ULISHAKAJIKUTA mu hali ya nguvu lakini ukaona kama hakuna mutu wa kukusaidia? Tunaishi mu “nyakati za hatari zenye kuwa ngumu kuvumilia,” zenye zinaweza kufanya tuvunjike moyo na tujisikie kuwa peke yetu. (2 Ti. 3:1) Lakini, kuko watu wenye wanaweza kutusaidia wakati tuko na magumu. Biblia inasema kama marafiki wa kweli wanaweza kutusaidia mu “nyakati za taabu.”—Mez. 17:17.

Marafiki wa Paulo, wenye alisafiri nao, walimusaidia sana. (Kol. 4:​7-11) Wakati Paulo alikuwa mu gereza katika Roma, marafiki wake walimusaidia kufanya mambo yenye hangeweza kufanya yeye peke. Kwa mufano, Epafrodito alimuletea vitu vyenye ndugu na dada wa Filipi walituma. (Flp. 4:18) Tikiko alipelekea makutaniko barua zenye Paulo aliandika. (Kol. 4:7) Juu marafiki wake walimutegemeza, Paulo aliweza kuendelea na utumishi wake hata wakati alikatazwa kutoka ku nyumba ao wakati alikuwa mu gereza. Namna gani unaweza kuwa rafiki wa kweli leo?

Leo kuko mifano ya ndugu na dada yenye inaonyesha namna marafiki wa kweli wanaweza kusaidia. Fikiria mufano wa dada fulani mwenye alikuwa rafiki wa kweli kwa Elisabet, painia wa kawaida wa mu inchi ya Uhispania. Wakati mama yake alipatwa na ugonjwa wa kansere wenye haungeweza kupona, ule dada alitumia Elisabet ujumbe mbalimbali wenye kutia moyo wenye kutegemea Maandiko. Elisabet anasema hivi: “Zile ujumbe zilinipatia nguvu ya kuvumilia kila siku bila kujisikia kuwa peke yangu.”—Mez. 18:24.

Tunaweza kutia nguvu urafiki wetu pamoya na waamini wenzetu kwa kuwategemeza mu mambo mbalimbali ya kiroho. Kwa mufano, unaweza kujitolea juu ya kusindikiza mu mahubiri ao kupeleka ku mikutano ndugu ao dada mwenye kuzeeka. Kama unafanya vile, inawezekana utafurahia mazungumuzo yenye kutia moyo yenye mutakuwa nayo. (Ro. 1:12) Lakini, Wakristo fulani hawawezi kutoka ku nyumba. Namna gani tunaweza kuwa marafiki wa kweli kwao?

Wakristo fulani wako na matatizo ya afya ao hali zingine zenye zinafanya wasiweze kufika ku Jumba ya Ufalme kwa ajili ya mikutano. Fikiria mufano wa David, mwenye alikuwa na kansere. Kwa miezi sita alipata matunzo ya nguvu sana. Wakati wote wa matunzo, David na bibi yake Lidia walifuata mikutano kupitia vidéo-conférence.

Namna gani ndugu na dada wa mu kutaniko waliwategemeza? Kisha kila mukutano, ndugu na dada fulani walijikaza kuongea nao kupitia vidéo-conférence. Zaidi ya ile, wakati David na Lidia  walitoa majibu, kisha mikutano ndugu na dada waliwatumia ujumbe juu ya kuwapongeza. Matokeo ilikuwa nini? David na Lidia hawakujisikia kuwa peke yao.

Tunaweza kufanya mipango juu ya kuhubiri na wale wenye hawawezi kutoka ku nyumba? Kama tunafanya mabadiliko kidogo mu programu yetu ya kuhubiri, tunaweza kuonyesha kama hatuyasahau wale wenye wako mu ile hali. (Mez. 3:27) Kwa mufano tunaweza kupanga wakati wa kuhubiri nao kupitia barua ao kupitia telefone. Wale wenye hawawezi kutoka ku nyumba wanaweza kufuata mukutano kwa ajili ya mahubiri kupitia vidéo-conférence. David na Lidia walifurahia ile mupango. David anasema hivi: “Kufuata sala na mazungumuzo kwa ajili ya mahubiri pamoya na kikundi yetu ya mahubiri ilitutia moyo sana.” Kama hali inaruhusu, na kama ni salama, mara kwa mara unaweza kuleta mwanafunzi wako wa Biblia kwa muhubiri mwenye hawezi kutoka ku nyumba juu muongoze pamoya naye ile funzo.

Wakati tunatumika pamoya na ndugu na dada zetu wenye hawawezi kutoka ku nyumba na tunajionea sifa zao za muzuri, ile inafanya tuwakaribie zaidi. Kwa mufano, wakati uko nahubiri pamoya nao na unaona namna wanatumikisha muzuri Neno ya Mungu juu ya kugusa moyo wa mutu, ile inafanya uwapende zaidi. Wakati unategemeza waamini wenzako mu mambo ya kiroho, ile itafanya upate marafiki wa mupya.—2 Ko. 6:13.

Paulo alitiwa moyo sana juu rafiki yake Tito alikuwa pamoya naye wakati wa magumu. (2 Ko. 7:​5-7) Hii habari inatukumbusha kama tunaweza kufariji wengine hapana tu kwa kuwaambia maneno yenye kutia moyo, lakini pia kwa kuwa pamoya nao na kufanya yetu yote juu ya kuwategemeza.—1 Yo. 3:18.

Ndugu na dada zetu wa Urusi wanatuachia mufano muzuri juu ya namna ya kutegemezana. Fikiria mufano wa Sergey na bibi yake, Tatyana. Polisi walikuya kwao na wakaanza kutafuta-tafuta, kisha wakawabeba juu ya kuwauliza maulizo. Tatyana alikuwa wa kwanza kuachiliwa na akarudia ku nyumba. Sergey anasema hivi: “Wakati tu [Tatyana] alifika ku nyumba, dada moya mwenye uhodari alifika kwetu. Marafiki wengine walifika na wakatusaidia kupanga tena vitu mu nyumba.”

Sergey anasema tena hivi: “Tangu zamani napendaka sana Mezali 17:​17, yenye inasema: ‘Rafiki wa kweli anapenda nyakati zote naye ni ndugu mwenye amezaliwa kwa ajili ya nyakati za taabu.’ Mu hii wakati wa mateso wenye niko na lazima ya wengine juu niweze kuvumilia, njo nimejionea kabisa kama ile maneno ni ya kweli. Yehova amenipatia marafiki wenye wananitegemeza bila kuogopa.” a

Hali za nguvu zitaendelea kuongezeka, tuko na lazima ya marafiki wa kututegemeza. Tutakuwa nao lazima hata zaidi wakati wa taabu kubwa. Kwa hiyo tufanye yetu yote juu tukuwe marafiki wa kweli kuanzia leo!—1 Pe. 4:​7, 8.