Baraza ilikuwa muingilio wa chumba cha Pa Takatifu. Kulingana na Biblia Tafsiri ya Ulimwengu Mupya yenye ilitolewa mbele ya 2023, “baraza la mbele lilikuwa na urefu wa mikono makumi mbili (20), lililingana na upana wa nyumba, na urefu wake kuenda juu ulikuwa mia moja makumi mbili (120).” (2 Ny. 3:4) Tafsiri zingine zinasema pia kama baraza ilikuwa na “urefu wa mikono 120.” Ile inaweza kumaanisha kama baraza ilikuwa munara wa metre 53!

Lakini, Tafsiri ya Ulimwengu Mupya yenye ilichapishwa mu 2023 inasema hivi kuhusu baraza ya hekalu ya Sulemani: “Urefu wake kuenda juu ulikuwa mikono makumi mbili (20),” ao urefu wa metre 9 hivi. a Ona sababu fulani zenye zilifanya kukuwe ile badiliko.

1 Wafalme 6:3 haizungumuzie urefu kuenda juu wa baraza. Mu hii andiko Yeremia anazungumuzia urefu, na urefu kuenda chini wa baraza, lakini hazungumuzie urefu kuenda juu. Mu sura yenye kufuata anazungumuzia zaidi sehemu zingine zenye kuonekana za hekalu, sawa vile bahari ya metali yenye kuyeyushwa, magari kumi (10), na nguzo mbili za shaba zenye zilisimama inje ya baraza. (1 Fa. 7:15-37) Kama urefu kuenda juu wa baraza ulikuwa kabisa zaidi ya metre 50 na baraza ilikuwa murefu kupita sehemu zingine za hekalu, juu ya nini Yeremia hakuzungumuzia ule urefu? Hata kisha miaka mingi, waandishi Wayahudi walisema kama baraza haikukuwa murefu kupita sehemu zingine za hekalu ya Sulemani.

Watu wenye elimu wanashakia kama kuta za hekalu zingeweza kukamatisha baraza ya urefu wa mikono 120. Majengo ya zamani yenye ilijengwa kwa majiwe ya murefu na matofali sawa vile milango mikubwa ya hekalu katika Misri, ilikuwa ya munene chini na iligonda ku sehemu ya juu. Lakini hekalu ya Sulemani haikukuwa vile. Watu wenye elimu wanasema kama kuta za hekalu hazikukuwa na zaidi ya unene wa mikono 6 ao metre 2.7. Theodor Busink mwanahistoria mu mambo ya majengo, anasema hivi: “Kama tunafikiria bunene ya ukuta wa ku [muingilio wa hekalu], haingewezekana baraza ikuwe na urefu wa mikono 120.”

Inawezakana kosa iliingia mu 2 Mambo ya Nyakati 3:4 wakati ilikuwa nafanyiwa kopi. Hata kama maandishi fulani ya zamani inasema “120” mu ile andiko, maandishi ingine ya zamani yenye kutegemeka sawa Codex Alexandrinus ya mu karne ya tano na Codex Ambrosianus ya mu karne ya sita, zinasema “urefu wa mikono 20.” Juu ya nini inawezekana wakati mwandishi alikuwa nafanya kopi akosee kwa kuandika “120”? Mu Kiebrania neno yenye inamaanisha “mia moya” na “urefu wa mikono” zinafanana. Kwa hiyo inawezekana wakati mwandishi alikuwa nafanya kopi aliandika neno “mia moya” kuliko kuandika “urefu wa mikono.”

Kwa kweli, hata kama tunajikaza kuelewa zaidi namna sehemu mbalimbali za hekalu ya Sulemani zilikuwa, tunakazia akili zaidi sana jambo yenye ile hekalu inafananisha, ni kusema hekalu kubwa ya kiroho. Tuko wenye shukrani sana juu Yehova amealika watumishi wake wote juu wamuabudu mu ile hekalu!—Ebr. 9:11-14; Ufu. 3:12; 7:9-17.