1. Juu ya nini ni nguvu kuelewa mutu anamaanisha nini wakati anakuambia kama anakusamehe?

 “NINAKUSAMEHE.” Ile neno inatulizaka sana, zaidi sana kama tulisema ao kufanya jambo yenye iliumiza mutu. Lakini maneno “ninakusamehe” inamaanisha nini kabisa? Mutu mwenye uliumiza anamaanisha kama mungali marafiki ao anamaanisha kama hapendi tena kuzungumuzia ile jambo? Ni nguvu kuelewa mutu anamaanisha nini wakati anakuambia kama anakusamehe.

2. Maandiko inaonyesha kama musamaha wa Yehova ni wa namna gani? (Ona pia maelezo ya chini.)

² Namna Yehova anatusamehe siye wanadamu wenye hawakamilike iko tofauti sana na namna siye tunasemehe wengine. Musamaha wa Yehova ni wa pekee. Muandikaji fulani wa zaburi alisema hivi juu ya Yehova: “Wewe unatoa musamaha wa kweli, ili wakuogope sana.” a (Zb. 130:4) Kwa kweli, musamaha wa Yehova ni “musamaha wa kweli.” Yeye njo anatuonyesha musamaha wa kweli nini kabisa. Ili kuzungumuzia musamaha wa Yehova, wakati fulani waandikaji wa Biblia walitumia neno fulani ya Kiebrania yenye kumaanisha musamaha yenye haiwezi kutumiwa juu ya musamaha wenye wanadamu wanaonyesha.

3. Namna gani musamaha wa Yehova uko tofauti na wa wanadamu? (Isaya 55:​6, 7)

³ Wakati Yehova anasamehe mutu, ni kusema zambi za ule mutu haziko tena. Na urafiki wenye Yehova alikuwa nao pamoya na ule mutu unarudia tena. Wakati Yehova anasamehe  anafanya vile kabisa-kabisa na iko tayari kufanya vile tena na tena.—Soma Isaya 55:​6, 7.

4. Namna gani Yehova anatusaidia kuelewa maana ya musamaha?

⁴ Juu musamaha wa Yehova uko tofauti na wa wanadamu, namna gani siye wanadamu wenye hawakamilike tunaweza kuelewa kabisa maana ya musamaha wake? Yehova anatumia maneno ya mufano yenye inaweza kutusaidia kuelewa maana ya musamaha wake. Mu hii habari tutazungumuzia maneno fulani. Ile maneno ya mufano itatuonyesha namna Yehova anaondoa zambi na wakati uleule anatusaidia tukuwe tena na urafiki wa muzuri pamoya naye. Kuchunguza ile maneno ya mufano kutatusaidia tukuwe wenye shukrani zaidi kwa Baba yetu mwenye upendo, mwenye anasamehe mu njia mingi sana.

YEHOVA ANAONDOA ZAMBI

5. Wakati Yehova anasamehe zambi zetu anazifanya nini?

⁵ Mu Biblia mara mingi zambi inafananishwa na muzigo muzito. Mufalme Daudi alisema hivi juu ya zambi zake: “Makosa yangu yamekuwa mengi sana juu ya kichwa changu; kama muzigo muzito, ni mengi sana siwezi kuyabeba.” (Zb. 38:4) Lakini Yehova anasamehe watenda-zambi wenye kutubu. (Zb. 25:18; 32:5) Neno ya Kiebrania yenye kutafsiriwa “kusamehe,” kwanza inamaanisha “kunyangula” ao “kubeba.” Tunaweza kuwazia kama Yehova iko sawa mwanaume mwenye nguvu mwenye ananyangula kwa njia ya mufano muzigo wa zambi kutoka ku mabega yetu na kuutia mbali sana na siye.

