Mambo ya Muzuri na ya Mubaya: Muongozo Wenye Unaletaka Matokeo ya Muzuri
Mamilioni ya watu wameona kama Biblia ni kitabu yenye kutumainika na imewasaidia mu mambo mbalimbali. Tuone mambo ine kati ya ile.
1. Ndoa
Watu wengi wako na mawazo yenye kuwa tofauti juu ya ndoa na juu ya mambo yenye inaomba kufanya ili kuwa na furaha mu ndoa.
BIBLIA INASEMA HIVI: “Kila mumoja wenu anapaswa kumupenda bibi yake kama vile anajipenda mwenyewe; kwa upande mwingine, bibi anapaswa kumuheshimia sana bwana yake.”—Waefeso 5:33.
MAANA: Mungu njo alianzishaka ndoa, na anajua mambo yenye bibi na bwana wanapaswa kufanya juu wakuwe na ndoa yenye furaha. (Marko 10:6-9) Ndoa inakuwaka na furaha wakati kila mutu anajikaza kutafuta jambo yenye anaweza kufanyia mwenzake, kuliko jambo yenye yeye anapenda wamufanyie. Bwana mwenye anamupenda bibi yake ataonyesha ile mu namna iko namutendea na mu namna iko namuhangaikia. Na bibi mwenye anamuheshimia bwana yake ataonyesha ile mu namna yake ya kusema na namna yake ya kutenda.
MATOKEO YA MUONGOZO WA BIBLIA: Quang na Thi, wa mu Vietnam, waliwazaka kama hawatakuwaka na furaha mu ndoa yao. Mara mingi Quang hakukuwa namutendea bibi yake muzuri. Anasema hivi: “Sikukuwaka nahangaikia namna Thi alikuwa najisikia, na mara mingi nilikuwa namupatisha haya.” Thi alipenda kuvunja ndoa. Alisema hivi: “Nilikuwa naona kama sitamutumainiaka na kumuheshimia tena bwana yangu.”
Kisha wakati fulani, Quang na Thi walijifunza mambo yenye Biblia inafundisha na namna wanaweza kutumikisha Waefeso 5:33 mu ndoa yao. Quang anasema hivi, “Hii andiko ilinisaidia nione kama ni lazima nimutendee bibi yangu muzuri na nifanye Thi ajisikie kama namupenda, namuhangaikia, na kuhangaikia vile iko najisikia. Wakati nilifanya vile, Thi alianza kunipenda sana na kuniheshimia sana.” Na Thi anasema hivi, “Vile niliendelea kutumikisha Waefeso 5:33 na kumuheshimia sana bwana yangu, ni vile nilijisikia kama ananipenda, ananilinda, na kunifanya nijisikie kuwa na amani.”
Juu ya kujua mambo mingi zaidi juu ya ndoa, soma Amuka! Na. 2 2018, yenye kichwa “Siri 12 ili Kuwa na Familia Yenye Furaha” ku jw.org.
2. Namna ya Kutendea Wengine
Mara mingi watu wanatendeaka wengine mubaya juu ya rangi yao ya ngozi, inchi yao, dini yao, namna wanaonekana ao namna wanajiendeshaka juu ya mambo ya ngono.
BIBLIA INASEMA HIVI: “Muheshimie watu wa namna zote.”—1 Petro 2:17.
MAANA: Biblia haitie watu moyo wachukie wengine juu ya rangi yao ya ngozi, juu wanalalaka na wanaume ao wanamuke wenzao, ao juu wako wa mu inchi ingine. Lakini, inatushauria tuheshimie watu wote, ikuwe ni wa rangi gani ya ngozi, wa inchi gani, ao ikuwe wako matajiri ao maskini. (Matendo 10:34) Hata kama hatukubaliane na mambo yenye wengine wanaamini ao namna yao ya kutenda, tunapaswa tu kuwaheshimia na kuwatendea muzuri.—Matayo 7:12.
MATOKEO YA MUONGOZO WA BIBLIA: Daniel alijifunzaka kuona watu wenye kutoka Asia kuwa watu hatari mu inchi yao. Daniel alianza kuchukia watu wote wenye wanatoka Asia na mara mingi aliwatukana mbele ya watu. Daniel anasema hivi: “Niliwazaka kama kufanya vile ni kutetea inchi yangu. Sikuona kama namna yangu ya kutenda ilikuwa mubaya.”
Kisha Daniel alijifunza mambo yenye Biblia inafundisha. Anasema hivi: “Nilibadilisha kabisa mawazo yangu. Nilianza kuona watu vile Mungu anawaonaka, ni kusema, siye bote tuko batu bamoya hata tutoke wapi.” Daniel anafasiria namna anajisikiaka sasa wakati anakutana na watu. Anasema hivi: “Mara mingi sijiulizake hata kama wanatoka wapi. Sasa napendaka watu wa namna yote na niko na marafiki karibu mu dunia yote.”
