HABARI YA KUJIFUNZA YA 25
WIMBO 7 Yehova Ni Nguvu Yangu
Kumbuka Kama Yehova Ni “Mungu Mwenye Kuishi”
“Yehova ni mwenye kuishi!”—ZB. 18:46.
WAZO KUBWA
Tunapata faida mingi wakati tunakumbuka kama Mungu mwenye tunaabudu ni Mungu “mwenye kuishi.”
1. Nini njo inasaidia watumishi wa Yehova waendelee kumuabudu hata kama wanapata magumu?
BIBLIA inasema kama tunaishi “nyakati za hatari zenye kuwa ngumu kuvumilia.” (2 Ti. 3:1) Zaidi ya magumu yenye watu wote wanapata mu hii dunia, watu wa Yehova wanapambana na upinzani na mateso. Ni nini inatusaidia tuendelee kumuabudu Yehova hata kama tunapata magumu? Jambo moya ya maana yenye inatusaidia ni kufikia kumujua Yehova kuwa “Mungu mwenye kuishi.”—Yer. 10:10; 2 Ti. 1:12.
2. Ni mu maana gani Yehova ni Mungu mwenye kuishi?
2 Yehova ni mutu wa kweli kabisa mwenye anatutegemeza wakati wa magumu na anatafuta nafasi za kutusaidia. (2 Ny. 16:9; Zb. 23:4) Kumuona kuwa Mungu mwenye kuishi kunaweza kutusaidia kupambana na magumu yetu. Ona namna kujua vile kulimusaidia Mufalme Daudi.
3. Daudi alimaanisha nini wakati alisema “Yehova ni mwenye kuishi”?
3 Daudi alimujua Yehova na alimutegemea. Wakati alikuwa nakimbia maadui wake, kutia ndani Mufalme Sauli, Daudi aliomba Yehova amusaidie. (Zb. 18:6) Kisha Mungu kujibia sala yake na kumuokoa, Daudi alisema hivi: “Yehova ni mwenye kuishi.” (Zb. 18:46) Wakati Daudi alisema ile maneno hakukuwa tu anamaanisha kuwa anajua kama Mungu iko. Kitabu fulani kinasema kama Daudi alikuwa naonyesha kuwa iko hakika kama Yehova “ni Mungu mwenye kuishi mwenye anatenda kwa ajili ya watu wake sikuzote.” Kwa kweli Daudi alijionea mu maisha yake namna Yehova ni Mungu mwenye kuishi, na kujua vile kulifanya aazimie kabisa kumutumikia na kumusifu.—Zb. 18:28, 29, 49.
4. Kuona Yehova kuwa Mungu mwenye kuishi kunatuletea faida gani?
4 Kuwa hakika kama Yehova ni Mungu mwenye kuishi kunaweza kutusaidia tuendelee kumutumikia kwa bidii. Tutakuwa na nguvu ya kuvumilia magumu na tutachochewa kuendelea kumutumikia Mungu kwa nguvu yetu yote. Pia tutaazimia kuendelea kubakia karibu na Yehova.
MUNGU MWENYE KUISHI ATAKUTIA NGUVU
5. Ni nini inaweza kututia nguvu wakati tuko na magumu? (Wafilipi 4:13)
5 Tutaweza kuvumilia magumu yoyote, ikuwe ya mukubwa ao ya kidogo, ikiwa tunakumbuka kama Yehova ni mwenye kuishi na kama iko pale juu ya kututegemeza. Kwa kweli magumu yote yenye tunapata haiko kitu kwa Mungu wetu. Yeye ni Mweza-Yote, anaweza kutupatia nguvu ya kuvumilia. (Soma Wafilipi 4:13.) Ile inatusaidia tusivunjike moyo wakati tuko na magumu. Kuona namna Yehova anatutegemeza wakati tunapata magumu ya kidogo kunatuhakikishia kama atatusaidia pia wakati tutapata magumu ya nguvu.