6. Ni kwa kadiri gani Yehova anatia zambi zetu mbali?

⁶ Maneno ingine ya mufano inaonyesha namna Yehova anatia zambi zetu mbali sana na siye. Zaburi 103:12 inasema hivi: “Kama vile mahali jua linatokea kuko mbali sana na mahali jua linashukia, ni vile ametia zambi zetu mbali sana na sisi.” Mashariki ni mbali sana tena sana na mangaribi. Hakuna siku mashariki na mangaribi vitakutanaka. Mu maneno ingine Yehova anatia zambi zetu mbali sana na siye kuliko vile tunaweza kuwazia. Ile maneno yenye kuzungumuzia musamaha wa Yehova inagusa moyo sana!

7. Biblia inaonyesha kama Yehova anafanyaka nini zambi zetu? (Mika 7:​18, 19)

⁷ Yehova anatia zambi zetu mbali na siye, ni kusema anaendelea kuzifikiria? Hapana. Mufalme Hezekia aliandika hivi juu ya Yehova: “Umetupa zambi zangu zote nyuma ya mugongo wako.” Ao kulingana na maelezo ya chini, “umeondoa zambi zangu zote mbele ya macho yako.” (Isa. 38:​9, 17; maelezo ya chini.) Ile maneno ya mufano inaonyesha kama Yehova anakamataka zambi za mutu mwenye kutubu na kuzitupa fasi kwenye hawezi tena kuziona. Ile maneno inaweza tena kusemwa hivi: “Umefanya ikuwe sawa vile zambi zangu haziyakuwaka.” Biblia inakazia ile jambo mu maneno ya mufano yenye kuwa mu Mika 7:​18, 19. (Soma.) Ile andiko inaonyesha kama Yehova anatupa zambi zetu katika sehemu za chini zaidi za bahari. Wakati wa zamani haingewezekana kupata tena kitu yenye ilitupwa mu sehemu za chini kabisa za bahari.

8. Kufikia hapa tumejifunza nini?

⁸ Kupitia ile maneno ya mufano tunajifunza kama wakati Yehova anatusamehe, anatushusha muzigo wa zambi. Kwa kweli, kama vile Daudi alisema: “Wenye furaha ni wale wenye matendo yao ya kuvunja sheria yamesamehewa na wenye zambi zao zimefunikwa; mwenye furaha ni mutu mwenye Yehova hatahesabia zambi yake hata kidogo.” (Ro. 4:​7, 8) Ule ni musamaha wa kweli kabisa!

 YEHOVAH ANAFUTA ZAMBI

9. Yehova anatumia maneno gani ya mufano ili kuonyesha kama anasamehe kabisa?

⁹ Yehova anatumia maneno ingine ya mufano ili kutusaidia kuelewa namna kupitia zabihu ya ukombozi anafuta zambi za wenye kutubu. Biblia inasema kama Yehova anaosha na kusafisha zambi zetu kwa njia ya mufano. Ile inafanya mutenda-zambi akuwe safi. (Zb. 51:7; Isa. 4:4; Yer. 33:8) Yehova mwenyewe anafasiria matokeo ya kufanya vile, anasema hivi: “Hata kama zambi zenu ziko na rangi nyekundu yenye kungaa, zitafanywa kuwa nyeupe kama teluji; hata kama ziko nyekundu kama kitambaa chekundu, zitakuwa kama manyoya ya kondoo.” (Isa. 1:18) Ni nguvu sana kutosha rangi nyekundu yenye imebana ku nguo, lakini kupitia ile maneno ya mufano Yehova anatuhakikishia kama zambi zetu zinaweza kusafishwa kabisa mupaka zisionekane tena.

10. Ni maneno gani ingine ya mufano yenye inatusaidia kuelewa namna Yehova anasamehe kwa njia kubwa?

¹⁰ Sawa vile tuliona mu habari yenye kutangulia, zambi inaweza kulinganishwa na “madeni.” (Mt. 6:12; Lu. 11:4) Kwa hiyo, kila wakati tunamutendea Yehova zambi ni sawa vile tunaongeza ku deni yenye tulikuwa nayo. Tuko na deni kubwa sana ya Yehova! Lakini wakati Yehova anatusamehe ni sawa vile ile deni yenye alipaswa kutulipisha haiko tena. Hatuombe tumulipe juu ya zambi zenye alishatusamehe. Ile maneno ya mufano inaonyesha namna tunajisikiaka muzuri sana wakati Yehova anatusamehe!