Juu ujue habari mingi, usome Amuka! Na. 3 2020, yenye kichwa “Kuko Dawa ya Kumaliza Ubaguzi?” ku jw.org.
3. Makuta
Watu wengi wanatafutaka utajiri juu wakuwe na furaha na juu wakati wenye kuya wakuwe na maisha ya muzuri.
BIBLIA INASEMA HIVI: “Kwa maana hekima ni ulinzi kama vile feza ni ulinzi, lakini faida ya ujuzi ni hii: Hekima inalinda uzima wa mwenye kuwa nayo.”—Muhubiri 7:12.
MAANA: Tuko na lazima ya makuta, lakini makuta haiwezi kutuletea furaha ao maisha ya muzuri mu wakati wenye kuya. (Mezali 18:11; 23:4, 5) Mutu anaweza kupata furaha ya kweli na maisha ya muzuri mu wakati wenye kuya kama anatumikisha hekima ya Mungu yenye kuwa mu Biblia.—1 Timoteo 6:17-19.
MATOKEO YA MUONGOZO WA BIBLIA: Cardo, mwanaume wa mu Indonesia, alifanya yake yote juu akuwe tajiri. Anasema hivi: “Nilikuwa na kila kitu yenye watu walikuwa natafuta. Nilikuwa nasafiri na nilikuwa nauza bitu, magari, na manyumba ya bei.” Ile makuta yote haikukawia. Cardo anasema tena hivi: “Baliniiba, na makuta yote yenye nilitumikia kwa jasho kwa miaka mingi, ikaenda tu saa muzaa. Nilitumika sana kwa miaka mingi juu nikuwe tajiri, lakini ku mwisho, nilivunjika moyo juu nilipoteza kila kitu na nilijiona kuwa wa bure.”
Cardo alianza kutumikisha mashauri ya Biblia kuhusu makuta. Hajihangaishake tena juu ya kuwa tajiri, lakini anaamua kuishi maisha ya mwepesi. Anasema hivi: “Sasa naona kabisa kama niko tajiri wa kweli juu niko na urafiki wa muzuri pamoya na Mungu. Naweza kulala na amani busiku na niko na furaha ya kweli.”
Juu ya kujua mambo mingi zaidi juu ya mambo yenye Biblia inasema kuhusu makuta, soma habari “Kusoma Mingi na Kuwa na Makuta Kutafanya Ukuwe na Maisha ya Muzuri Wakati Wenye Kuja?” mu Munara wa Mulinzi Na. 3 2021, ku jw.org.
4. Ngono
Watu wengi wako na mawazo yenye kuwa tofauti juu ya ngono.
MAMBO YENYE BIBLIA INASEMA: “Munapaswa kuwa watakatifu na kujiepusha na uasherati. Kila mumoja wenu anapaswa kujua namna ya kuzuia mwili wake katika utakatifu na heshima, haiko kwa pupa, tamaa kubwa ya ngono yenye haizuiliwe kama ya watu wa mataifa wenye hawamujue Mungu.”—1 Watesalonike 4:3-5.
MAANA: Bibia inatuonyesha mipaka yenye tunapaswa kujitilia mu mambo ya ngono. Neno “Uasherati” inatia ndani uzinifu, ukahaba, ngono kati ya watu wenye hawayaoana, kulala na mwanaume ao mwanamuke mwenzako, na ngono na wanyama. (1 Wakorinto 6:9, 10) Ngono ni zawadi yenye Mungu alipatia tu mwanaume na mwanamuke wenye walishaoana.— Mezali 5:18, 19.
MATOKEO YA MUONGOZO WA BIBLIA: Kylie mwanamuke moya wa mu Australia anasema hivi: “Saa nilikuwa siyaolewa, niliwaza kama kufanya ngono njo ingefanya nijisikie kuwa napendewa na nijisikie salama. Lakini mambo haikukuwa vile niliwazia. Sikujisikia kuwa salama na sikujisikia kuwa napendewa.”
Kisha pale, Kylie alijifunza na kutumikisha mambo yenye Biblia inafundisha juu ya ngono. Anasema hivi: “Naona kama kanuni za Biblia ziko pale juu ya kutuepusha na maumivu. Sasa najisikia kuwa salama, na bwana yangu ananipenda juu nafanyaka mambo yenye Yehova anapenda. Kutumikisha muongozo wa Biblia, imeniepusha na maumivu mingi na hali ya kuvunjika moyo!”
Juu ya kupata habari mingi zaidi, soma habari “Biblia Inasema Nini Juu ya Kuishi Pamoja Mbele ya Kufunga Ndoa?” ku jw.org.
Muumbaji wetu iko natusaidia tujue mambo ya muzuri na ya mubaya. Kufuata kanuni zake haikuwake mwepesi kila mara, lakini kufanya vile, inaletaka tu faida. Tunapaswa kuwa hakika kama kuifuata inaletaka tu matokeo ya muzuri na furaha ya milele.
