1-2. Wakati tuko nangoya dunia mupya, tunapaswa kufanya nini?

 TUKO wenye shukrani juu Yehova atatimiza ahadi yake ya kutosha hii dunia yenye kutawaliwa na Shetani na kuleta dunia mupya ya haki. (2 Pe. 3:13) Hata kama hatujue ni wakati gani Yehova atafanya vile, mambo yenye kufanyika leo mu dunia inaonyesha kama hakubakie tena wakati murefu.​—Mt. 24:32-34, 36; Mdo. 1:7.

² Kwa sasa, hata kama tulishafanya miaka mingi katika kweli, tunapaswa kufanya mambo fulani ili tuamini kabisa kama atatimiza ile ahadi. Juu ya nini? Juu hata kama tuko na imani ya nguvu inaweza kuwa zaifu. Kwa kweli, mutume Paulo aliita kukosa imani kuwa “zambi yenye kutuzuia kwa wepesi.” (Ebr. 12:1) Juu imani yetu isikuwe zaifu, tunapaswa kuchunguza kila mara mambo yenye kuhakikisha kama dunia mupya itafika hivi karibuni.​—Ebr. 11:1.

3. Tutazungumuzia nini mu hii habari?

³ Mu hii habari, tutazungumuzia mambo tatu yenye itatusaidia tuamini kabisa kama Yehova atatimiza ahadi yake ya kuleta dunia mupya: (1) kutafakari juu ya bei ya ukombozi, (2) kutafakari juu ya nguvu ya Yehova, na (3) kupitisha wakati mu mambo ya kiroho. Kisha, tutazungumuzia namna ujumbe wenye Yehova alitumia Habakuki unaweza kufanya  imani yetu ikuwe nguvu leo. Kwanza, tuzungumuzie hali fulani zenye zinaomba mutu akuwe na imani ya nguvu ili aamini kabisa kama Mungu atatimiza ahadi ya kuleta dunia mupya.

HALI ZENYE ZINAOMBA IMANI YA NGUVU

4. Ni maamuzi gani njo inaomba imani ya nguvu?

⁴ Kila siku, tunakamataka maamuzi yenye inaomba imani ya nguvu. Kwa mufano, tunakamataka maamuzi kuhusu marafiki, mambo ya kujifurahisha, masomo, ndoa, watoto, na kazi ya kimwili. Ni muzuri tujiulize hii maulizo: ‘Mambo yenye nachagua kufanya, inaonyesha kabisa kama niko hakika kuwa hii dunia ni ya muda tu na kama hivi karibuni Mungu ataleta dunia mupya? Ao nachagua kufanya mambo sawa vile wale wenye hawaamini kama wanaweza kuishi milele?’ (Mt. 6:19, 20; Lu. 12:16-21) Ikiwa tunaamini kama dunia mupya iko karibu, tutakamata maamuzi ya muzuri sana.

5-6. Juu ya nini inaomba imani ya nguvu wakati tuko mu magumu? Leta mufano.

⁵ Tunapataka pia magumu fulani yenye inaomba imani ya nguvu. Inaweza kuwa mateso, magonjwa yenye inafanya miaka mingi, ao mambo ingine yenye inaweza kutuvunja moyo. Ku mwanzo, unaweza kujisikia sawa vile unaweza kuvumilia ile magumu. Lakini mara mingi magumu ya vile inakamataka wakati murefu. Njo maana, inaomba tukuwe na imani ya nguvu ili kuvumilia na kuendelea kumutumikia Yehova kwa furaha.​—Ro. 12:12; 1 Pe. 1:6, 7.

⁶ Wakati uko mu magumu, unaweza kuwaza kama dunia mupya haitakuyaka. Ile inaonyesha kama imani yako iko zaifu? Hapana. Fikiria hii mufano: Kama kunakuwa baridi kali, unaweza kuwaza kama kivukutu haitakuyaka. Lakini, hata kama unawaza vile, kivukutu itakuya tu. Vilevile, wakati tunavunjika moyo sana, tunaweza kuwaza kama dunia mupya haitakuyaka. Lakini, kama imani yetu iko nguvu, tutakuwa hakika kabisa kama Mungu atatimiza ahadi zake. (Zb. 94:3, 14, 15; Ebr. 6:17-19) Kama tuko na ule uhakika, tunaweza kuendelea kutia ibada yetu pa nafasi ya kwanza.