11. Biblia inamaanisha nini wakati inasema kama Yehova ‘anafuta’ zambi zetu? (Matendo 3:19)

¹¹ Yehova hatie alama ya kuonyesha kama hahesabie tena madeni ao zambi zetu; anazivuta kabisa. (Soma Matendo 3:19.) Wakati mutu hahesabie tena deni anaweza kutia hii alama X. Hata kama mutu anatia ile alama, hesabu ya deni inaweza kuendelea kuonekana. Lakini kufuta kitu ni tofauti. Ili kuelewa muzuri ile maneno tukumbuke kama ilikuwa mwepesi kufuta maandishi ya zamani. Mutu angeweza tu kubeba nguo yenye kuwa na mayi na kupanguza maandishi. Kwa hiyo wakati deni ilifutwa ilipotea kabisa-kabisa. Haingewezekana tena kuona mambo yenye ilikuwa imeandikwa, ni sawa vile deni haikukuwaka hata siku moya. Inatia moyo sana kujua kama Yehova hatie tu alama ya kuonyesha kama hahesabie tena zambi yetu, lakini anaifuta kabisa-kabisa!—Zb. 51:9.

12. Maneno ya mufano wingu nzito inatufundisha nini?

¹² Yehova anatumia maneno ingine ya mufano ili kuonyesha namna anafuta zambi zetu. Anasema hivi: “Nitafuta makosa yako kama kwa wingu na zambi zako kama kwa wingu nzito.” (Isa. 44:22) Wakati Yehova anasamehe ni sawa vile anatumia wingu nzito ili kufunika makosa yetu juu isionekane hata kidogo.

13. Tunajisikia namna gani wakati Yehova anatusamehe?

¹³ Tunajifunza nini? Wakati Yehova anasamehe zambi zetu, hatupaswe kuendelea kujihukumu mu maisha yetu yote juu ya zile zambi. Kupitia damu ya Yesu Kristo, zambi zetu zinasamehewa kabisa-kabisa. Ni sawa vile hatuyafanyaka zambi hata siku moya. Wakati tunatubu ni vile njo Yehova anatusamehe.

YEHOVA ANATUKUBALI TENA KUWA MARAFIKI WAKE

14. Juu ya nini tunaweza kuwa hakika kama Yehova anakuwaka anatusamehe kabisa? (Ona pia picha.)

¹⁴ Musamaha wa kweli wenye Yehova anatoa unaturuhusu tukukuwe tena na urafiki wa muzuri pamoya naye. Ile inatusaidia tusiendelee kujihukumu. Hatupaswe kuogopa kama Yehova angali anatukasirikia chini-chini na iko natafuta njia ya kutupatia malipizi. Ile haiwezekane hata kidogo. Juu ya nini tunapaswa  kumuamini Yehova wakati anasema kama ametusamehe kabisa? Nabii Yeremia aliandika hii maneno ya Yehova : “Nitasamehe kosa lao, na sitakumbuka tena zambi yao.” (Yer. 31:34) Wakati mutume Paulo alikuwa nazungumuzia ile maneno alitumia maneno yenye kufanana na ile. Alisema hivi: “Sitakumbuka tena zambi zao.” (Ebr. 8:12) Lakini ile inamaanisha nini kabisa?