6. Wakati Daudi alikuwa kijana alijionea mambo gani yenye ilifanya akuwe hakika kama Yehova atamusaidia?
6 Fikiria mambo mbili yenye ilimufikia Daudi, yenye ilimusaidia akuwe hakika zaidi kama Yehova atamusaidia. Wakati Daudi alikuwa kijana alikuwa muchungaji. Siku moya dubu ilibeba kondoo wa baba yake. Na siku ingine, simba pia ilibeba kondoo. Mu zile hali zote mbili, kwa uhodari Daudi alifuata wale wanyama na kuokoa wale kondoo. Lakini hakusema kama alifanya vile kwa nguvu yake mwenyewe. Alijua kama ni Yehova njo alimusaidia. (1 Sa. 17:34-37) Daudi hakusahau ile mambo yenye ilitokea. Na kutafakari juu ya ile mambo kulimusaidia akuwe hakika kama Mungu mwenye kuishi atamutia nguvu wakati wenye kuya.
7. Daudi alikazia akili nini na namna gani ile ilimusaidia kupigana na Goliati?
7 Kisha, wakati alikuwa angali kijana, Daudi alitembelea maaskari wa Israeli wenye walikuwa wameenda kupigana. Alitambua kama maaskari walikuwa naogopa sana kwa sababu ya mwanaume Mufilisti murefu na mwenye nguvu sana mwenye aliitwa Goliati. Ule mwanaume alikuwa amekuya ‘kuchokoza kikundi cha wapiganaji cha Israeli.’ (1 Sa. 17:10, 11) Maaskari waliogopa kwa sababu walikuwa nakazia akili ukubwa wa ule mwanaume na maneno yake. (1 Sa. 17:24, 25) Lakini Daudi yeye alikazia akili jambo tofauti. Aliona kama ule mwanaume alikuwa nachokoza, haiko tu maaskari wa Israeli, lakini “kikundi cha wapiganaji cha Mungu mwenye kuishi.” (1 Sa. 17:26) Daudi alikazia akili Yehova. Alikuwa hakika kama Mungu mwenye alimusaidia wakati alikuwa muchunguji angemusaidia pia mu ile hali. Yehova alimusaidia. Daudi alipigana na Goliati na alipata ushindi!—1 Sa. 17:45-51.
8. Ni nini inaweza kutusaidia tukuwe hakika kama Yehova atatusaidia wakati tutapambana na magumu? (Ona pia picha.)
8 Na siye tutaweza kupambana na magumu yetu ikiwa tunakumbuka kama Mungu mwenye kuishi iko tayari kutusaidia. (Zb. 118:6) Kukumbuka mambo yenye Yehova alifanya zamani kunaweza kutusaidia tukuwe hakika kama atatusaidia. Soma habari za Biblia zenye zinakukumbusha namna Yehova aliokoa waabudu wake. (Isa. 37:17, 33-37) Pia soma habari zenye kuwa ku jw.org zenye kuonyesha namna Yehova ametegemeza ndugu na dada zetu leo. Zaidi ya ile, kumbuka namna Yehova alikusaidia mu maisha yako. Pengine mu maisha yako hamuna jambo ya ajabu sawa vile kupigana na dubu ao simba. Ile isikuhangaishe. Juu ya nini? Juu, kusema kweli, Yehova amekufanyia mambo mingi. Amekualika ili ukuwe rafiki yake. (Yoh. 6:44) Na hata sasa, ni yeye njo iko nakusaidia ili uendelee kubakia katika kweli. Hauone kama inaweza kuwa muzuri umuombe akusaidie kukumbuka wakati mbalimbali wenye alijibia sala zako? Alikusaidia wakati ulikuwa na lazima kabisa ya musaada wake? Alikutegemeza mu hali fulani ya nguvu? Kufikiria ile mambo kutakusaidia ukuwe hakika zaidi kama Yehova ataendelea kukusaidia.
Kuvumilia majaribu kunatusaidia tujibie mashitaka ya Shetani(Ona fungu ya 8-9)
9. Tunapaswa kuona majaribu yetu namna gani? (Mezali 27:11)
9 Kuona Yehova kuwa Mungu mwenye kuishi kutatusaidia tukuwe na mawazo yenye kufaa juu ya magumu yetu. Namna gani? Tutaona magumu yetu kuwa nafasi ya kujibia mashitaka yenye Shetani anamushitaki Yehova. Shetani anasema kama wakati tuko na magumu tutamuacha Yehova. (Yob. 1:10, 11; soma Mezali 27:11.) Lakini wakati tunabakia waaminifu, hata wakati wa magumu, tunaonyesha kama tunamupenda Yehova na kama Ibilisi ni muongo. Kwa sasa uko napambana na upinzani kutoka kwa serikali, uko unapambana na magumu ya kupata makuta, watu hawakubali wakati unawahubiria, ao uko napambana na magumu ingine? Kama ni vile, ukumbuke kama hali yako inakupatia nafasi ya kufurahisha moyo wa Yehova. Kumbuka pia kama hatakuacha ujaribiwe kupita vile unaweza kuvumilia. (1 Ko. 10:13) Atakupatia nguvu ya kuvumilia.
