MUTUME Paulo aliongozwa na roho ya Mungu ili kuandika juu ya sifa kenda zenye kutokana na utendaji wa roho takatifu. (Gal. 5:22, 23) Alionyesha kuwa sifa hizo za muzuri zinafanyiza kitu kimoja, ni kusema, ‘tunda la roho.’ * Tunda hilo linaonyesha ‘utu mupya.’ (Kol. 3:10) Kama tu vile muti unazaa matunda wakati unatunzwa muzuri, vilevile mutu ataonyesha tunda la roho ikiwa anaacha roho takatifu itende kabisa katika maisha yake.​—Zab. 1:1-3.

Sifa ya kwanza ya tunda la roho takatifu yenye Paulo alitaja, ni sifa ya maana sana ya upendo. Ni ya maana sababu gani? Paulo alisema kuwa bila upendo, alikuwa “si kitu.” (1 Kor. 13:2) Lakini upendo ni nini, na namna gani tunaweza kukomalisha sifa hiyo na kuionyesha kila siku?

Hata kama haiko vyepesi kueleza maana ya upendo kwa kutumia maneno, Biblia inazungumuzia namna unaonyeshwa. Kwa mufano, Biblia inasema kuwa upendo ‘ni wenye ustahimilivu na wenye fazili.’ Pia, ‘unashangilia pamoja na kweli,’ na ‘unahimili mambo yote, unaamini mambo yote, unatumaini mambo yote, unavumilia mambo yote.’ Pia, Upendo unatia ndani kujisikia kuwa unapendezwa sana na wengine, kuwahangaikia bila uchoyo, na kushikamana nao kabisa. Kwa upande mwingine, kukosa upendo kuonekana kupitia mambo kama vile wivu, majivuno, mwenendo wenye haufae, kujipenda mwenyewe na tabia ya kuweka kinyongo, na kukosa kusamehe. Tofauti na tabia hizo za mubaya na zenye hazina faida, upendo wenye tunapenda kukomalisha ‘hautafute faida zake wenyewe.’​—1 Kor. 13:4-8.

“Mungu ni upendo.” Kwa kweli, Yehova ni chanzo cha upendo. (1 Yoh. 4:8) Kazi zake na matendo yake yote yanaonyesha upendo wake. Tendo kubwa zaidi lenye alifanyia wanadamu ili kuwaonyesha upendo wake, ni kumutuma Yesu ateseke na kufa kwa ajili yetu. Mutume Yohana alisema hivi: ‘Kwa hili upendo wa Mungu ulifunuliwa kwa habari yetu, kwa sababu Mungu alimutuma Mwana wake muzaliwa-pekee kuja ulimwenguni ili tupate uzima kupitia yeye. Hivi ndivyo upendo ulivyo, si kwamba sisi tumemupenda Mungu, bali kwamba yeye alitupenda akamutuma Mwana wake kuwa zabihu ya upatanisho kwa ajili ya zambi zetu.’ (1 Yoh. 4:9, 10) Kwa sababu ya upendo wa Mungu, tunaweza kupata musamaha, tumaini, na uzima.

Yesu alionyesha upendo wake kwa wanadamu kwa kuwa tayari kutimiza mapenzi ya Mungu. Paulo aliandika hivi: “[Yesu] anasema: ‘Tazama! nimekuja kufanya mapenzi yako.’ . . . Kwa hayo ‘mapenzi’ yaliyosemwa sisi tumetakaswa kupitia toleo la mwili wa Yesu Kristo mara moja kwa wakati wote.” (Ebr. 10:9, 10) Hakuna mwanadamu mwenye angeweza kuonyesha upendo mukubwa kama huo. Yesu alisema hivi: ‘Hakuna aliye na upendo mukubwa kuliko huu, kwamba mutu aitoe nafsi [uzima] yake kwa ajili ya rafiki zake.’ (Yoh. 15:13) Sisi wanadamu wenye hawakamilike, tunaweza kuiga upendo wenye Yehova na Yesu walituonyesha? Ndiyo! Tuzungumuzie basi namna tunaweza kufanya hivyo.

