1. Kulingana na 1 Petro 5:2, ni pendeleo gani yenye wazee wako nayo?

 YEHOVA amepatia wazee Wakristo mugao wa kuhangaikia kondoo wake wa maana. Wale wanaume wenye kujitolea wanafurahia sana pendeleo yao ya kusaidia ndugu na dada zao, na wanajikazaka sana ili kuwa “wachungaji wenye. . . kwa kweli watawachunga.” (Yer. 23:4; soma 1 Petro 5:2.) Tuko wenye shukrani sana juu tuko na wale wanaume mu makutaniko yetu!

2. Ni magumu gani yenye wazee fulani wanaweza kupata?

² Wazee wanapataka magumu mingi wakati wako nashugulikia madaraka yao. Kwa mufano, inaomba kujikaza sana ili kuhangaikia kutaniko. Tony, muzee mu Amerika, alipaswa kujikaza ili kuwa na kiasi zaidi kuhusiana na kazi yenye alikuwa anakubali kufanya. Anafasiria hivi: “Wakati korona ilianza, nilijikaza sana juu ya kupanga mikutano na mahubiri. Lakini hata kama nilifanya vile, kila mara kulikuwa tu mambo mingi ya kufanya. Nilifikia kukosa wakati wa kusoma Biblia, kufanya funzo ya pekee, na kusali.” Ilir, muzee mwenye kuwa mu Kosovo, alipata magumu yenye kuwa tofauti na ile. Wakati alikuwa mu eneo mwenye mulikuwa vita, ilikuwa nguvu kwake kutii maagizo ya tengenezo. Anasema hivi: “Ilikuwa nguvu kwangu kuonyesha uhodari wakati biro ya tawi ilinipatia kazi ya kusaidia ndugu na dada wenye walikuwa mu eneo hatari. Niliogopa, na niliona kama pengine sitaweza kufuata maagizo yenye walinipatia.” Tim, misionere wa mu Asia, aliona kama ilikuwa nguvu kwake kufanya mambo yote yenye alipaswa kufanya kila siku. Anasema hivi: “Wakati fulani, nilichoka kiakili na kihisia.” Nini njo inaweza kusaidia wazee wenye wako napata magumu sawa ile?

3. Kufikiria mufano wa Muamuzi Gideoni kunaweza kutufundisha nini?

 ³ Wazee wanaweza kujifunza mambo fulani kupitia mufano wa Muamuzi Gideoni. (Ebr. 6:12; 11:32) Alikuwa mulinzi na muchungaji wa watu wa Mungu. (Amu. 2:16; 1 Ny. 17:6) Sawa vile Gideoni, wazee wamewekwa ili kuhangaikia watu wa Mungu mu kipindi yenye iko nguvu sana. (Mdo. 20:28; 2 Ti. 3:1) Kwa hiyo, kufikiria mufano wa Gideoni kunaweza kutufundisha mambo fulani. Kwanza, wazee wanaweza kujifunza mambo mingi kupitia kiasi, unyenyekevu, utii, na uvumilivu wa Gideoni. Pili, wale wenye hawako wazee wanaweza kuendelea kuwashukuru na kuwategemeza sana.—Ebr. 13:17.

4. Nini njo inaonyesha kama Gideoni alikuwa mwanaume mwenye kiasi na munyenyekevu?

⁴ Gideoni alikuwa mwanaume mwenye kiasi na munyenyekevu. b Wakati malaika wa Yehova alimuambia kama yeye njo alichaguliwa ili kukomboa taifa ya Israeli mu mikono ya Wamidiani wenye walikuwa na nguvu sana, alisema hivi: “Ukoo wangu ndio mudogo zaidi katika Manase, na mimi ndiye mutu wa hali ya chini zaidi katika nyumba ya baba yangu.” (Amu. 6:15) Aliona kama hakustahili kutimiza ule mugao, lakini Yehova alijua kama ataweza. Kwa musaada wa Yehova, Gideoni alitimiza kabisa mugao wake muzuri.

5. Ni wakati gani inaweza kuwa nguvu kwa muzee kuwa na kiasi na unyenyekevu?

⁵ Wazee wanajikazaka sana ili kuwa na kiasi na unyenyekevu mu mambo yote. (Mik. 6:8; Mdo. 20:18, 19) Wanaepukaka kujisifu juu ya mambo yenye wanaweza kufanya ao juu ya mambo yenye walishafanya, na hawajionake kuwa wa bure wakati wanafanya makosa fulani. Lakini, wakati fulani inaweza kuwa nguvu kwa muzee kuwa na kiasi na unyenyekevu. Kwa mufano, anaweza kukubali madaraka mingi na kisha anaanza kushindwa kuitimiza, ao watu wanaweza kumulaumu juu ya namna alishugulikia mugao fulani ao wanaweza kumusifu juu ya namna alishugulikia mugao ingine. Ni mambo gani yenye wazee wanaweza kujifunza kupitia mufano wa Gideoni yenye itawasaidia mu hali za vile?

