu pengine ule muhubiri hayafika ao iko anafanya mambo fulani mu Jumba la Ufalme. Usikilize kwa uangalifu mambo yenye iko anasema, na uonyeshe kama unamuhangaikia. Kukaribisha mwanafunzi kwa uchangamufu kunaweza kumusaidia namna gani? Fikiria mufano wa Dmitrii, mwenye alibatizwa kumepita tu miaka kidogo na mwenye sasa ni mutumishi wa huduma. Anakumbuka siku yenye alikusanyikaka kwa mara ya kwanza. Anasema hivi: “Ndugu mumoja aliniona wakati nilikuwa inje ya Jumba la Ufalme na nilikuwa na wasiwasi. Kisha alinikaribia na tukaingia pamoja mu Jumba la Ufalme. Ndugu na dada wengi walikuja kunisalimia. Nilishangaa sana. Ile ilinifurahisha sana. Ningependa hata tukuwe tunakusanyika kila siku. Nilijisikia vile siyajisikiaka hata fasi ingine.”

13. Mwenendo wako unaweza kuwa na matokeo gani juu ya mwanafunzi wa Biblia?

¹³ Umuwekee mwanafunzi mufano muzuri. Mwenendo wako unaweza kusaidia mwanafunzi wa Biblia akuwe hakika kama amepata kweli. (Mt. 5:16) Vitalii, mwenye ni painia mu inchi ya Moldavie, anasema hivi: “Mu kutaniko, nilijionea namna ndugu na dada waliishi, namna yao ya kufikiri na namna yao ya kutenda. Ile mambo yote ilinihakikishia kama dini ya Mashahidi wa Yehova njo ya kweli.”

14. Namna gani mufano wako muzuri unaweza kusaidia mwanafunzi wa Biblia afanye maendeleo?

¹⁴ Mbele mwanafunzi abatizwe, anapaswa kutumikisha mambo yenye iko anajifunza. Haiko mwepesi kufanya vile kila siku. Lakini wakati mwanafunzi anaona faida zenye unapata wakati unatumikisha kanuni za Biblia, anaweza kufuata mufano wako muzuri. (1 Ko. 11:1) Fikiria mufano wa Hanae, mwenye tulishazungumuzia. Anasema hivi: “Tayari ndugu na dada walikuwa wanaishi kulingana na mambo yenye nilikuwa ninajifunza. Niliona namna naweza kutia  wengine moyo, kuwasamehe, na namna naweza kuwaonyesha upendo. Kila mara walikuwa wanasema mambo ya muzuri juu ya wengine. Nilipenda kufuata mufano wao.”

15. Namna gani Mezali 27:17 inakusaidia uelewe juu ya nini unapaswa kuwa rafiki ya mwanafunzi wa Biblia mwenye anaendelea kukusanyika?

¹⁵ Ukuwe rafiki ya mwanafunzi wa Biblia. Vile mwanafunzi wa Biblia iko anaendelea kukusanyika, endelea kumuonyesha kama unamuhangaikia. (Flp. 2:4) Zungumuza naye juu umujue muzuri zaidi. Lakini, epuka kujiingiza sana mu mambo yake ya kipekee. Umupongeze juu ya mabadiliko ya muzuri yenye amefanya. Umuulize juu ya funzo lake la Biblia, familia yake, na kazi yake. Mazungumuzo ya vile itafanya mukuwe marafiki sana. Na wakati munakuwa marafiki sana, ile itamusaidia afanye maendeleo na afikie kubatizwa. (Soma Mezali 27:17.) Hanae, mwenye sasa ni painia wa kawaida, anakumbuka wakati alianza kukusanyika. Anasema hivi: “Vile sasa nilikuwa na marafiki mu kutaniko, nilianza kuwa na hamu ya kukusanyika, na nilikuwa ninakusanyika hata kama nilikuwa nilishachoka. Nilifurahia marafiki wangu wa mupya na ile ilinisaidia niachane na marafiki wenye hawamuabudu Yehova. Nilipenda sana kuwa karibu na Yehova na pia kuwa karibu na ndugu na dada. Njo maana, niliamua kubatizwa.”

