Katika habari ya kwanza tuliona namna Crésus alidanganywa na uaguzi wenye ulifanywa katika Delphes, na hilo lilifanya mufalme wa Uajemi apate ushindi juu yake. Kwa upande mwengine, Biblia iko na unabii wa pekee kuhusu mufalme wa Uajemi wenye ulitimia kabisa kama vile ilitabiriwa.

Karibu miaka 200 mbele, muda murefu mbele mufalme huyo azaliwe, nabii Muebrania mwenye kuitwa Isaya alitoa unabii kuhusu namna muji wenye nguvu wa Babiloni ungekamatwa na kutaja jina la mutu mwenye angepata ushindi juu ya muji huo, ni kusema, Koreshi

Isaya 44:24, 27, 28: “[Yehova] amesema hivi, . . . ‘Yule anayekiambia kilindi cha maji, “Kauka; nami nitaikausha mito yako yote”; Ule anayesema kumuhusu Koreshi, “Yeye ni muchungaji wangu, naye atatenda kikamilifu mapendezi yangu yote”; neno langu kuhusu Yerusalemu, “Atajengwa upya,” na kuhusu hekalu, “Musingi wako utawekwa.”’”

Kulingana na mwanahistoria Mugiriki mwenye kuitwa Hérodote, jeshi la Koreshi lilipitisha katika njia ingine Muto Efrati wenye ulipita muji wa Babiloni kushoto na kuume. Mupango wa Koreshi ulifanya maji ya muto yapunguke na kusaidia majeshi yake kuingia katika muji bila magumu. Kisha kukamata muji, Koreshi alikomboa Wayahudi wenye walikuwa wamekamatwa na kupelekwa Babiloni na akawaruhusu warudie Yerusalemu ili kujenga upya muji huo, wenye ulikuwa umeharibiwa kumepita miaka 70.

Isaya 45:1: ‘Yehova amemuambia hivi mutiwa-mafuta wake, Koreshi, ambaye mukono wake wa kuume nimeushika, ili kuyatiisha mataifa mbele yake, hivi kwamba nivifungue viuno vya wafalme; nifungue mbele yake milango yenye pande mbili, hivi kwamba hata malango hayatafungwa.’

Waajemi waliingia katika muji kupitia mulango wenye nguvu wenye pande mbili ambao ulikuwa kwenye kuta la muji. Kwa sababu ya kukosa kuwa waangalifu, milango haikufungwa. Ikiwa Wababiloni wangejua mambo yenye Koreshi alikuwa anapanga kufanya, wangefunga milango yote yenye ilikuwa upande wa muto. Lakini, kama vile hali ilikuwa, muji ulikuwa bila ulinzi.

Unabii huo wa pekee ni moja kati ya unabii mwingi wenye ulitimia kama vile ilitabiriwa. * Tofauti na mambo yenye wanadamu wanatabiri, yenye mara nyingi wanasema kama yanatoka kwa miungu yao ambayo ni ya uongo, unabii wa Biblia unatoka kwa Ule mwenye alisema: “Yeye anayetangaza tangu mwanzo ule mwisho, na kutoka zamani za kale mambo ambayo hayajafanywa.”​—Isaya 46:10.

 Ni Mungu tu wa kweli, mwenye jina lake ni Yehova, ndiye anaweza kusema maneno hayo. Kulingana na watu wenye elimu, jina hilo linamaanisha “Anafanya Kuwa.” Jina hilo linaonyesha uwezo wake wa kujua na kupanga matukio ya wakati wenye kuja kulingana na mapenzi yake. Linatuhakikishia kwamba Mungu iko hakika kama atatimiza mambo yote yenye aliahidi.

Utapenda kujua mambo yenye unabii mbalimbali wa Biblia unasema kuhusu siku zetu? Kumepita miaka 2000 hivi, Biblia ilitabiri kuwa ‘nyakati za hatari zilizo ngumu kushugulika nazo’ zitakuwa “katika siku za mwisho.” Siku za mwisho za nini? Haiko siku za mwisho za dunia ao za wanadamu, lakini ni za vita, ukandamizaji, na mateso yenye yamepata watu kwa miaka mingi. Tuchunguze basi unabii fulani wenye unaonyesha kama tunaishi katika “siku za mwisho.”