7. Tunapaswa kuepuka kuwa na mawazo gani?

⁷ Fikiria jambo ingine yenye inaomba imani ya nguvu. Ile jambo ni kazi ya kuhubiri. Watu wengi wenye tunahubiriaka wanawazaka kama “habari njema” juu ya dunia mupya yenye Mungu ataleta ni ndoto tu. (Mt. 24:14; Eze. 33:32) Tunapaswa kuwa waangalifu juu ile mawazo yao isifanye tukuwe na mashaka juu ya mambo yenye Yehova anatufundisha. Juu ile isitokee, tunapaswa kufanya imani yetu ikuwe nguvu. Tuzungumuzie mambo tatu yenye inaweza kutusaidia kufanya vile.

KUTAFAKARI JUU YA BEI YA UKOMBOZI

8-9. Imani yetu inaweza kuwa namna gani kama tunatafakari juu ya bei ya ukombozi? Fasiria.

⁸ Jambo moya yenye inaweza kufanya imani yetu ikuwe nguvu ni kutafakari juu ya bei ya ukombozi. Bei ya ukombozi inatuhakikishia kama ahadi za Mungu zitatimia. Wakati tunafikiria kwa uangalifu sababu yenye ilifanya Yehova atoe bei ya ukombozi na mambo yenye ile iliomba, tutaamini kabisa kama atatimiza ahadi ya kutupatia uzima wa milele mu dunia mupya. Juu ya nini tunasema vile?

⁹ Bei ya ukombozi iliomba nini? Yehova alituma Mwana wake muzaliwa-pekee, mwenye alipenda sana na mwenye alikuwa rafiki yake wa karibu sana, ili azaliwe hapa ku dunia akiwa mwanadamu mukamilifu. Wakati Yesu alikuwa hapa ku dunia, alivumilia magumu  ya kila aina. Kisha, aliteseka na kufa kifo ya maumivu. Yehova alilipa bei kubwa sana! Mungu wetu mwenye upendo hangeacha Mwana wake ateseke na kufa juu tu tukuwe na maisha ya muzuri kwa wakati mufupi sana. (Yoh. 3:16; 1 Pe. 1:18, 19) Juu Yehova alilipa bei kubwa vile, ile inaonyesha kama atatupatia uzima wa milele mu dunia mupya.

KUTAFAKARI JUU YA NGUVU YA YEHOVA

10. Kulingana na Waefeso 3:20, Yehova iko na uwezo wa kufanya nini?

¹⁰ Jambo ya pili yenye inaweza kufanya imani yetu ikuwe nguvu ni kutafakari juu ya nguvu ya Yehova. Iko na nguvu ya kutimiza ahadi yoyote yenye anatoa. Kusema kweli, watu fulani wanaweza kuwaza kama ahadi ya Mungu ya kutupatia uzima wa milele mu dunia mupya ni ndoto tu. Lakini, mara mingi Yehova anakuwaka anaahidi mambo yenye wanadamu hawataweza kutimiza hata kidogo. Ile inaeleweka juu ni Mungu Mweza-Yote. (Yob. 42:2; Mk. 10:27) Njo maana, hatushangale wakati anatuahidi mambo ya ajabu!​—Soma Waefeso 3:20.