16. Ni mambo gani ingine yenye unaweza kufanya ili kusaidia mwanafunzi wa Biblia asijisikie kuwa mugeni mu kutaniko?

¹⁶ Vile mwanafunzi wa Biblia anaendelea kufanya maendeleo na kufanya mabadiliko, umusaidie asijisikie kuwa mugeni mu kutaniko. Unaweza kufanya vile kwa kuwa mukaribishaji. (Ebr. 13:2) Denis, mwenye iko mu inchi ya Moldavie, anakumbuka wakati alikuwa anajifunza Biblia. Anasema hivi: “Mara mingi ndugu na dada walitualika miye na bibi yangu juu tupitishe wakati pamoja nao. Walituambia namna Yehova aliwasaidia. Ile ilitutia moyo. Ile wakati tulikuwa napitisha nao ilituhakikishia kama tunapenda kumutumikia Yehova na kama tutakuwa na maisha ya muzuri ikiwa tunafanya vile.” Wakati tu mwanafunzi wa Biblia anakuwa muhubiri, unaweza kumuomba akusindikize ku mahubiri. Diego, muhubiri mwenye kuwa Brazili, anasema hivi: “Ndugu wengi walikuwa wananiomba nihubiri pamoja nao. Ile ilinisaidia niwajue muzuri zaidi. Kufanya vile, kulinisaidia nijifunze mambo mingi, na nilijisikia kuwa karibu sana na Yehova na Yesu.”

17. Namna gani wazee wanaweza kusaidia wanafunzi wa Biblia?

¹⁷ Upitishe wakati pamoja na wanafunzi wa Biblia. Wazee, wakati munaonyesha upendo wanafunzi wa Biblia na munawahangaikia, ile itawasaidia wafanye maendeleo na wafikie kubatizwa. Munaweza kuzungumuza nao mara kwa mara ku mikutano. Wataona kama munawahangaikia ikiwa munakumbuka majina yao, kwa mufano kwa kutaja majina yao wakati wanatoa majibu. Je, unaweza kupanga wakati wako  muzuri ili ukuwe unasindikiza muhubiri fulani wakati ataenda kuongoza funzo lake la Biblia? Ukifanya vile, unaweza kumusaidia sana mwanafunzi wa Biblia pengine mu njia yenye hauwazie. Jackie, painia mumoja wa inchi ya Nigeria, anasema hivi: “Wanafunzi wengi wenye najifunza nao Biblia, wanakuwaka wanashangaa wakati nawaambia kama ndugu mwenye nilikuya naye ni muzee. Mwanafunzi mumoja wa Biblia alisema hivi: ‘Pastere wetu hawezi kufanya vile hata kidogo. Anatembeleaka tu matajiri, na kama tu wanamulipa!’” Sasa ule mwanafunzi wa Biblia iko anakusanyika.

18. Kulingana na Matendo 20:28, namna gani wazee wanaweza kutimiza muzuri daraka lao?

¹⁸ Muzoeze na mutie moyo wahubiri. Wazee, muko na daraka nzito la kusaidia ndugu na dada wakuwe wahubiri wazuri zaidi na walimu wazuri zaidi. (Soma Matendo 20:28.) Kama muhubiri anasikia haya kuongoza funzo na uko pale, unaweza kumuomba umusaidie kuongoza ile funzo. Jackie, mwenye tulitaja mbele, anasema hivi: “Mara kwa mara, wazee wananiulizaka habari juu ya wanafunzi wangu wa Biblia. Wakati niko na matatizo fulani juu ya namna ya kuongoza funzo langu la Biblia, wazee, wananitolea mashauri yenye kufaa.” Kuko mambo mingi yenye wazee wanaweza kufanya ili kutia moyo wahubiri wenye wako wanaongoza mafunzo ya Biblia. (1 Te. 5:11) Jackie anaongezea hivi: “Napendaka wakati wazee wananitia moyo na wakati wananiambia kama kazi ya kuhubiri yenye ninafanya kwa bidii ni ya maana sana. Maneno ya vile inanifanya nijisikie muzuri sana. Ni sawa vile kunywa maji ya baridi wakati wa kifukutu. Maneno yao ya muzuri inanisaidia nione kama kazi ya kufanya wanafunzi yenye niko nafanya ni kazi ya muzuri. Na ile inanifurahisha sana.”​—Mez. 25:25.

19. Ni nini inaweza kutuletea sisi wote furaha?

¹⁹ Pengine kwa sasa hauna funzo la Biblia lenye uko unaongoza kwa ukawaida, lakini unaweza kusaidia mutu fulani afanye maendeleo na afikie kubatizwa. Namna gani? Kwa kuepuka kusema mingi wakati wa funzo na kwa kujitayarisha muzuri ili kutoa maelezo yenye itasaidia mwalimu wakati iko anajifunza na mwanafunzi wake. Lakini pia kwa kujikaza kuwa rafiki ya mwanafunzi wa Biblia wakati anakuja ku jumba la Ufalme, na pia kwa kumuwekea mufano muzuri. Na wazee wanaweza kutia moyo wanafunzi wa Biblia kwa kupitisha wakati pamoja nao lakini pia wanaweza kutia moyo walimu kwa kuwazoeza na kuwapongeza. Tutakuwa na furaha sana wakati tunafanya yenye tunaweza, hata kama ni ya kidogo, ili kumusaidia mutu fulani amupende Baba yetu Yehova na aanze kumutumikia.