2 Timotheo 3:1-5: ‘Katika siku za mwisho . . . , watu watakuwa wenye kujipenda wenyewe, wenye kupenda pesa, wenye kujidai, wenye majivuno, wakufuru, wasiotii wazazi, wasio na shukrani, wasio washikamanifu, wasio na upendo wa asili, wasiotaka makubaliano yoyote, wachongezi, wasiojizuia, wakali, wasiopenda wema, wasaliti, wenye vichwa vigumu, wenye kujivuna kwa kiburi, wanaopenda raha badala ya kumupenda Mungu wakiwa na namna ya ujitoaji-kimungu lakini wakizikana nguvu zake.’

Wewe pia hauone wazi kama tabia hizo ziko zinaendelea kuongezeka leo? Umejionea namna tunazungukwa na watu wenye kujipenda wenyewe, wenye kupenda feza, na wenye wanachochewa na majivuno? Hauone kama watu wanalazimisha wengine wawatimizie chochote chenye wanataka kuliko kuwa tayari kukubaliana na wengine? Bila shaka, unajionea namna watoto wengi hawatii wazazi wao na kwa ujumla watu wanapenda raha zaidi kuliko Mungu. Na kila siku mambo yanaendelea kuwa mubaya zaidi.

Mathayo 24:6, 7: ‘Mutasikia juu ya vita na habari za vita. . . . Taifa litasimama kupigana na taifa na ufalme kupigana na ufalme.’

Inakadiriwa kama tangu mwaka wa 1914, watu zaidi ya milioni 100 wamekufa katika vita na mapambano ya watu wenye kutumia silaha. Hesabu hiyo ni kubwa kuliko hesabu ya watu katika inchi nyingi. Wazia wingi wa watu wenye walitoa machozi, kuhuzunika na kuteseka. Je, mataifa yamejifunza kupitia makosa yao na kumaliza vita?

Mathayo 24:7: “Kutakuwa na upungufu wa chakula.”

Shirika la Umoja wa Mataifa la Chakula Ulimwenguni lilisema hivi: “Katika ulimwengu wenye tunakomalisha chakula cha kutosha ili kukulisha kila mutu, watu milioni 815, ni kusema, mutu mumoja juu ya kila watu kenda, analala na njaa. Jambo la mubaya zaidi ni kwamba, mutu mumoja juu ya kila watu tatu, iko na aina fulani ya utapiamulo (malnutrition).” Inakadiriwa kwamba kila mwaka watoto milioni tatu hivi wanakufa kwa sababu ya njaa.

Luka 21:11: ‘Kutakuwa matetemeko makubwa ya inchi.’

Kila mwaka kunatokea matetemeko 50 000 hivi ya inchi, matetemeko hayo ni makubwa hivi kwamba watu wanaweza kuyasikia. Karibu matetemeko 100 ya inchi yanabomoa kabisa majengo, na kila mwaka kunatokea tetemeko moja kubwa sana. Kulingana na kadirio fulani, kati ya mwaka wa 1975 na mwaka wa 2000, matetemeko ya inchi yaliua watu 471 000.

Mathayo 24:14: “Hii habari njema ya ufalme itahubiriwa katika dunia yote inayokaliwa ili kuwa ushahidi kwa mataifa yote; na ndipo ule mwisho utakapokuja.”

Mashahidi wa Yehova, ambao hesabu yao ni zaidi ya milioni munane, wamekuwa wakihubiri na kutoa ushahidi kuhusu habari njema ya Ufalme wa Mungu katika dunia yote katika inchi 240 hivi. Wanahubiri habari njema mahali popote; katika miji mikubwa-mikubwa na vijiji vya mbali, katika pori na kwenye milima. Unabii huo unatabiri kama wakati kazi hiyo itakuwa imefanywa kama vile Mungu anapenda, ‘ule mwisho utakuja.’ Hilo litamaanisha nini? Hilo litamaanisha mwisho wa utawala wa mwanadamu na mwanzo wa utawala wa Ufalme wa Mungu. Ni unabii gani utatimia chini ya Ufalme wa Mungu? Endelea kusoma ili kupata jibu.