Paulo anatutia moyo hivi: ‘Mukuwe waigaji wa Mungu, kama watoto wapendwa, na muendelee kutembea katika upendo, kama vile Kristo pia alivyowapenda ninyi na kujitoa mwenyewe kwa ajili yenu.’ (Efe. 5:1, 2) ‘Tunaendelea kutembea katika upendo’ wakati tunaonyesha sifa hiyo katika sehemu zote za maisha yetu. Tunaonyesha upendo huo kwa matendo, haiko kwa maneno tu. Yohana aliandika hivi: “Watoto wadogo, acheni tupendane, si kwa neno wala kwa ulimi, bali kwa tendo na kweli.” (1 Yoh. 3:18) Kwa mufano, wakati tunatembea katika upendo kwa Mungu na jirani, tutachochewa kutangazia majirani wetu “habari njema ya Ufalme”. (Mt. 24:14; Lu. 10:27) Pia tunatembea katika upendo wakati tuko wenye subira, wema, na wenye kusamehe. Biblia inatushauria hivi: ‘Kama vile Yehova alivyowasamehe ninyi kwa hiari [kwa kupenda], nanyi mufanye vivyo hivyo pia.’​—Kol. 3:13.

Hata hivyo, upendo wa kweli kama huo ni tofauti na hisia ao namna tu mutu anajisikia katika moyo. Kwa mufano ili kunyamazisha mutoto, muzazi mwenye kuongozwa tu na hisia, atamupatia kila kitu chenye anaomba. Lakini muzazi mwenye anapenda kabisa mutoto wake atamukatalia wakati ni lazima kufanya hivyo. Vilevile, Mungu ni upendo, lakini ‘yeye ambaye Yehova anamupenda, anamutia nizamu.’ (Ebr. 12:6) Wakati tunatembea katika upendo, tutatoa pia nizamu yenye kufaa wakati ni lazima kufanya hivyo. (Met. 3:11, 12) Lakini, wakati tunafanya hivyo tunapaswa kukumbuka kama sisi pia ni watenda zambi na wakati fulani tunashindwa kuonyesha upendo. Kwa hiyo, sisi wote tuko na sehemu fulani yenye tunapaswa kufanyia maendeleo katika kuonyesha upendo. Tunaweza kufanya hivyo namna gani? Tuzungumuzie basi njia tatu.

Kwanza, umuombe Mungu roho yake takatifu yenye kutokeza sifa ya upendo. Yesu alisema kuwa Yehova anapatia ‘roho takatifu wale wanaomuomba.’ (Lu. 11:13) Ikiwa tunasali ili Mungu atupatie roho takatifu na tunajikaza ‘kuendelea kutembea katika upendo,’ matendo yetu yatakuwa yenye upendo zaidi na zaidi. (Gal. 5:16) Kwa mufano, ikiwa uko muzee katika kutaniko la Kikristo, unaweza kuomba Mungu roho takatifu ili ikusaidie kupatia wengine mashauri ya Biblia kwa njia ya upendo. Ao ikiwa uko muzazi, unaweza kuomba Mungu roho takatifu ili ikusaidie kupatia watoto wako nizamu kwa njia ya upendo, hapana kwa hasira.

Pili, fikiria namna Yesu alionyesha upendo hata wakati alichokozwa. (1 Pet. 2:21, 23) Inaweza kuwa jambo la lazima kufikiria mufano wa Yesu, zaidi sana wakati tumekosewa ao tumetendewa bila haki. Katika hali kama hizo, ulizo lenye tunapaswa kujiuliza ni hili: ‘Yesu angefanya nini katika hali hii?’ Dada mumoja mwenye kuitwa Leigh aliona kuwa kujiuliza ulizo hilo kulimusaidia afikiri mbele ya kutenda. Anasema hivi: “Wakati fulani, mufanyakazi mwenzangu alitumia wafanyakazi wengine ujumbe kwenye Internete wenye kuwa na maneno ya mubaya juu yangu na kazi yenye nilikuwa ninafanya. Hilo liliniumiza sana. Lakini nilijiuliza hivi, ‘Namna gani ninaweza kumuiga Yesu katika namna ya kutendea mutu huyu?’ Kisha kufikiria namna Yesu angetenda, niliamua kuacha mambo hayo na sikuyafuatilia tena. Kisha nilifikia kujua kuwa mufanyakazi huyo mwenzangu, alikuwa anapambana na tatizo kubwa la afya na alikuwa na mahangaiko mengi. Nilifikia kuona kuwa pengine hakufikiria kabisa mambo yenye aliandika. Kufikiria mufano wa Yesu wa kuonyesha upendo hata wakati alichokozwa, kulinisaidia kuonyesha upendo kama huo kwa mufanyakazi mwenzangu.” Kwa kweli, ikiwa tunamuiga Yesu, tutatenda sikuzote kwa upendo.

