1. Paradiso ya kiroho ni nini, na tunapaswa kuazimia kufanya nini?

 LEO ku dunia kuko paradiso yenye kujaa mamilioni ya watu wenye wako nafanya mambo ya muzuri. Wale watu wako na amani ya kweli. Wale wenye tayari wako mu ile paradiso wanaazimia kabisa kubakia ndani. Pia wanapenda watu wengi kadiri inawezekana wajiunge nao. Wajiunge nao wapi? Mu paradiso ya kiroho! a

2. Ni nini inafurahisha sana kuhusu paradiso ya kiroho?

² Yehova amefanya fasi ya mufano kwenye watu wake wanaishi kwa amani na umoja, hata kama wako katika ulimwengu mubaya wa Shetani wenye kuwa hatari na wenye kujaa chuki. (1 Yo. 5:19; Ufu. 12:12) Baba yetu mwenye upendo anaona namna huu ulimwengu wa Shetani unaharibisha watu, na anatolea watu wake usalama wenye wako nao lazima ili waendelee kuwa na hali muzuri ya kiroho. Neno yake inasema kama paradiso ya kiroho ni “kimbilio” na “bustani yenye kumwangiliwa muzuri maji.” (Isa. 4:6; 58:11) Kwa musaada wa Yehova, wale wenye kuwa mu ile paradiso ya kiroho wanajisikia kuwa salama na wenye furaha, hata mu hizi siku za mwisho zenye kuwa nguvu kuvumilia.—Isa. 54:14; 2 Ti. 3:1.

3. Isaya sura ya 65 ilitimia namna gani wakati wa zamani?

³ Kupitia nabii Isaya, Yehova alifasiria namna hali itakuwa kwa wale wenye wangeishi mu paradiso ya kiroho. Unaweza kupata ile mafasirio mu Isaya sura ya 65, yenye ilitimia kwa mara ya kwanza mu mwaka wa 537 M.K.Y. Mu ile wakati Wayahudi  wenye walitubu waliachiliwa kutoka mu uhamisho Babiloni na walirudia mu inchi yao. Yehova aliwabariki na aliwasaidia watengeneze muji wa Yerusalemu wenye ulikuwa umeharibika, na watengeneze upya hekalu juu ikuwe tena fasi kwenye watu wangekuja kuabudu mu Israeli.—Isa. 51:11; Zek. 8:3.

4. Isaya 65 iko natimia namna gani leo?

⁴ Utimizo wa pili wa ule unabii wa Isaya ulianza mu mwaka wa 1919 K.K.Y. wakati waabudu wa Yehova wa wakati wetu waliachiliwa huru kutoka katika Babiloni Mukubwa. Kisha pale, pole kwa pole paradiso ya kiroho ilianza kuenea mu dunia yote. Wahubiri wa Ufalme wenye bidii walianzisha makutaniko mingi na walianza kuonyesha sifa za Kikristo. Wanaume na wanamuke wenye zamani walikuwa wenye jeuri na wenye tabia za kinyama, ‘walivaa utu mupya wenye uliumbwa kupatana na mapenzi ya Mungu.’ (Efe. 4:24) Ni kweli kwamba, baraka mingi zenye Isaya anazungumuzia zitatimia mu dunia mupya yenye kuya. Lakini hata leo kuko baraka mingi za kiroho zenye tuko nafurahia. Tuone sasa baraka zenye tunapata juu tuko mu paradiso ya kiroho na juu ya nini hatupaswe kutoka ndani.

WENYE KUWA MU PARADISO YA KIROHO WAKO NAMNA GANI?

5. Sawa vile Isaya 65:13 inaahidi, tunapata baraka gani mu paradiso ya kiroho?

⁵ Tuko na afya ya muzuri na hatukose kitu. Unabii wa Isaya unaonyesha tofauti kubwa yenye kuwa kati ya wale wenye wako mu paradiso ya kiroho na wale wenye kuwa inje ya paradiso ya kiroho. (Soma Isaya 65:13.) Yehova anatolea watumishi wake chakula mingi ya kiroho. Tuko na roho yake takatifu, Neno yake Biblia, na chakula ingine mingi ya kiroho, ili ‘kula, . . . kunywa, . . . [na] kushangilia.’ (Linganisha na Ufunuo 22:17.) Lakini wale wenye kuwa inje ya paradiso ya kiroho ‘wako na njaa . . . , wako na kiu . . . , [na] wanapata haya.’ Mahitaji yao ya kiroho haitimizwe.—Amo. 8:11.

