NA WEYE umeona kama watu mingi mu dunia wanawaza kama wanapaswa kupewa mapendeleo mingi zaidi na kutendewa muzuri zaidi kupita wengine? Hata wapewe mambo mingi, wanaona kama wanastahili kupewa zaidi. Watu wenye wanawaza vile, wanajifikiria tu wao wenyewe na hawana shukrani. Biblia ilitabiri kama mu siku za mwisho watu watakuwa vile.—2 Ti. 3:2.

Kusema kweli, tabia ya kujifikiria mwenyewe haikuanza leo. Kwa mufano, Adamu na Eva walipenda wakuwe na haki ya kujichagulia mambo ya muzuri na mambo ya mubaya, na ile ilileta matokeo ya mubaya sana. Pia, Mufalme Uzia wa Yuda aliwaza kama alistahili kutoa uvumba mu hekalu, lakini alikosea kabisa. (2 Ny. 26:​18, 19) Vilevile, Wafarisayo na Wasadukayo waliwaza kama Mungu alipaswa kuwatendea mu njia ya pekee juu tu walikuwa wazao wa Abrahamu.—Mt. 3:9.

Watu wenye kutuzunguka ni wenye kujifikiria wenyewe na wenye kujipenda wenyewe. Wanaweza kutuambukiza ile tabia. (Gal. 5:26) Tunaweza kuanza kuwaza kama tunastahili pendeleo fulani, ao kuwaza kama wengine wanapaswa kututendea mu njia fulani ya pekee. Namna gani tunaweza kuepuka ile mawazo? Kwanza, tunapaswa kujua mawazo ya Yehova juu ya ile jambo. Kanuni mbili za Biblia zinaweza kutusaidia.

 Ni Yehova njo anaamua jambo yenye kila mutu anastahili kupata. Fikiria hii mifano:

• Mu familia, bwana anastahili kuheshimiwa na bibi yake, na bibi anastahili kupendwa sana na bwana yake. (Efe. 5:33) Bibi na bwana wanapaswa kuonyeshana mapenzi wao wawili tu, hapana mutu mwingine. (1 Ko. 7:3) Wazazi wako na haki ya kutazamia kama watoto wao watawatii, na watoto wako na haki ya kupendwa na wazazi wao na kutazamia kama watawategemeza.—2 Ko. 12:14; Efe. 6:2.

• Mu kutaniko, wazee wenye bidii wanastahili heshima yetu. (1 Te. 5:12) Lakini, hawana haki ya kutawala ndugu na dada zao.—1 Pe. 5:​2, 3.

• Yehova amepatia serikali za wanadamu haki ya kulipisha takse na kuheshimiwa na watu wenye kuwa chini ya mamlaka yao.—Ro. 13:​1, 6, 7.

Kwa upendo, Yehova anatupatia zaidi ya mambo yenye tunastahili. Juu tuko watenda-zambi, tunastahili tu kufa. (Ro. 6:23) Lakini, juu Yehova iko na upendo mushikamanifu, anatupatia baraka za mingi. (Zb. 103:​10, 11) Kila baraka ao pendeleo yenye tunapata kutoka kwake ni kwa sababu ya fazili zake zenye hazistahiliwe.—Ro. 12:​6-8; Efe. 2:8.

Ukuwe muangalifu juu ile tabia ya mu ulimwengu isikuambukie. Bila kutambua, tunaweza kuanza kuwaza kama tunastahili mambo mingi kupita wengine. Yesu alitumia mufano wa wafanyakazi wenye walilipwa dinari moya juu ya kuonyesha namna ni mwepesi kuwaza vile. Wafanyakazi fulani walianza kazi asubui sana na walitumika muchana yote mu jua ya makali; lakini wengine walitumika saa moya tu. Wale wafanyakazi wa kwanza waliwaza kama wanastahili kulipwa makuta mingi juu ya kazi yenye walifanya. (Mt. 20:​1-16) Kwa kutumia ile mufano, Yesu alionyesha wanafunzi wake kama wanapaswa kutosheka na mambo yenye Mungu anawapatia.

Ukuwe mwenye shukrani, usitazamie kupewa mambo mingi. (1 Te. 5:18) Uige mutume Paulo, mwenye hakuomba ndugu na dada zake wa Korinto wamutegemeze kimwili hata kama alikuwa na haki ya kufanya vile. (1 Ko. 9:​11-14) Tunapaswa kuwa wenye shukrani juu ya kila baraka yenye tunapewa na hatupaswe kutazamia kupewa mambo mingi.

 Ukomalishe sifa ya unyenyekevu. Wakati mutu anajifikiria sana, anaanza kuwaza kama anastahili mambo mingi zaidi kupita yenye iko nayo. Unyenyekevu njo dawa ya ile mawazo ya mubaya.

Nabii Danieli alituachia mufano muzuri juu ya namna ya kuonyesha unyenyekevu. Familia yenye alikomalia ndani, sura yake, akili yake, na uwezo wake vingefanya awaze kama alistahili mapendeleo yenye alipewa na kama alistahili ile namna ya pekee yenye alitendewa. (Da. 1:​3, 4, 19, 20) Lakini, Danieli aliendelea kuwa munyenyekevu, na ile sifa ilifanya Yehova amuone kuwa wa maana sana.—Da. 2:30; 10:​11, 12.

Tuepuke basi tabia ya kujifikiria wenyewe na kujipenda wenyewe, yenye inayala mu ulimwengu wa leo. Lakini, tuendelee kufurahia kila baraka yenye Yehova anatupatia kwa sababu ya fazili zake zenye hazistahiliwe.