• “Niliona sawa vile bwana yangu alikuwa nafanya uzinifu tena na tena.”

• “Nilisikia haya, nilijiona kuwa mutu mwenye havutie, na wa bure.”

• “Sikuambia hata mutu yeyote ile jambo. Nilikuwa nakufia tu ndani.”

• “Nilijisikia sawa vile Yehova hakukuwa nanihangaikia.”

Ile maneno inaonyesha kama bibi anatesekaka sana wakati bwana yake anaangaliaka pornografia. Na kama alikuwa nafanya vile kwa uficho, pengine kwa miezi ao miaka, ile inaweza kufanya bibi asimutumainie tena. Mwanamuke moya alisema hivi: “Nilijiuliza, ‘Huyu ni bwana yangu kabisa? Kuko mambo ingine yenye iko nanificha?’”

Hii habari ilitayarishwa kwa ajili ya bibi mwenye bwana yake anaangaliaka pornografia. a Itazungumuzia kanuni fulani za Biblia zenye zitamufariji bibi, zenye zitamuhakikishia kama Yehova hatamuacha, na zenye zitamusaidia akuwe na amani na aendelee kuwa karibu na Yehova. b

Hata kama hauna mamlaka juu ya mambo yote yenye bwana yako anafanyaka, unaweza kufanya mambo fulani juu usihangaike sana na juu ukuwe na amani ya akili. Ona mambo yenye unaweza kufanya.

Epuka kujilaumu. Bibi anaweza kuwaza kama bwana yake anaangaliaka pornografia juu yeye alifanyaka jambo fulani ya mubaya. Alice c alijiona kuwa mwanamuke mwenye havutie. Alijiuliza hivi: ‘Juu ya nini bwana yangu anapendaka kuangalia wanamuke wengine kuliko miye?’ Bibi fulani wanajilaumu kwa sababu ya namna wanatenda, wanawaza kama wao njo wanafanya hali ikuwe mubaya zaidi. Danielle anasema hivi: “Niliona kama kasirani yangu kali njo ilifanya ndoa yetu ianze kuharibika.”

Kama na weye unajisikiaka vile, ujue kama Yehova hatakulaumu juu ya makosa ya bwana yako. Yakobo 1:14 inasema hivi: “Kila mutu anajaribiwa kwa kuvutwa na kushawishiwa na tamaa yake mwenyewe.” (Ro. 14:12; Flp. 2:12) Yehova hakulaumu, lakini anakuona kuwa mutu wa maana sana juu uko mushikamanifu kwake.​—2 Ny. 16:9.

 Inaweza pia kuwa muzuri kuelewa kama ikiwa bwana anaangaliaka poronografia, ile haimaanishe kama bibi yake ni mwanamuke mwenye havutie. Watu wenye elimu juu ya mambo ya pornografia wanasemaka kama inafanyaka mutu akuwe na tamaa ya ngono ya nguvu sana yenye hakuna mwanamuke mwenye anaweza kuitosheleza.

Epuka kuhangaika sana. Catherine alisema kama jambo yenye ilikuwa namurudilia-rudilia mu akili ni kukumbuka vile bwana yake anaangaliaka pornografia. Frances alisema hivi: “Kama sijue kwenye bwana yangu alienda, nahangaikaka; nahangaikaka sana siku muzima.” Bibi wengine wanasemaka kama wanasikiaka haya wakati wako na Wakristo wenzao wenye pengine wanajua tatizo yenye bwana zao wako nayo. Na wengine wanasemaka kama wanajisikiaka kuwa wao peke juu wanawaza kama hakuna mutu mwenye anaelewaka hali yao.

Ni kawaida kujisikia vile. Lakini, kuwaza-waza juu ya ile kunaweza tu kuongeza mahangaiko yako. Kuliko kufanya vile, ukaze akili yako juu ya urafiki wako pamoya na Yehova. Kufanya vile, kutakusaidia uvumilie.​—Zb. 62:2; Efe. 6:10.

Inaweza kuwa muzuri usome na utafakari juu ya habari fulani zenye kuwa mu Biblia zenye kuzungumuzia wanamuke fulani wenye walikuwaka na magumu, lakini walipataka faraja kisha kusali kwa Yehova. Kila mara, hakukuwa natosha magumu yao, lakini aliwapatia amani. Kwa mufano, Hana “alikuwa na uchungu mwingi sana” juu ya hali yake. Lakini, kisha ‘kusali kwa muda murefu mbele ya Yehova,’ alipata amani, hata kama alikuwa hayajua namna hali yake ingekuwa kisha.​—1 Sa. 1:10, 12, 18; 2 Ko. 1:3, 4.

Tafuta musaada kwa wazee wa kutaniko. Wanaweza kuwa kama “kibanda kwa sababu ya upepo, ao kimbilio kwa sababu ya zoruba ya mvua.” (Isa. 32:2, maelezo ya chini) Wanaweza hata kukupendekezea dada fulani mwenye unaweza kuambia mambo yako na mwenye anaweza kukufariji.​—Mez. 17:17.

Unaweza kusaidia bwana yako aache tabia yake ya kuangalia pornografia? Pengine. Biblia inasema kama juu ya kumaliza tatizo ao kupiganisha adui mwenye kuwa na nguvu sana, “wawili ni muzuri zaidi kuliko mumoja.” (Muh.  4:9-12) Habari fulani zinaonyesha kama mara mingi matokeo inakuwaka muzuri kama bibi na bwana wako nasaidiana ili kupiganisha utumwa wa kuangalia pornografia na ili kuanza kutumainiana tena mu ndoa yao.