6. Mufano wa Gideoni unaweza kufundisha nini wazee kuhusu sifa ya kiasi? (Ona pia picha.)

 ⁶ Uombe musaada. Mutu mwenye kuwa na kiasi anajua kama kuko mambo yenye hawezi kufanya. Gideoni alionyesha kama alikuwa na kiasi juu alikuwa tayari kuomba musaada kwa wengine. (Amu. 6:27, 35; 7:24) Wazee wenye kuwa na hekima wanafanyaka pia vile. Tony, mwenye tulishataya, anasema hivi: “Namna nilikomala ilifanya nikuwe nakubali kazi mingi sana hata kama sina uwezo wa kuifanya. Kwa hiyo, niliamua tuzungumuzie sifa ya kiasi mu ibada yetu ya familia na nilimuambia bibi yangu aseme mawazo yake juu ya ile sifa. Kisha, niliangalia tena ku jw.org video Kama Yesu, Uwazoeze, Uwategemeze na Uwatie Wengine Nguvu.” Tony alianza kuomba wengine wamusaidie mu kazi yenye alikuwa nayo. Matokeo ilikuwa nini? Tony anasema hivi: “Migao ya mu kutaniko iko naendelea kushugulikiwa, na niko na wakati ya mingi zaidi ya kufanya urafiki wangu pamoya na Yehova ukuwe nguvu.”

7. Namna gani wazee wanaweza kumuiga Gideoni wakati wengine wanawalaumu? (Yakobo 3:13)

⁷ Usikasirike wakati wengine wanakulaumu. Inaweza kuwa nguvu kwa wazee kuwa na unyenyekevu wakati wengine wanawalaumu. Hata mu ile hali, mufano wa Gideoni unaweza kusaidia. Bila shaka alijua kama hakukuwa mukamilifu, njo maana hakukasirika wakati watu wa Efraimu walimulaumu. (Amu. 8:1-3) Hakuwajibia kwa kasirani. Alionyesha unyenyekevu kwa kusikiliza mambo yenye walikuwa nasema, na aliwajibia kwa upole; na ile ilifanya watulie. Wazee wenye kuwa na hekima wanaiga Gideoni kwa kusikiliza kwa uangalifu na kujibia kwa upole wakati wengine wanawalaumu. (Soma Yakobo 3:13.) Kama wanafanya vile, kutaniko itaendelea kuwa na amani.

8. Wazee wanaweza kufanya nini wakati wengine wanawasifu? Leta mufano.

⁸ Upatie Yehova sifa. Wakati watu walianza kumusifu Gideoni juu alishinda Wamidiani, alimupatia Yehova sifa. (Amu. 8:22, 23) Wazee wanaweza kufanya nini ili kumuiga Gideoni? Wanapaswa kumusifu Yehova juu ya mambo yote yenye wako natimiza. (1 Ko. 4:6, 7) Kwa mufano, kama watu fulani wanaanza kumusifu muzee fulani juu iko na uwezo wa kufundisha, anaweza kusema kama mambo yote yenye tuko najifunza inatoka mu Neno ya Mungu na kama siye wote tuko tu nazoezwa na tengenezo yake. Wakati fulani wazee wanaweza kufikiria ikiwa wako nafundisha mu njia yenye inamuletea Yehova sifa ao mu njia yenye itawaletea wao wenyewe sifa. Fikiria mufano wa muzee mwenye kuitwa Timothy. Kisha tu kuwa muzee, alikuwa anapenda kutoa hotuba za watu wote. Anasema hivi: “Utangulizi wenye nilikuwa nafanya na mifano yenye nilikuwa natumia ilikuwa ya murefu na ya nguvu. Jambo ya kuhuzunisha, ile ilifanya watu wakuwe nanisifu kila mara kuliko kusifu Biblia ao kumusifu Yehova.” Ku mwisho, Timothy alifikia kuona kama alipaswa kubadilisha namna yake ya kufundisha juu ya kufanya watu wasikuwe namusifu. (Mez. 27:21) Matokeo ilikuwa nini? Anasema hivi: “Leo watu fulani wananiambiaka namna hotuba zangu zinawasaidiaka wapambane na magumu fulani, wavumilie jaribu fulani, ao wamukaribie zaidi Yehova. Nakuwaka na furaha zaidi wakati nasikia maelezo ya vile kuliko vile nilikuwaka nasikia wakati walikuwaka nanisifu.”

