1. Tuko hakika na mambo gani?

 SIYE Mashahidi wa Yehova tuko hakika kama Yehova anatupenda na anapenda tukuwe na maisha ya muzuri sana. (Ro. 8:35-39) Tuko pia hakika kama tunapataka faida wakati tunatumikisha kanuni za Biblia. (Isa. 48:17, 18) Sasa, tutafanya nini kama tunapata magumu yenye haitazamiwe?

2. Tunaweza kupata magumu gani, na ile magumu inaweza kufanya tujiulize maulizo gani?

² Watumishi wote wa Yehova wanapataka magumu. Kwa mufano, mutu fulani wa familia yetu anaweza kutukwaza mu njia fulani. Tunaweza kupata magumu ya afya yenye inaweza kufanya tusimutumikie Yehova vile tunapenda. Tunaweza kufikiwa na misiba ya asili ao watu fulani wanaweza kututesa juu ya imani yetu. Wakati magumu ya vile inatufikia, tunaweza kujiuliza hivi: ‘Juu ya nini hii magumu inanifikia? Nilifanya kosa fulani? Hii yote inaonyesha kama Yehova hanibariki?’ Ulishakajiuliza vile? Kama ni vile, usivunjike moyo. Wengi kati ya watumishi wa Yehova washikamanifu walishakajiuliza pia maulizo ya vile.​—Zb. 22:1, 2; Hab. 1:2, 3.

3. Zaburi 34:19 inatufundisha nini?

³ Soma Zaburi 34:19. Ona mambo mbili ya maana yenye kupatikana mu hii Zaburi: (1) Mwenye haki anapataka magumu. (2) Yehova anatuokoaka wakati tunapata magumu. Yehova anafanyaka nini ili kutuokoa? Anatusaidiaka tukuwe na mutazamo wenye kufaa juu ya maisha. Yehova anatutolea ahadi  ya kama tutakuwa na maisha yenye furaha wakati tuko namutumikia, lakini ile haimaanishe kama hatutapata magumu leo. (Isa. 66:14) Anatuambia tukaze akili yetu juu ya wakati yenye kuya, ni kusema, wakati yenye tutakuwa na maisha yenye anapenda tufurahie milele. (2 Ko. 4:16-18) Kwa sasa, iko natusaidia ili tuendelee kumutumikia kila siku.​—Omb. 3:22-24.

4. Tutazungumuzia nini mu hii habari?

⁴ Tuzungumuzie sasa mambo yenye mifano ya watumishi waaminifu wa Yehova wa zamani na wa leo inaweza kutufundisha. Vile tutaona, tunaweza kupata magumu fulani yenye haitazamiwe. Lakini kama tunamutegemea Yehova, bila shaka, ataendelea kutusaidia. (Zb. 55:22) Wakati tuko nazungumuzia hii mifano, ujiulize hivi: ‘Naweza kufanya nini mu hali ya vile? Namna gani ile mifano inanisaidia nimutegemee zaidi Yehova? Inanifundisha mambo gani yenye naweza kutumia mu maisha yangu?’

5. Yakobo alipata magumu gani kutoka kwa Labani? (Ona picha ku jalada.)

⁵ Zamani, watumishi wa Yehova walipata magumu yenye hawakutazamia. Tuzungumuzie Yakobo. Baba yake alimuambia aoe mwanamuke moya kati ya watoto wa Labani, mutu wa jamaa mwenye alikuwa namuabudu Mungu, na alimuhakikishia kama Yehova atamubariki sana. (Mwa. 28:1-4) Kwa hiyo, Yakobo alifanya jambo ya muzuri. Alitoka mu inchi ya Kanaani na kuenda ku nyumba ya Labani, mwenye alikuwa na watoto wanamuke wawili, Lea na Raheli. Yakobo alipenda Raheli, mudogo yake na Lea, na alikubali kutumikia baba yake miaka saba mbele amuoe. (Mwa. 29:18) Lakini, mambo haikuendeka sawa vile Yakobo alipenda. Labani alimudanganya kwa kumuoesha Lea pa nafasi ya Raheli. Kisha juma moya, Labani alimuambia Yakobo aoe Raheli kama anaitika kumutumikia miaka ingine saba. (Mwa. 29:25-27) Labani hakumutendea pia Yakobo kwa haki mu mambo ingine. Kwa ujumla, Labani alimutumikisha Yakobo kwa miaka 20!​—Mwa. 31:41, 42.