11. Zungumuzia ahadi moya kati ya ahadi zenye Mungu alitoa. (Ona kisanduku “ Ahadi Fulani za Ajabu Zenye Zilitimia.”)

¹¹ Fikiria ahadi zenye Yehova alipatiaka watu wake zamani, zenye watu waliona sawa vile hazitatimia. Aliambia Abrahamu na Sara kama watakuwa na mutoto mwanaume mu miaka yao ya uzee. (Mwa. 17:15-17) Tena, alimuambia Abrahamu kama wazao wake wangepewa inchi ya Kanaani. Waisraeli walikuwa wazao wa Abrahamu. Sasa, juu walikuwa mu utumwa kwa miaka mingi mu inchi ya Misri, ilionekana sawa vile ile ahadi haitatimia, lakini ilitimia. Kisha, Yehova aliambia Elizabeti kama angezala mutoto hata kama alikuwa alishazeeka. Aliambia pia Maria, mwenye alikuwa bikira, kama atazala mutoto mwanaume. Ile ingetimiza ahadi yenye Yehova alitoaka mu bustani ya Edeni, maelfu ya miaka mbele!​—Mwa. 3:15.

12. Yoshua 23:14 na Isaya 55:10, 11 inatuhakikishia kama Yehova iko na nguvu ya kufanya nini?

¹² Kutafakari juu ya ahadi za Yehova zenye zilitimia kutafanya tuelewe kama iko na nguvu mingi na tuamini kabisa kama atatimiza ahadi ya kuleta dunia mupya. (Soma Yoshua 23:14; Isaya 55:10, 11.) Ile itafanya tukuwe tayari kusaidia wengine waelewe kama ahadi ya Mungu ya kuleta dunia mupya haiko ndoto ao mambo ya kuwazia-wazia. Yehova mwenyewe anasema hivi kuhusu mbingu mupya na dunia mupya: “Maneno haya ni ya uaminifu na ya kweli.”​—Ufu. 21:1, 5.

KUPITISHA WAKATI MU MAMBO YA KIROHO

13. Namna gani mikutano inaweza kufanya imani yetu ikuwe nguvu? Fasiria.

¹³ Jambo ya tatu yenye inaweza kufanya imani yetu ikuwe nguvu ni kupitisha wakati mu mambo ya kiroho. Kwa mufano, fikiria faida yenye tunapataka ku mikutano. Anna, mwenye alipitisha miaka mingi mu aina mbalimbali za utumishi wa wakati wote, anasema hivi: “Mikutano inanisaidiaka nikuwe na imani ya nguvu. Hata kama musemaji hafundishe muzuri sana ao haseme jambo yoyote ya mupya, kwa kawaida nasikiaka jambo fulani yenye itanisaidia nielewe muzuri kweli fulani ya Biblia, na ile inafanyaka imani yangu ikuwe nguvu.” b Imani yetu inaweza pia kuwa nguvu wakati tunasikiliza maelezo ya ndugu na dada zetu ku mikutano.​—Ro. 1:11, 12; 10:17.

14. Namna gani kuhubiri kunafanyaka imani yetu ikuwe nguvu?

¹⁴ Jambo ingine yenye inaweza kufanya  imani yetu ikuwe nguvu ni kuhubiri. (Ebr. 10:23) Barbara, mwenye amemutumikia Yehova kwa zaidi ya miaka 70 anasema hivi: “Naonaka kama kazi ya kuhubiri inafanyaka imani yangu ikuwe nguvu. Wakati naambiaka wengine juu ya ahadi za Yehova za muzuri, imani yangu inakuwaka nguvu zaidi.”

15. Namna gani funzo ya pekee inaweza kufanya imani yetu ikuwe nguvu? (Ona pia picha.)

¹⁵ Tena, jambo ingine yenye inaweza kufanya imani yetu ikuwe nguvu ni funzo ya pekee. Susan anaonaka kama ni muzuri kupanga wakati ya kujifunza. Anasema hivi: “Siku ya Yenga, najifunzaka habari ya Munara wa Mulinzi ya juma yenye kufuata. Siku ya Kwanza na ya Pili, natayarishaka mikutano ya katikati ya juma. Na siku zingine, nafanyaka funzo ya pekee.” Imani ya Susan inaendelea kuwa nguvu juu kila mara anaheshimiaka programu yake ya kujifunza. Irene, mwenye ametumika kwa miaka mingi ku makao makubwa, aliona kama kujifunza unabii wa Biblia kunafanyaka imani yake ikuwe nguvu. Anasema hivi: “Inanishangazaka kuona namna maunabii iko natimia na mu mambo ya kidogo-kidogo.” c