6. Namna gani Yoeli 2:21-24 inazungumuzia chakula ya kiroho yenye tunapata, na namna gani ile chakula inaweza kutuletea faida?

⁶ Mu unabii wake, Yoeli anatumia vitu vya lazima sawa vile nafaka, divai, na mafuta ya tini, ili kuonyesha namna Yehova anatolea watu wake kwa ukarimu mambo yenye wako nayo lazima, kutia ndani chakula ya kiroho. (Yoe. 2:21-24) Anafanya vile kupitia Biblia, vichapo vyetu vyenye kutegemea Biblia, site yetu ya Enternete, na pia mikutano na mikusanyiko yetu. Kama tunatumia ile chakula ya kiroho kila siku, tutakuwa na afya ya muzuri na hatutakosa kitu.

7. Nini njo inafanya tukuwe na “hali ya muzuri ya moyo”? (Isa. 65:14)

⁷ Tuko na furaha na tuko wenye kutosheka. Watu wa Mungu ‘wanapiga vigelegele vya shangwe’ juu moyo wao unajaa shukrani. (Soma Isaya 65:14.) Kweli zenye kujenga, ahadi zenye kufariji zenye kuwa mu Neno ya Mungu, na tumaini yetu yenye nguvu yenye kutegemea zabihu ya ukombozi ya Yesu Kristo, vinafanya tukuwe na “hali ya muzuri ya moyo.” Kuzungumuzia ile mambo pamoja na ndugu na dada zetu wa kiroho kunafanya tukuwe na furaha ya kweli!—Zb. 34:8; 133:1-3.

8. Ni mambo gani mbili ya maana sana yenye kuwa mu paradiso ya kiroho?

⁸ Upendo na umoja kati ya watu wa Yehova ni mambo mbili ya maana sana yenye kuwa mu paradiso ya kiroho. ‘Kifungo cha umoja’ chenye kuwa kati yetu kinatusaidia kuwazia namna maisha itakuwa mu dunia mupya, wakati watumishi wa Yehova watakuwa na umoja na upendo mwingi sana kupita leo. (Kol. 3:14) Dada fulani Mukristo anaeleza jambo  yenye alitambua wakati alikutana kwa mara ya kwanza na watu wa Yehova. Anasema hivi: “Sikukuwaka na furaha, hata mu familia yangu. Mara ya kwanza yenye niliona namna ya kuonyesha upendo ni wakati nilikutana na Mashahidi wa Yehova.” Mutu yeyote mwenye anapenda kuwa na furaha ya kweli na kuwa mwenye kutosheka, anapaswa kuingia mu paradiso yetu ya kiroho. Hata watu wa mu hii dunia wakuwe na mawazo gani juu ya watumishi wa Yehova, watu wa Yehova wamejifanyia jina ya muzuri pamoja na Yehova na pamoja na wote wenye kumuabudu.—Isa. 65:15.

9. Isaya 65:16, 17 inaahidi nini kuhusu mahangaiko ya maisha?

⁹ Tuko wenye kutulia. Isaya 65:14 inasema kama wale wenye wanachagua kubakia inje ya paradiso ya kiroho ‘watalia kwa sababu ya maumivu ya moyo na wataomboleza kwa sababu ya roho yenye kuvunjika.’ Lakini tuseme nini kuhusu mambo yote yenye imeletea watu wa Mungu maumivu na mahangaiko? Ku mwisho ile mambo yote “itasahauliwa [na] itafichwa ili macho [ya Mungu] yasiione.’ (Soma Isaya 65:16, 17.) Yehova atatosha magumu yetu yote, na kisha wakati hatutakumbuka tena maumivu yote yenye ile magumu ilituletea.

10. Juu ya nini unawaza kama ni baraka kuwa na ndugu na dada wa kiroho? (Ona pia picha.)

¹⁰ Hata leo akili yetu inatulia wakati tuko ku mikutano ya Kikristo kwenye tunaweza kutia pembeni mahangaiko yenye huu ulimwengu wa Shetani unatuletea. Tunasaidia mu paradiso yetu ya kiroho mukuwe utulivu wakati tunaonyesha sifa za tunda la roho sawa vile upendo, furaha, amani, fazili, na upole. (Gal. 5:22, 23) Ni baraka sana kuwa mu tengenezo ya Mungu! Wale wenye wanabakia mu paradiso ya kiroho wataona utimizo kamili wa ahadi ya Mungu ya “mbingu mupya na dunia mupya.”