MUNGU MWENYE KUISHI ATAKUPATIA ZAWABU
10. Mungu mwenye kuishi atafanyia nini wale wenye wanamuabudu?
10 Yehova anapatia zawabu ao anabariki wale wenye kumuabudu. (Ebr. 11:6) Anatupatia amani na anatusaidia tutosheke sasa, na wakati wenye kuya atatupatia uzima wa milele. Tunaweza kumutumainia na kuwa hakika kama anapenda kutupatia zawabu na iko na nguvu ya kufanya vile. Kuwa hakika na ile jambo kunatuchochea tuendelee kumutumikia kwa bidii, sawa vile watumishi wake waaminifu wa zamani walifanya. Ni vile Timoteo alifanya mu karne ya kwanza.—Ebr. 6:10-12.
11. Nini njo ilichochea Timoteo atumike kwa bidii mu kutaniko? (1 Timoteo 4:10)
11 Soma 1 Timoteo 4:10. Timoteo alimutumainia Mungu mwenye kuishi, na ile ilimuchochea atumike kwa bidii na ajitoe kabisa. Alifanya vile namna gani? Paulo alimutia moyo akuwe mufundishaji muzuri zaidi mu kutaniko na mu mahubiri. Timoteo alipaswa pia kuwekea waabudu wenzake, vijana na wazee, mufano muzuri. Na wakati fulani aliombwa kufanya mambo yenye haikukuwa mwepesi, sawa vile kutolea Wakristo mashauri mazito lakini yenye upendo. (1 Ti. 4:11-16; 2 Ti. 4:1-5) Timoteo angekuwa hakika kuwa, hata kama wakati fulani wengine hawakuona kazi yenye alikuwa nafanya ao hawakuonyesha shukrani juu ya kazi yake, Yehova angemupatia zawabu.—Ro. 2:6, 7.
12. Ni nini inaweza kuchochea wazee waendelee kufanya kazi yao kwa bidii? (Ona pia picha.)
12 Leo, wazee wanaweza pia kuwa hakika kama Yehova anaona na anafurahia kazi yao ya muzuri. Zaidi ya kufanya kazi ya uchungaji, kufundisha, na kuhubiri, wazee wengi wanategemeza kazi ya ujenzi na ya kutoa misaada. Wengine wanatumika mu Vikundi vya Kutembelea Wagonjwa, ao mu Halmashauri za Uhusiano na Hopitale. Wazee wenye wanajitolea ili kusaidia mu zile kazi wanaona kutaniko kuwa ya Yehova hapana ya wanadamu. Ile inawachochea watimize migao yao kwa moyo wote na wakuwe hakika kama Mungu atawapatia zawabu kwa sababu ya mambo yote yenye wanafanya.—Kol. 3:23, 24.
Mungu mwenye kuishi atakupatia zawabu kama unatumika kwa bidii mu kutaniko (Ona fungu ya 12-13)
13. Yehova anaona namna gani mambo yenye kila mumoja wetu anafanya mu kazi yake?
13 Siye wote hatuwezi kuwa wazee, lakini siye wote tunaweza kumutolea Yehova jambo fulani. Yehova anafurahi wakati tunafanya yetu yote ili kumutumikia. Anaona michango yenye tunatoa kwa ajili ya kazi ya mu dunia yote, hata kama ni ya kidogo sana. Anafurahi wakati anaona namna tunajikaza kutia mukono juu ili kujibia hata kama tuko watu wa haya, na anafurahi wakati tunaamua kusamehe wengine. Hata kama unawaza kama mambo yenye unafanya ni ya kidogo, ukuwe hakika kama Yehova anaiona kuwa ya maana. Ile inafanya akupende na atakupatia zawabu.—Lu. 21:1-4.