Tatu, komalisha roho ya upendo wa kujitoa, wenye kuwa alama yenye kutambulisha Wakristo wa kweli. (Yoh. 13:34, 35) Kuhusu jambo hilo, Maandiko yanatuomba tukuwe na ‘mutazamo . . . wa akili’ wenye Yesu alikuwa nao. Wakati alitoka mbinguni, “alijiondolea mwenyewe” kwa ajili yetu, hata ‘mupaka kifo.’ (Flp. 2:5-8) Kama tunaendelea kuiga upendo wa kujitoa wa Kristo, mawazo yetu na matendo yetu yatafanana zaidi na yake, na tutachochewa kutia faida  za wengine pa nafasi ya kwanza. Tutapata faida gani zingine ikiwa tunakomalisha sifa ya upendo?

Wakati tunaonyesha upendo, tunapata faida nyingi sana. Fikiria mifano mbili:

• FAMILIA YA NDUGU NA DADA YA ULIMWENGUNI POTE: Kwa sababu tunapendana, tunajua kuwa hata tunatembelea kutaniko gani katika dunia yote, ndugu na dada zetu watatukaribisha kwa furaha. Ni baraka kubwa kabisa kupendwa na ‘ushirika muzima wa ndugu zetu ulimwenguni’! (1 Pet. 5:9) Kwa kweli, upendo kama huo unapatikana tu kati ya watu wa Mungu!

• AMANI: “Kuvumiliana katika upendo” kunatusaidia tufurahie “kifungo chenye kuunganisha cha amani.” (Efe. 4:2, 3) Tunajionea amani hiyo kwenye mikutano yetu ya kutaniko, na kwenye mikusanyiko yetu. Haukubali kuwa amani hiyo ni ya pekee kabisa katika ulimwengu wenye kugawanyika leo? (Zab. 119:165; Isa. 54:13) Wakati tunafuatilia amani pamoja na wengine, tunaonyesha kuwa tunawapenda sana, na hilo linamupendeza sana Baba yetu wa mbinguni.​—Zab. 133:1-3; Mt. 5:9.

Paulo aliandika hivi: ‘Upendo unajenga.’ (1 Kor. 8:1) Upendo unafanya hivyo namna gani? Katika sura ya 13 ya barua ya kwanza yenye Paulo aliwaandikia Wakorintho, yenye imeitwa “Zaburi ya Upendo,” mutume Paulo anaeleza namna upendo unajenga. Kwanza, unatafuta faida ya mwengine. (1 Kor. 10:24; 13:5) Zaidi ya hilo, kwa sababu upendo unafikiria wengine, unahangaikia wengine, unavumilia, na unatenda kwa wema, unafanyiza familia zenye kuhangaikiana na makutaniko yenye umoja.​—Kol. 3:14.

Upendo wenye sisi wote tuko nao kwa Mungu ndio wa maana na wenye kujenga zaidi kuliko upendo mwengine wowote. Upendo kama huo unaunganisha katika familia yenye furaha watu wenye walikomalia mahali mbalimbali, wa rangi tofauti za ngozi, na luga mbalimbali ili wamutumikie Yehova “bega kwa bega.” (Sef. 3:9) Tuazimie basi kuonyesha kila siku sifa hiyo ya maana sana ya tunda la roho takatifu ya Mungu.