6. Ni magumu gani ingine yenye Yakobo alipata?

⁶ Yakobo alipata magumu ingine. Alikuwa na familia kubwa, lakini, kila mara watoto wake hawakukuwa na amani kati yao. Walifikia hata kumuuzisha ndugu yao Yosefu mu utumwa. Watoto wawili wa Yakobo, Simeoni na Lawi, hawakuheshimisha familia yao na jina ya Yehova. Tena, Raheli, bibi mupendwa wa Yakobo alikufa wakati alikuwa nazala mutoto wao wa pili. Zaidi ya ile, wakati kulikuwa njala kali, Yakobo mwenye alikuwa alishazeeka, alilazimika kuenda mu inchi ya Misri.​—Mwa. 34:30; 35:16-19; 37:28; 45:9-11, 28.

7. Yehova alifanya nini ili kumuonyesha Yakobo kama hakumuacha?

⁷ Yakobo hakuacha kumutumainia Yehova na ahadi zake hata kama alipata ile magumu yote; na Yehova hakumuacha. Kwa mufano, aliendelea kumubariki kwa kumupatia vitu mingi hata kama Labani alimudanganya. Pima tena kuwazia namna Yakobo alipaswa kumushukuru Yehova wakati alionana tena na Yosefu, mwenye alikuwa nawazia kama alikufaka zamani! Urafiki wenye Yakobo alikuwa nao pamoya na Yehova ulimusaidia avumilie ile magumu yote. (Mwa. 30:43; 32:9, 10; 46:28-30) Kama tunaendelea kuwa na urafiki wa karibu pamoya na Yehova, tunaweza pia kuvumilia magumu yenye haitazamiwe.

8. Mufalme Daudi alipenda sana kufanya nini?

⁸ Mufalme Daudi hakufanya kila jambo yenye alipenda kufanya mu utumishi wa Yehova. Kwa mufano, alipenda sana kumujengea  Mungu hekalu. Alimuambia nabii Natani ile jambo. Kisha Natani akamuambia hivi: “Ufanye jambo lolote lenye kuwa katika moyo wako, kwa maana Mungu wa kweli iko pamoja na wewe.” (1 Ny. 17:1, 2) Tunaweza kuwazia namna ile maneno ilimutia moyo Daudi. Pengine, palepale alikamata mipango kwa ajili ya ile kazi kubwa.

9. Daudi alifanya nini wakati alipata habari yenye ilimuvunja moyo?

⁹ Lakini bila kukawia, ule nabii wa Yehova alikuya tena kumuona Daudi na kumupatia habari yenye ilimuvunja moyo. “Usiku uleule,” Yehova aliambia Natani aende amuone Daudi na kumuambia kama haiko yeye njo atamujengea Yehova hekalu, lakini ni mumoja kati ya watoto wake njo ataijenga. (1 Ny. 17:3, 4, 11, 12) Daudi alifanya nini wakati alipata ile habari? Alibadilisha muradi wenye alikuwa nao. Alianza kukusanya makuta na vitu vyenye mutoto wake Sulemani alikuwa navyo lazima ili kujenga hekalu.​—1 Ny. 29:1-5.

10. Yehova alimubariki Daudi namna gani?

¹⁰ Kisha tu kumuambia Daudi kama haiko yeye njo atajenga hekalu, Yehova alifanya agano naye. Alimuahidi kama mumoja kati ya wazao wake atatawala milele. (2 Sa. 7:16) Mu dunia mupya, wakati wa Utawala wa Yesu wa Miaka Elfu Moja, wazia furaha yenye Daudi atakuwa nayo wakati atajua kama ule Mufalme ni wa mu uzao wake! Hii habari inatufundisha kuwa hata kama hatumutumikie Yehova vile tulipenda, anaweza kutubariki mu njia yenye hatuwazie hata kidogo.