11. Kulingana na Isaya 65:18, 19, kuwa mu paradiso ya kiroho kunafanya tujisikie namna gani?

¹¹ Tuko wenye shukrani na wenye furaha. Isaya anaonyesha pia juu ya nini tuko na sababu za ‘kufurahi na kuwa na shangwe’ mu paradiso ya kiroho. Yehova njo mwenye ameumba, ao ameanzisha paradiso ya kiroho. (Soma Isaya 65:18, 19.) Kwa hiyo haishangaze kuona kama Yehova iko natutumikisha ili kusaidia watu watoke mu matengenezo yenye kudanganya watu ya mu hii ulimwengu ili waingie mu paradiso yetu ya kiroho yenye kupendeza! Tunafurahia sana baraka zenye tunapata juu tuko katika kweli na ile inatuchochea tuelezee wengine kuhusu zile baraka.—Yer. 31:12.

12. Ahadi zenye kuzungumuziwa mu Isaya 65:20-24 zinakufanya ujisikie namna gani, na juu ya nini?

 ¹² Tuko pia wenye shukrani na tunafurahia sana tumaini yenye tuko nayo kwa sababu tuko mu paradiso ya kiroho. Pima kuwazia mambo yote yenye tutaona na kufanya mu ulimwengu mupya wa Mungu! Biblia inaahidi hivi: “Hapatakuwa tena mutoto mudogo mwenye anaishi siku kidogo, wala muzee mwenye haishi siku zake zote.” ‘Tutajenga nyumba na kuishi ndani, na tutapanda mashamba ya mizabibu na kula matunda yake.’ ‘Hatutafanya kazi ya jasho ya bure’ kwa sababu ‘tutabarikiwa na Yehova.’ Anatuahidi kama tutakuwa na usalama, na tutakuwa na maisha ya muzuri na yenye kusudi. ‘Hata mbele tuite,’ atajua mahitaji ya kila mutu na “kutimiza tamaa ya kila kitu chenye uzima.”—Isa. 65:20-24; Zb. 145:16.

13. Namna gani Isaya 65:25 inafasiria mabadiliko yenye watu wanafanya wakati wanaanza kumutumikia Yehova?

¹³ Tuko wenye amani na tuko salama. Kwa musaada wa roho ya Mungu, watu wengi wenye zamani walikuwa na tabia za kinyama, wamefanya mabadiliko makubwa mu maisha yao. (Soma Isaya 65:25.) Wameachana na tabia zao za mubaya. (Ro. 12:2; Efe. 4:22-24) Kusema kweli, tungali wanadamu wenye hawakamilike, wakati fulani tunafanya makosa. Lakini, Yehova ameunganisha “watu wa namna zote” wenye wanamupenda na wanapendana. Ile inafanya tukuwe na amani na umoja. (Tit. 2:11) Ule ni muujiza wenye Mungu Mweza-Yote tu njo anaweza kufanya!

14. Mufano wa ndugu fulani unaonyesha namna gani kama Isaya 65:25 inasema kweli?

¹⁴ Inawezekana kabisa watu wabadilishe tabia zao? Fikiria hii mufano. Kufikia wakati alikuwa na miaka 20, kijana fulani mwanaume alikuwa amefungwa mara mingi katika gereza, alikuwa na mwenendo mubaya na alikuwa mwenye jeuri. Alikuwa amefungwa kwa sababu ya kuiba magari, kuiba vitu mu nyumba za watu, na kwa sababu ya makosa ingine ya nguvu-nguvu. Saa yoyote alikuwa tayari kupigana na mutu yeyote. Wakati alisikia kweli za Biblia kwa mara ya kwanza na kuanza kukusanyika pamoja na Mashahidi wa Yehova, alikuwa hakika kama amepata kitu ya maana sana mu maisha, ni kusema paradiso ya kiroho. Kisha kubatizwa, mara kwa mara alifikiria namna Isaya 65:25 ilimuhusu. Aliacha kuwa mutu mwenye jeuri sawa simba, na akakuwa mutu mwenye kupenda amani kama kondoo.