15. Ni mu maana gani Yehova hakumbuke zambi zetu?

¹⁵ Mu Biblia neno kukumbuka haimaanishake tu kufikiria jambo fulani yenye ilishapita. Lakini inaweza pia kumaanisha kutenda mu njia fulani. Mutenda-zambi mwenye alitundikwa ku muti pembeni ya Yesu alimuomba hivi: “Yesu, unikumbuke wakati utaingia katika Ufalme wako.” (Lu. 23:​42, 43) Ule mutenda-zambi hakukuwa tu naambia Yesu asimusahau, lakini alikuwa namuambia afanye jambo fulani kwa ajili yake. Jibu ya Yesu ilionyesha kama Yesu atafanya jambo fulani, atamufufua. Kwa hiyo, wakati Yehova anasema kama hatakumbuka zambi zetu anamaanisha kama hatatuhukumu wakati wenye kuya kwa sababu ya zambi yenye alishasamehe.

16. Biblia inasema nini juu ya uhuru wenye tunapata wakati Yehova anatusamehe?

¹⁶ Biblia inatumia neno ingine ya mufano ili kutusaidia kuelewa uhuru wenye tunakuwa nao wakati Yehova anatusamehe. Juu tuko watenda-zambi na tuko na muelekeo wa kufanya zambi tuko “watumwa wa zambi.” Lakini kupitia musamaha wa Yehova tuko sawa vile watumwa wenye ‘wamewekwa huru kutoka katika zambi.’ (Ro. 6:​17, 18; Ufu. 1:5) Kwa kweli, wakati Yehova anatusamehe tunasikia furaha sana, sawa watu wenye wamewekwa huru kutoka katika utumwa.

17. Namna gani tunaponyeshwa wakati Yehova anatusamehe? (Isaya 53:5)

¹⁷ Soma Isaya 53:5. Neno ya mufano ya mwisho yenye tutazungumuzia inatufananisha na watu wenye kuwa na ugonjwa mubaya sana wenye kuleta kifo. Tumeponyeshwa kwa  njia ya mufano kupitia zabihu ya ukombozi yenye Yehova alitoa kupitia Mwana wake.(1 Pe. 2:24) Wakati tunafanya zambi tunaharibu urafiki wetu pamoya na Yehova, lakini kwa sababu ya zabihu ya ukombozi, Yehova anaweza kutusamehe na tunaweza tena kuwa na urafiki muzuri pamoya naye. Sawa tu vile mutu mweye ameponyeshwa ugonjwa mubaya sana anasikiaka furaha sana, siye pia tunafurahi sana kwa sababu tumeponyeshwa kupitia musamaha wa Yehova na anatukubali tena.

MUSAMAHA WA YEHOVA NI WA MAANA KWETU

18. Kuchunguza maneno ya mufano yenye kutumiwa mu Biblia kuhusu musamaha wa Yehova kumetufundisha nini? (Ona pia kisanduku “Namna Yehova anatusamehe.”)

¹⁸ Kuchunguza maneno ya mufano yenye kutumiwa juu ya musamaha wa Yehova kumetufundisha nini? Tumejifunza kama wakati Yehova anasamehe, anasamehe kabisa-kabisa. Ile inafanya tukuwe na uhusiano muzuri pamoya na Baba yetu wa mbinguni. Wakati uleule tunakumbuka kama musamaha wa kweli ni zawadi. Yehova anatusamehe haiko juu tunastahili musamaha wake, lakini musamaha ni zawadi yenye Yehova anapatia wanadamu wenye hawakamilike kwa sababu ya upendo wake na fazili zake zenye hazistahiliwe.—Ro. 3:24.

19. (a) Juu ya nini tuko wenye shukrani? (Waroma 4:8) (b) Tutazungumuzia nini mu habari yenye kufuata?

¹⁹ Soma Waroma 4:8. Tuko wenye shukrani sana juu Yehova ni Mungu wa “musamaha wa kweli”! (Zb. 130:4) Lakini juu Yehova atusamehe tunapaswa kufanya jambo fulani ya maana. Yesu alisema hivi: “Kama hamusamehe watu makosa yao, Baba yenu pia hatawasamehe ninyi makosa yenu.” (Mt. 6:​14, 15) Kwa hiyo, ni jambo ya maana kuiga musamaha wa Yehova. Sasa tunaweza kufanya vile namna gani? Habari yenye kufuata itatuonyesha namna ya kufanya vile.