Umesoma kwa uangalifu magazeti ya Munara wa Mulinzi ya hii mwaka? Kama ni vile, pima kujibia hii maulizo:

Yehova anatuachia mufano gani juu ya namna ya kutendea wanamuke?

Anawatendea bila ubaguzi, hapendelee zaidi wanaume kupita wanamuke. Mungu anasikiliza wanamuke, anahangaikia mawazo ya wanamuke na namna wanajisikia. Anawatumainia kwa kuwapatia mugao wa kufanya kazi yake.​—w24.01, uku. 15-16.

Namna gani tunaweza kutumikisha Waefeso 5:7, yenye inasema: “Musishirikiane nao”?

Mutume Paulo alikuwa natuonya kama hatupaswe kupitisha wakati na watu wenye wanaweza kufanya ikuwe nguvu kwetu kufuata kanuni za Mungu. Marafiki wabaya haiko tu watu wenye tunakutana nao uso kwa uso, lakini pia wale wenye tunazungumuza nao ku site za kupashana habari.​—w24.03, uku. 22-23.

Tunapaswa kuwa waangalifu juu ya habari gani za uongo?

Tunapaswa kuwa waangalifu wakati tunapata habari zenye haziko za kweli kutoka kwa marafiki wenye nia ya muzuri, kupitia E-mail za watu wenye hatujue, na kutoka kwa waasi-imani wenye wanajifanya sawa vile wanapendezwa na kweli.​—w24.04, uku. 12.

Tunajua nini na hatujue nini kuhusu namna Yehova atahukumu Mufalme Sulemani na wale wenye walikufa mu Sodoma na Gomora na wakati wa Garika?

Hatujue kwa uhakika ikiwa Yehova aliwaharibu milele. Lakini, tunajua kama yeye njo anajua mambo yote na ni mwenye rehema sana.​—w24.05, uku. 3-4.

Juu Mungu ni “Mwamba” ile inatuhakikishia nini? (Kum. 32:4)

Inatuhakikishia kama tunaweza kumufanya Yehova kuwa kimbilio yetu. Iko mwenye kutumainika, juu sikuzote anatimizaka ahadi zake. Na iko imara, juu utu wake na makusudi yake haibadilikake.​—w24.06, uku. 26-28.

Nini njo inaweza kukusaidia uzoee kutaniko ya mupya?

Umutegemee Yehova, mwenye atakusaidia sawa vile alisaidia watumishi wake wa zamani. Epuka kulinganisha kutaniko yako ya zamani na kutaniko yako ya mupya. Ukuwe na mambo mingi ya kufanya mu kutaniko yako ya mupya, na ujikaze kutafuta marafiki wapya.​—w24.07, uku. 26-28.

Mifano tatu yenye kuwa mu Matayo 25 inatufundisha nini?

Mufano wa kondoo na mbuzi unakazia kama tunapaswa kuwa waaminifu na washikamanifu. Mufano wa mabikira wenye busara na mabikira wapumbavu, unakazia kama tunapaswa kujitayarisha muzuri na kuwa macho. Na mufano wa talanta unaonyeha kama ni jambo ya maana kutumika sana na kuwa na bidii.​—w24.09, uku. 20-​24.

Baraza ya hekalu ya Sulemani ilikuwa na urefu gani?

Mu 2 Mambo ya Nyakati 3:4, maandishi fulani ya zamani inasema kama ilikuwa na urefu wa “mikono 120,” ile ingefanya baraza ikuwe na urefu wa metre 53. Lakini maandishi ingine yenye kutegemeka inasema ilikuwa na urefu wa “mikono 20,” ile inafanya baraza ikuwe na urefu wa metre 9. Unene wa kuta za hekalu ungeweza kukamatisha baraza ya metre 9.​—w24.10, uku. 31.

Biblia inamaanisha nini wakati inasema kama mutumishi wa huduma anapaswa kuwa ‘bwana wa bibi mumoja’? (1 Ti. 3:12)

Inamaanisha kama anapaswa kuwa tu na bibi moya na hapaswe kufanya uzinifu. Pia, hapaswe kupendezwa mu njia ya kimapenzi na mwanamuke mwingine.​—w24.11, uku. 19.

Juu ya nini tunaweza kusema kama Yohana 6:53 haionyeshe namna Chakula cha Mangaribi cha Bwana kinapaswa kufanywa?

Yohana 6:53 inaonyesha kama ni jambo ya maana kula mwili wa Yesu na kunywa damu yake. Yesu alisema ile maneno mu mwaka wa 32, katika Galilaya, aliiambia Wayahudi wenye hawakukuwa wamemuamini. Lakini, Chakula cha Mangaribi cha Bwana kilianzishwa mwaka moya kisha pale mu Yerusalemu. Pale Yesu alikuwa nazungumuza na wale wenye wangetawala pamoya naye mbinguni.​—w24.12, uku. 10-11.