“HAYATAKOSA KUTIMIA”

16. Juu ya nini tunaweza kusema kama mambo yenye Yehova alimuambia Habakuki inaweza kuwa pia na faida kwetu leo? (Waebrania 10:36, 37)

¹⁶ Watumishi wengi wa Yehova wamengojea mwisho wa hii dunia kwa wakati murefu. Watu fulani wanaweza kuwaza kama ahadi ya Mungu inakawia. Jambo ya kufurahisha, Yehova anajua namna watumishi wake wanajisikiaka. Njo maana alimuhakikishia nabii Habakuki hivi: “Maono haya ni ya wakati wenye uliwekwa, na yanaenda haraka kufikia mwisho wake, hayatasema uongo. Hata yakikawia, endelea kuyangojea! Kwa maana hayatakosa kutimia. Hayatachelewa!” (Hab. 2:3)  Mungu alisema vile kwa faida tu ya Habakuki? Ao ile maneno yake iko na maana fulani kwetu leo? Yehova aliongoza mutume Paulo aonyeshe kama ile maneno inahusu pia Wakristo wenye wako nangoya kwa hamu dunia mupya. (Soma Waebrania 10:36, 37.) Wakati fulani tunaweza kunawaza kama ahadi ya Yehova ya kutuokoa inakawia, hata vile, tuko hakika kama ‘haitakosa kutimia. Haitachelewa!’

17. Dada moya alifanya nini ili kutumikisha shauri yenye Yehova alimupatiaka Habakuki?

¹⁷ Watumishi wengi wa Yehova wametumikisha shauri yake ya “kuendelea kungojea” hata kwa miaka mingi. Kwa mufano, Louise alianza kumutumikia Yehova mu mwaka wa 1939. Anasema hivi: “Ile wakati, niliwaza kama Armagedoni itakuya mbele nimalize masomo ya segondere. Lakini haikukuya. Kwa miaka mingi, kusoma habari fulani zenye kuwa mu Biblia juu ya watu wenye walingojea mbele Yehova atimize ahadi zake, kumenisaidia pia ningojee Yehova. Nilisoma habari juu ya Noa, Abrahamu, Yosefu, na wengine wenye walingojea kwa wakati murefu mbele Yehova awapatie zawabu yenye aliwaahidi. Kuendelea kungojea kumenisaidia na kumesaidia wengine wakuwe hakika kama dunia mupya iko karibu sana.” Waabudu wengine wengi wa Yehova wanakubaliana na ile jambo!

18. Namna gani kuangalia uumbaji kunafanya tuamini kabisa kama dunia mupya itakuya?

¹⁸ Kusema kweli, dunia mupya haiyafika. Lakini, fikiria kidogo nyota, miti, wanyama, na pia wanadamu. Tuko hakika kama vile vitu viko juu tu Yehova aliviumba, hata kama havikukuwaka mbele aviumbe. (Mwa. 1:1, 26, 27) Mungu wetu anaahidi pia kama ataleta dunia mupya. Atatimiza ile ahadi. Mu dunia mupya, watu watafurahia maisha milele na watakuwa na afya kamilifu. Tuko hakika kama dunia mupya itakuya wakati yenye Mungu ameweka.​—Isa. 65:17; Ufu. 21:3, 4.

19. Unaweza kufanya nini juu imani yako ikuwe nguvu?

¹⁹ Wakati tuko nangojea dunia mupya ikuye, tutumie kila nafasi yenye tuko nayo juu ya kufanya imani yetu ikuwe nguvu. Sikuzote, ukuwe mwenye shukrani juu ya bei ya ukombozi. Utafakari juu ya nguvu ya Yehova. Upitishe wakati mu mambo ya kiroho. Kama unafanya vile, unaweza kuwa kati ya “wale wenye kupitia imani na uvumilivu wanariti ahadi.”​—Ebr. 6:11, 12; Ro. 5:5.