11. Namna gani Yehova alibariki Wakristo wa karne ya kwanza hata kama Ufalme haukufika wakati yenye walitazamia? (Matendo 6:7)

¹¹ Wakristo wa karne ya kwanza walipata magumu fulani yenye hawakutazamia. Kwa mufano, walikuwa nachunga kwa hamu Ufalme wa Mungu, lakini hawakujua ni wakati gani utakuya. (Mdo. 1:6, 7) Kwa hiyo, walifanya nini? Waliendelea kuhubiri kwa bidii sana. Wakati walikuwa nahubiri fasi mbalimbali, waliona namna Yehova alibariki bidii yao.​—Soma Matendo 6:7.

12. Wakristo wa karne ya kwanza walifanya nini wakati kulikuwa njala kali?

¹² Wakati fulani, njala kali ilikuwa “juu ya dunia yote yenye kuikaliwa na watu.” (Mdo. 11:28) Ile njala ilifikia pia Wakristo wa karne ya kwanza. Wazia namna waliteseka juu ya ile njala! Bila shaka vichwa vya familia walihangaika sana juu hawakujua watapata wapi chakula ya kupatia familia zao. Tuseme nini juu ya vijana wenye walikuwa napanga kupanua utumishi wao? Pengine waliona kama iliomba wachunge mupaka ile njala iishe njo waendelee na miradi yao. Hata kama walipata magumu ya vile, wale Wakristo walijipatanisha na hali. Waliendelea kuhubiri mu njia yoyote yenye waliweza, na bila kulazimishwa, walipatia waamini wenzao wenye walikuwa Yudea, vitu fulani vya kimwili.​—Mdo. 11:29, 30.

13. Wakristo walipata baraka gani wakati ya njala?

¹³ Wakristo walipata baraka gani wakati ya njala? Wale wenye walipata misaada waliona kama Yehova alikuwa nawasaidia. (Mt. 6:31-33) Pengine walikaribiana sana na waamini wenzao wenye waliwasaidia. Na wale wenye walitoa michango ao wale wenye walitoa misaada walisikia furaha yenye mutu anasikiaka wakati anatoa. (Mdo. 20:35) Yehova aliwabariki wote juu walijipatanisha na hali.

14. Ni mambo gani ilifikia Barnaba na mutume Paulo, na walipata matokeo gani? (Matendo 14:21, 22)

¹⁴ Mara mingi Wakristo wa karne ya kwanza waliteswa wakati fulani. Pengine ile iliwafikia wakati yenye hawakutazamia. Fikiria mambo yenye ilifikia Barnaba na mutume Paulo wakati walikuwa nahubiri mu eneo ya Lystra. Ku  mwanzo, wale wenye waliwasikiliza waliwakaribisha kwa uchangamufu. Kisha, watu wenye kuwapinga “wakashawishi watu wengi,” na wamoja kati ya walewale watu wakamupiga Paulo majiwe na kumuacha inje kwa kuwaza kama anakufa. (Mdo. 14:19) Lakini, Barnaba na Paulo waliendelea kuhubiri fasi ingine. Walipata matokeo gani? Walifanya “watu wengi kuwa wanafunzi.” Tena, maneno na mufano wao ilitia nguvu waamini wenzao. (Soma Matendo 14:21, 22.) Watu wengi walipata faida juu Barnaba na Paulo hawakuacha kuhubiri hata kama walipata mateso bila kutazamia. Na siye, Yehova atatubariki kama hatuache kumutumikia.