BAKIA KARIBU NA MUNGU MWENYE KUISHI
14. Namna gani kubakia karibu na Yehova kunatusaidia tuendelee kuwa waaminifu? (Ona pia picha.)
14 Ikiwa tunamuona Yehova kuwa mutu wa kweli kabisa, itakuwa mwepesi zaidi kwetu kuendelea kuwa waaminifu kwake. Ni ile njo ilimusaidia Yosefu. Alikatala kabisa kufanya uasherati. Mungu alikuwa mutu wa kweli kabisa kwake na hakupenda kumuhuzunisha. (Mwa. 39:9) Juu Yehova akuwe mutu wa kweli kabisa kwetu, tunapaswa kuwa na wakati wa kusali na kujifunza Neno yake. Ile itafanya urafiki wetu pamoja naye ukuwe nguvu. Kama tunakuwa na urafiki wa karibu pamoya na Yehova sawa vile Yosefu, tutaepuka kufanya jambo yoyote yenye itamuhuzunisha.—Yak. 4:8.
Kumukaribia Yehova kutakusaidia kubakia muaminifu (Ona fungu ya 14-15)
15. Mambo yenye ilifikia Waisraeli mu jangwa inaweza kutufundisha nini? (Waebrania 3:12)
15 Kusahau kama Yehova ni Mungu mwenye kuishi kunaweza kufanya ikuwe mwepesi kumuacha. Fikiria mambo yenye ilifikia Waisraeli wakati walikuwa mu jangwa. Walijua kama Yehova iko, lakini walianza kuwa na mashaka kama Yehova anaweza kuwapatia mambo yenye wako nayo lazima. Na hata waliuliza hivi: “Je, Yehova iko katikati yetu ao hapana?” (Kut. 17:2, 7) Kisha, walimuasi Mungu. Kwa kweli hatupendi kufuata mufano wao wa kukosa kutii, na mufano wao ni onyo kwetu.—Soma Waebrania 3:12.
16. Ni nini inaweza kujaribu imani yetu?
16 Ulimwengu unafanya ikuwe nguvu kwetu kubakia karibu na Yehova. Watu wengi wanasema kama Mungu haiko. Mara mingi wale wenye hawafuate mambo yenye Mungu anaomba wanaonekana kuwa na maisha ya muzuri. Kuona ile kunaweza kujaribu imani yetu. Ni kweli kwamba hatutasema kama Mungu haiko, lakini tunaweza kuanza kujiuliza ikiwa Mungu atatusaidia. Muandikaji wa Zaburi 73 alijiuliza pia vile. Aliona watu wenye hawakukuwa natii sheria za Mungu lakini walikuwa nafurahia maisha, na ile ilifanya aanze kujiuliza ikiwa kumutumikia Mungu kuko na faida.—Zb. 73:11-13.
17. Ni nini inaweza kutusaidia kubakia karibu na Yehova?
17 Ni nini ilisaidia ule muandikaji wa Zaburi abadilishe mawazo yake? Alitafakari juu ya mambo yenye itafikia wale wenye wanamusahau Yehova. (Zb. 73:18, 19, 27) Pia alifikiria faida za kumutumikia Mungu. (Zb. 73:24) Siye pia tunaweza kufikiria baraka zenye Yehova ametupatia. Kisha tujaribu kufikiria namna maisha yetu ingekuwa kama hatungekuwa namutumikia Yehova. Kufanya vile kunaweza kutusaidia tuendelee kuwa waaminifu, na tuseme maneno sawa hii ya muandikaji wa zaburi: “Lakini mimi, kumukaribia Mungu ni jambo la muzuri kwangu.”—Zb. 73:28.
18. Juu ya nini hatupaswe kuogopa wakati wenye kuya?
18 Inawezekana tupambane na magumu yote yenye tunaweza kupata mu hizi siku za mwisho juu ‘tunamutumikia Mungu wa kweli mwenye kuishi.’ (1 Te. 1:9) Mungu wetu ni mutu wa kweli kabisa mwenye iko tayari kusaidia watu wake sikuzote. Alisaidia watumishi wake zamani, na iko natusaidia leo. Hivi karibuni ku dunia kutatokea taabu kubwa yenye haiyatokeaka. Lakini hatutakuwa peke yetu. (Isa. 41:10) Basi, siye wote tukuwe hodari na kusema: “Yehova ni musaidizi wangu; sitaogopa.”—Ebr. 13:5, 6.
WIMBO 3 Nguvu Yangu, Tumaini Yangu, Ninakutegemea