Kusema kweli, hata kama munafanya vile, itaomba bwana akuwe tayari kujikaza na kupenda kuacha tabia yake ya kuangalia pornografia. Alishamuomba Yehova amupatie nguvu na alishatafuta musaada kwa wazee? (2 Ko. 4:7; Yak. 5:14, 15) Alishafanya mambo fulani yenye itamusaidia asianguke mu jaribu, sawa vile kuepuka kutumia sana vyombo vya kielektroniki na kuepuka hali yenye inaweza kufanya arudilie ile tabia yake? (Mez. 27:12) Anapenda kabisa umusaidie na iko tayari kukuambia kweli yote? Kama ni vile, unaweza kumusaidia.

Namna gani? Fikiria hii mufano. Felicia alioana na Ethan, mwenye alikuwaka mutumwa wa kuangalia pornografia wakati alikuwaka kijana. Wakati mawazo ya kuangalia pornografia inarudiliaka bwana yake, Felicia anafanyaka yake yote ili kuongea naye. Ethan anasema hivi: “Namuambiaka bibi yangu kweli yote waziwazi. Ananisaidiaka kwa upendo niepuke majaribu na kila mara ananiulizaka vile niko. Na ananisaidiaka nisikuwe naingia sana ku Enternete.” Inaeleweka kuona vile Felicia anaumiaka juu Ethan anavutiwaka na pornografia. Anasema hivi: “Lakini hata kama nakasirikaka na kuumia, ile haisaidiake bwana yangu aachane na ile tabia. Kisha siye kuzungumuzia tatizo yake, anakuwaka tayari kunisaidia juu nisiendelee kuumia.”

Mazungumuzo ya vile inaweza kusaidia bwana asiendelee kuangalia pornografia na inaweza pia kusaidia bibi aanze kumutumainia tena. Kusema kweli, kama bwana iko tayari kuambia bibi yake waziwazi uzaifu wake, fasi kwenye anaenda, na mambo yenye iko nafanya, ile itafanya bibi yake amutumainie juu haiko namuficha tena kitu.

Unawaza kama ikiwa unafanya ile mambo unaweza kumusaidia bwana yako? Ikiwa ni vile, hauone kama ni muzuri musome na kuzungumuzia hii habari pamoya? Bwana anapaswa kujiwekea miradi ya kuacha kuangalia pornografia na kukupatia nafasi ya kumutumainia tena. Kuliko yeye kukasirika juu unapenda kuongea naye kuhusu ile tatizo, anapaswa kujikaza kuelewa namna uko najisikia juu ya ile. Na weye unapaswa kujiwekea miradi ya kumutegemeza juu aache ile tabia na kumupatia nafasi ya kuonyesha kama unaweza kumutumainia tena. Itaomba mujue sababu zenye zinafanyaka watu waanze kuangalia pornografia na namna munaweza kumaliza ile tatizo. d

 Kama uko naogopa kuwa mazungumuzo yenu itaisha mubaya, unaweza kuomba muzee mwenye nyiye wote wawili munazoea akuwe pale wakati muko nazungumuza. Ujue kama, hata kama bwana yako alishaacha utumwa wake wa kuangalia pornografia, inaweza kukamata wakati ili uanze tena kumutumainia. Usivunjike moyo. Tafuta mambo ya kidogo-kidogo yenye munaweza kutengeneza kati yenu. Utumainie kama kisha wakati fulani ndoa yenu itakuwa tena muzuri kama munaendelea kuvumilia.​—Muh. 7:8; 1 Ko. 13:4.

Kama bwana yako anaanza tena kuangalia pornografia, ile inamaanisha kama hatubu na kama hataachaka ile tabia? Hapana kabisa. Kama alishakuwa mutumwa wa pornografia, pengine itaomba apiganishe ile tabia maisha yake yote. Anaweza kuangalia tena pornografia hata kama alishaipiganisha kwa miaka mingi. Juu ile isitokee, anapaswa kujiwekea mipaka, pengine kwa kuepuka hali ao mambo yenye inaweza kufanya aangukie tena mu jaribu hata kama ile tatizo inaonekana sawa vile ilishaisha. (Mez. 28:14; Mt. 5:29; 1 Ko. 10:12) Anapaswa kubadilisha “mutazamo wenye unatawala akili” na kujifunza “kuchukia mambo ya mubaya,” ni kusema, pornografia na matendo yoyote ya uchafu, sawa vile kugusa-gusa viungo vya uzazi juu ya kutimiza tamaa ya ngono. (Efe. 4:23; Zb. 97:10; Ro. 12:9) Anapenda kufanya ile mambo? Kama ni vile, ni kusema, siku moya atabadilikaka. e

Sasa utafanya nini kama bwana yako hapendi kuachana na tabia yake? Kusema kweli, ile inaweza kufanya kila mara uvunjike moyo, ukasirike, na kuona kama amekusaliti. Uache ile mambo yote mu mikono ya Yehova ili ukuwe na amani ya akili. (1 Pe. 5:7) Uendelee kumukaribia Yehova kwa kujifunza, kusali, na kutafakari. Kama unafanya vile, ukuwe hakika kama naye pia atakukaribia. Sawa vile Isaya 57:15 inaonyesha, anaishi pamoya na “wale wenye kupondwa na wenye roho ya unyenyekevu,” ili wakuwe tena na furaha. Ujikaze kuwa Mukristo muzuri. Utafute musaada kwa wazee. Na ukuwe hakika kama kisha wakati fulani, bwana yako anaweza kubadilika.​—Ro. 2:4; 2 Pe. 3:9.