9. Juu ya nini ilikuwa nguvu kwa Gideoni kuonyesha utii na uhodari? (Ona picha ku jalada.)

⁹ Kisha Gideoni kupewa mugao wa kuwa muamuzi, ilikuwa nguvu kwake kuonyesha utii na uhodari. Alipewa mugao wenye ulikuwa hatari sana wa kuharibu mazabahu ya baba yake yenye ilitumiwa juu ya kuabudu Baali. (Amu. 6: 25, 26) Kisha kukusanya jeshi, Yehova alimuambia Gideoni mara mbili apunguze hesabu ya jeshi yake. (Amu. 7:2-7) Ku mwisho, alimuambia aende kupigana na maadui wake wenye walikuwa mu kambi katikati ya usiku.​—Amu. 7:9-11.

10. Ni wakati gani inaweza kuwa nguvu kwa muzee kutii?

¹⁰ Wazee wanapaswa kuwa “tayari kutii.” (Yak. 3:17) Muzee mwenye kutii anakuwaka tayari kufuata mambo yenye Maandiko inasema na kufuata maagizo ya tengenezo ya Mungu. Kwa kufanya vile, anawekea wengine mufano muzuri. Lakini, wakati fulani inaweza kuwa nguvu kwake kutii. Kwa mufano, anaweza kuona kama ni nguvu kufuata maagizo yenye anapewa. Mu hali fulani, anaweza kujiuliza ikiwa maagizo fulani inafaa kabisa ao ni ya hekima. Ao tengenezo inaweza kumupatia mugao wenye unaweza kufanya afungwe. Wazee wanaweza kufanya nini ili kuiga utii wa Gideoni mu hali za vile?

11. Wazee wanafanyaka nini ili kuonyesha kama wako natii?

¹¹ Usikilize kwa uangalifu maagizo na uifuate. Mungu alimuambia Gideoni namna ya kuharibu mazabahu ya baba yake, fasi ya kujenga mazabahu ya mupya ya Yehova, na munyama mwenye alipaswa kutoa. Gideoni hakukuwa na mashaka juu ya ile maagizo, aliifuata palepale. Leo, tengenezo ya Yehova inapatiaka wazee maagizo kupitia barua, matangazo, na miongozo yenye inahusu hali yetu ya kiroho na ya kimwili. Tunapenda wazee wetu juu wanafuataka ile maagizo kwa uaminifu. Ile inaleteaka faida kutaniko yote.​—Zb. 119:112.

12. Namna gani wazee wanaweza kutumikisha Waebrania 13:17 kama tengenezo inabadilisha maagizo fulani?

¹² Ukuwe tayari kujipatanisha na hali. Kumbuka kama Gideoni alitii maagizo yenye Yehova alimupatia kwa kupunguza zaidi ya asilimia 99 (99%) ya jeshi yake. (Amu. 7:8) Pengine alijiulizaka hivi: ‘Inafaa kabisa kufanya vile? Kama nafanya vile, tutashinda kweli ile vita?’ Hata vile, alitii. Leo, wazee wanaiga Gideoni kwa kutii wakati tengenezo inabadilisha maagizo fulani. (Soma Waebrania 13:17.) Kwa mufano, mu 2014 Baraza Yenye Kuongoza ilibadilisha maagizo juu ya namna ya kulipia garama za ujenzi wa Majumba ya Ufalme na Majumba ya Mikusanyiko. (2 Ko. 8:12-14) Zamani, tengenezo ilikuwaka nakopesha makutaniko makuta juu ya kuwajengea Majumba ya Ufalme na Majumba ya Mikusanyiko, na makutaniko ilikuwaka narudishia tengenezo ile makuta. Lakini sasa, tengenezo inatumiaka michango ya makutaniko yote ya mu dunia juu ya kujenga fasi kwenye kuko lazima, hata kama kutaniko yenye inaomba kujengewa ilitoa tu muchango ya kidogo. Wakati José alisikia ile mabadiliko, aliona kama ule mupango hautaendeka, na alijiambia hivi: ‘Hakuna hata Jumba ya Ufalme yenye itajengwaka. Siwazie kama michango ya mu dunia yote itasaidia makutaniko ya huku.’ Nini njo ilisaidia José abadilishe mawazo yake? Anasema hivi:  “Maneno ya Mezali 3:5, 6 ilinikumbusha kama nilipaswa kumutegemea Yehova. Kisha, nilijionea matokeo ya muzuri ya ule mupango! Zaidi tu ya kujenga Majumba ya Ufalme mingi, tunatoaka michango mu njia mbalimbali juu kukuwe usawaziko.”

13. (a) Gideoni alikuwa hakika na jambo gani? (b) Namna gani wazee wanaweza kumuiga? (Ona pia picha.)