15. Mufano wa Ndugu Alexander Hugh Macmillan unakufundisha nini?

¹⁵ Mbele ya mwaka wa 1914, watu wa Yehova walitazamia mambo fulani itokee. Kwa mufano, fikiria Ndugu Alexander Hugh Macmillan. Sawa vile watu wengi wa mu ile wakati, Ndugu Macmillan aliwaza kama alikuwa karibu kuenda mbinguni. Alisema hivi katika hotuba yenye alitoa mu Mwezi wa 9, 1914: “Pengine hii njo mara yangu ya mwisho ya kutoa hotuba ya watu wote.” Lakini, kusema kweli ile haikukuwa njo hotuba yake ya mwisho. Kisha, Ndugu Macmillan aliandika hivi: “Pengine ile wakati nilikuwa natoa hotuba, wamoja kati yetu waliwaza haraka kama tutaenda mbinguni palepale.” Na alisema tena hivi: “Jambo yenye tulipaswa kufanya ni kuendelea kumutumikia Yehova kwa bidii.” Ni vile Ndugu Macmillan alifanya; aliendelea kabisa kuwa na bidii mu kazi ya kuhubiri. Alikuwa na pendeleo ya kutia moyo ndugu wengi wenye walifungwa juu walikatala kuingia mu kazi ya jeshi. Na aliendelea kukusanyika kwa uaminifu hata wakati alizeeka. Ndugu Macmillan alipata faida gani kwa kutumia muzuri wakati yake saa alikuwa nangoya zawabu yake? Wakati kidogo mbele akufe mu 1966, aliandika hivi: “Imani yangu iko nguvu zaidi leo kuliko zamani.” Ule ni mutazamo muzuri wenye tunapaswa kuiga, zaidi sana kama tulivumilia magumu fulani kwa wakati murefu kuliko vile tulitazamia!​—Ebr. 13:7.

16. Ndugu Herbert Jennings na bibi yake walipata magumu gani yenye hawakutazamia? (Yakobo 4:14)

¹⁶ Mashahidi wa Yehova wengi wanakutanaka na magumu ya afya yenye hawakutazamia. Kwa mufano, mu habari juu ya maisha yake, Ndugu Herbert Jennings b anaonyesha namna yeye na bibi yake walifurahia mugao wao wa umisionere mu Ghana. Lakini kisha, alipatwa na ugonjwa wa nguvu sana wa hali ya kubadilika-badilika kwa hisia. Ndugu Jennings alitaya Yakobo 4:14 na alifasiria kama hali yake ya mupya ilikuwa “‘kesho’ yenye hatukutazamia.” (Soma.) Aliandika hivi: “Tulipaswa kukubali ile hali, kwa hiyo, tulitoka Ghana pamoya na marafiki wetu wengi wa karibu na tulirudia Kanada [juu ya matunzo].” Yehova alimusaidia Ndugu Jennings na bibi yake waendelee kumutumikia kwa uaminifu ijapokuwa magumu yenye walikuwa nayo.

17. Namna gani mufano wa Ndugu Jennings ulisaidia ndugu na dada fulani?

¹⁷ Maelezo ya kweli ya Ndugu Jennings yenye alizungumuzia mu habari juu ya maisha yake ilisaidia sana watu wengi. Dada moya aliandika hivi: “Tangu nianze kusoma habari mbalimbali, hii habari njo ya kwanza yenye ilinigusa sana. . . . Wakati nilisoma juu ya namna Ndugu Jennings aliachaka mugao fulani juu ya kuenda ku matunzo, ile ilifanya nikuwe  na usawaziko juu ya hali yangu.” Vilevile, ndugu mwingine aliandika hivi: “Nilikuwa muzee wa kutaniko kwa miaka kumi, lakini, nilipaswa kuacha ile daraka juu nilikuwa na ugonjwa wa akili. Ule ugonjwa ulinivunja moyo sana na ulifanya nisikuwe nafurahia kusoma mara mingi habari mbalimbali juu ya maisha ya watu. . . . Lakini, uvumilivu wa Ndugu Jennings ulinitia moyo.” Ile inatukumbusha kama tunaweza kutia moyo wengine ikiwa tunavumilia magumu yenye inatufikia bila kutazamia. Hata kama mambo haiende vile tulitazamia, tunaweza kuwa mufano muzuri kwa wengine kama tunaendelea kuwa na imani na uvumilivu.​—1 Pe. 5:9.