15. Juu ya nini tunapenda kualika wengine mu paradiso ya kiroho, na tunaweza kufanya vile namna gani?

¹⁵ Andiko ya Isaya 65:13 inaanza na hii maneno: “Bwana Mwenye Mamlaka Makubwa Zaidi Yehova anasema.” Mustari wa 25 unaisha na maneno “Yehova anasema.” Maneno yake haiwezi kukosa kutimia. (Isa. 55:10, 11) Leo, paradiso ya kiroho iko kabisa. Yehova amefanya familia ya pekee sana ya watu wenye kumuabudu. Kati ya watu wake, tunaweza kupata amani na kujisikia kuwa salama kadiri inawezekana mu huu ulimwengu wenye muvurugo. (Zb. 72:7) Njo maana, tunapenda kusaidia watu wengi kadiri inawezekana waingie mu familia yetu ya ndugu na dada. Tunaweza kufanya vile kwa kutia kazi ya kufanya wanafunzi pa nafasi ya kwanza mu maisha yetu.—Mt. 28:19, 20.

NAMNA YA KUSAIDIA WENGINE WAINGIE MU PARADISO YA KIROHO

16. Ni nini inaweza kuchochea watu waingie mu paradiso ya kiroho?

¹⁶ Kila mumoja wetu iko na daraka ya maana ya kusaidia wengine wapende kuingia mu paradiso ya kiroho. Ili kutimiza ile daraka tunapaswa kumuiga Yehova. Yehova hakaze  watu waingie mu tengenezo yake. Lakini, kwa upole ‘anavuta’ watu kwake. (Yoh. 6:44; Yer. 31:3) Watu wenye mioyo mizuri wenye wamejifunza kuhusu sifa za muzuri za Yehova na kuhusu utu wake wenye kupendeza, wanachochewa kumukaribia. Namna gani, kupitia sifa zetu za muzuri na mwenendo wetu muzuri, tunaweza kusaidia watu wapende kuingia mu paradiso ya kiroho?

17. Namna gani tunaweza kusaidia watu wapende kuingia mu paradiso ya kiroho?

¹⁷ Njia moya ya kuchochea watu wapende kuingia mu paradiso ya kiroho ni kutendea waamini wenzetu kwa wema na kwa upendo. Tunapenda wapya wenye wanafika ku mikutano yetu wajisikie sawa wale watu wenye hawakukuwa waamini, wenye inawezekana walihuzuria mikutano mu Korinto ya zamani. Walisema hivi: “Kwa kweli Mungu iko katikati yenu.” (1 Ko. 14:24, 25; Zek. 8:23) Kwa hiyo, tunapaswa kuendelea kufuata hii shauri: “Mukuwe wenye kufanya amani kati yenu.”—1 Te. 5:13.

18. Ni nini inaweza kufanya watu wapendezwe na tengenezo yetu?

¹⁸ Sikuzote tunapaswa kujikaza kuona ndugu na dada zetu Wakristo sawa vile Yehova anawaona. Tunafanya vile kwa kukazia akili sifa zao za muzuri hapana uzaifu wao, wenye utafikia kuisha kabisa. Tunaweza kumaliza kwa njia ya upendo matatizo ya kukosa kuelewana kama tunajikaza sikuzote kuwa ‘wenye fazili siye kwa siye, wenye huruma nyingi, na kusameheane kwa kupenda.’ (Efe. 4:32) Ile itafanya watu wenye wanapenda kutendewa kwa upendo, wapende kuingia mu paradiso ya kiroho. b

 BAKIA MU PARADISO YA KIROHO

19. (a) Sawa vile inaonyeshwa mu kisanduku “ Walitoka Kisha Wakarudia,” Wakristo fulani walisema nini kisha kurudia mu paradiso ya kiroho? (b) Tunapaswa kuazimia kufanya nini? (Ona pia picha.)

¹⁹ Tunafurahia sana pendeleo yetu ya kuwa mu paradiso ya kiroho! Paradiso ya kiroho inaendelea kuwa ya muzuri zaidi. Na kuliko zamani, iko na watu wengi zaidi wenye wanamuabudu Yehova. Tuazimie basi kuwa wenye shukrani milele kwa sababu ya paradiso ya kiroho yenye Yehova ametupatia. Kila mutu mwenye hapendi kukosa kitu, mwenye anapenda kutosheka, kutulia, na kuwa salama, anapaswa kuingia mu paradiso ya kiroho na anapaswa kubakia ndani milele! Lakini, ukuwe muangalifu juu Shetani iko nafanya yake yote ili kutudanganya na kutufanya tutoke mu paradiso ya kiroho. (1 Pe. 5:8; Ufu. 12:9) Tusimuruhusu afanye vile. Kwa nguvu yetu yote, tuendelee basi kulinda uzuri, usafi, na amani ya paradiso yetu ya kiroho.