¹³ Ufanye mapenzi ya Yehova kwa uhodari. Gideoni alimutii Yehova hata kama aliogopa na hata kama mugao wenye alipewa ungemutia mu hatari. (Amu. 9:17) Kisha Yehova kumuhakikishia kama atamulinda, Gideoni alifikia kuwa hakika kabisa kama wakati iko nalinda watu wa Mungu, Mungu angemusaidia. Wazee wenye kuishi mu maeneo kwenye kazi yetu inakatazwa wanajikazaka kumuiga Gideoni. Bila woga, wanaongozaka mikutano na mahubiri hata kama wanaweza kufungwa, kuulizwa maulizo, kupoteza kazi, ao kutendewa mubaya. c Wakati wa taabu kubwa, itaomba wazee wakuwe na uhodari ili kutii maagizo yenye watapata hata kama inaweza kutia maisha yao mu hatari. Kwa mufano, tunaweza kupata maagizo juu ya namna ya kutangaza ujumbe wa hukumu na mambo yenye tunaweza kufanya ili tuokoke shambulizi ya Gogu wa Magogu.​—Eze. 38:18; Ufu. 16:21.

14. Juu ya nini ilikuwa nguvu kwa Gideoni kuvumilia?

¹⁴ Juu Gideoni alikuwa muamuzi, iliomba atumike sana. Wakati Wamidiani walikimbia kutoka ku vita katikati ya usiku, Gideoni aliwafuatilia kuanzia mu bonde ya Yezreeli mupaka ku Muto Yordani, wenye pengine ulizungukwa na miti ya kidogo-kidogo. (Amu. 7:22) Gideoni aliishia tu pale ku Muto Yordani? Hapana! Hata kama yeye na wanaume 300 wenye alikuwa nao walikuwa walishachoka, waliendelea tu kuwafuatilia. Ku mwisho, waliwakuta na kuwashinda.​—Amu. 8:4-12.

15. Ni mu hali gani inaweza kuwa nguvu kwa muzee kuvumilia?

¹⁵ Wakati fulani, kuhangaikia kutaniko na familia kunaweza kumuchokesha sana muzee  kimwili, kiakili, ao kihisia. Namna gani wazee wanaweza kuiga Gideoni mu hali za vile?

16-17. Nini njo ilisaidia Gideoni avumilie, na wazee wako hakika na jambo gani? (Isaya 40:28-31) (Ona pia picha.)

¹⁶ kuwe hakika kama Yehova atakupatia nguvu. Gideoni alikuwa hakika kama Yehova atamupatia nguvu, na hakuvunjika moyo. (Amu. 6:14, 34) Wakati fulani, Gideoni na jeshi yake walifuatilia kwa muguu wafalme wawili Wamidiani wenye pengine walikuwa ku ngamia wao. (Amu. 8:12, 21) Hata vile, Mungu alisaidia Waisraeli wawakamate na kuwashinda. Wazee pia wanaweza kumutegemea Yehova, mwenye “hachokake wala kuishiwa nguvu.” Atawapatia nguvu wakati wako nayo lazima.​—Soma Isaya 40:28-31.

¹⁷ Fikiria mufano wa Matthew, mushiriki wa Halmashauri ya Uhusiano na Hopitale. Nini njo ilimusaidia avumilie? Anasema hivi: “Nilijionea ukweli wa Wafilipi 4:13. Mara mingi wakati nilichoka sana na kuishiwa nguvu, nilikuwa nasali sana kwa kumuomba Mungu anipatie nguvu ya kimwili na ya kiakili yenye nilikuwa nayo lazima ili nitegemeze ndugu zangu. Mu zile hali, Yehova alinipatia nguvu ya kuvumilia.” Sawa vile Gideoni, wazee wanatumikaka sana ili kuhangaikia watu wa Yehova hata kama haikuwake mwepesi kila mara kufanya vile. Bila shaka, wanapaswa kuwa na kiasi kwa kutambua kama hawawezi kila mara kufanya kila jambo yenye wanapenda kufanya. Hata vile, wanakuwaka hakika kama Yehova atasikia sala zao za kuomba musaada na kama atawapatia nguvu ya kuvumilia.​—Zb. 116:1; Flp. 2:13.

18. Kwa kifupi, namna gani wazee wanaweza kumuiga Gideoni?

¹⁸ Wazee wanaweza kujifunza mambo mingi ya muzuri kupitia mufano wa Gideoni. Wanapaswa kuwa na kiasi na unyekekevu kuhusiana na kazi yenye wako nakubali kufanya na wakati watu wanawalaumu ao kuwasifu. Wanapaswa kuwa na utii na uhodari, zaidi sana vile mwisho wa huu mupangilio wa mambo unakaribia. Na wanapaswa kuwa hakika kama hata wapate magumu gani, Mungu atawapatia nguvu. Bila shaka, tunasamini sana wale wachungaji wenye wako natumika sana na ‘tunaendelea kuheshimia watu wa namna hiyo.’—Flp. 2:29.