18. Sawa vile mafasirio ya picha inaonyesha, mufano wa mujane fulani wa mu Nigeria unakufundisha nini?

¹⁸ Mashahidi wa Yehova wengi wameteseka juu ya misiba, sawa vile korona. Kwa mufano, dada moya mujane wa mu Nigeria alibakia tu na chakula na makuta kidogo sana. Siku moya asubui, kisha kupika kopo moya ya muchele yenye ilibakia, mutoto wake mwanamuke alimuuliza kama watakula nini kisha pale. Dada yetu aliambia mutoto wake kama hawakubakia tena na makuta ao chakula na alimuambia kama walipaswa kuiga mujane wa Sarefati, ni kusema, walipaswa tu kumutegemea kabisa Yehova. (1 Fa. 17:8-16) Mbele waanze kuwaza juu ya chakula yenye watakula ile siku midi, ndugu na dada waliwaletea chakula yenye wangekula kwa zaidi ya majuma mbili. Ule dada alisema kama hakuelewa kabisa namna Yehova alikuwa anasikiliza kwa uangalifu mambo yenye alikuwaka anamuambia mutoto wake. Kusema kweli, kama tunamutegemea Yehova, magumu yenye tunaweza kupata sasa bila kutazamia inaweza kufanya tumukaribie zaidi.​—1 Pe. 5:6, 7.

19. Aleksey Yershov alipata magumu gani?

¹⁹ Mu miaka ya hivi karibuni, ndugu na dada zetu wengi wamepata mateso yenye pengine  hawakutazamia. Fikiria Ndugu Aleksey Yershov, mwenye anaishi Urusi. Mu 1994, wakati Ndugu Yershov alibatizwa, Mashahidi wa Yehova wa mu eneo fulani ya ile inchi walikuwa na uhuru kwa kiasi fulani. Lakini, kisha miaka fulani, hali ilibadilika mu Urusi. Mu 2020, watu fulani waliingia mu nyumba yake juu ya kuichunguza na kisha walimunyanganya vitu mingi vyenye alikuwa navyo. Kisha miezi fulani, serikali ilimushitaki kama alikuwa mutenda-maovu. Juu ya kufanya mambo iharibike zaidi, mashitaka yao ilitegemea rekodi fulani za video zenye zilifanywa na mutu moya mwenye kwa zaidi ya mwaka moya alijifanya sawa vile anapenda kujifunza Biblia. Ile ilikuwa jambo ya mubaya sana!

20. Ndugu Yershov alifanya nini juu urafiki wake na Yehova ukuwe nguvu zaidi?

²⁰ Magumu yenye Ndugu Yershov alipata ilimuletea matokeo fulani ya muzuri? Ndiyo. Ilifanya urafiki wake na Yehova ukuwe nguvu zaidi. Anasema hivi: “Miye na bibi yangu tulikuwa nasali pamoya mara mingi. Niliona kama singeweza kuvumilia ile magumu bila musaada wa Yehova.” Anasema tena hivi: “Funzo ya pekee ilinisaidia nisivunjike moyo. Nilifikiria mifano ya watumishi waaminifu wa zamani. Mu Biblia muko habari mingi zenye zinaonyesha kama ni jambo ya maana kuwa watulivu na kumutumainia Yehova.”

21. Tumejifunza nini mu hii habari?

²¹ Tumejifunza nini mu hii habari? Wakati fulani, tunaweza kupata magumu yenye hatutazamie. Hata vile, kila mara Yehova anasaidiaka watumishi wake wakati wanamutegemea. Sawa vile andiko yetu ya musingi inasema, “magumu ya mwenye haki ni mengi, lakini Yehova anamuokoa katika magumu hayo yote.” (Zb. 34:19) Kwa hiyo basi, tuendelee kukaza akili juu ya namna Yehova iko natumia nguvu yake ili kutusaidia kuliko kukaza akili juu ya magumu yetu. Ile itafanya tuseme sawa vile mutume Paulo, mwenye alisema hivi: “Kwa mambo yote niko na nguvu kupitia ule mwenye ananipatia nguvu.”​—Flp. 4:13.