Maulizo ya Wasomaji Wetu
2 Watesalonike 3:14 inazungumuzia kutia alama, ni nani njo anapaswa kufanya vile, wazee ao Wakristo kipekee?
Mutume Paulo aliandikia hivi Wakristo wa Tesalonike: “Kama mutu yeyote hatii neno letu kupitia barua hii, mumutie mutu huyo alama na muache kushirikiana naye.” (2 Te. 3:14) Zamani, tulisema kama ni wazee njo Paulo alipatia ule muongozo. Kama mutu aliendelea kupuuza kanuni za Biblia hata kisha kushauriwa mara mingi, wazee wangetoa hotuba ya kuonya kutaniko. Kisha pale, wahubiri hawangepitisha wakati mu mambo ya kujifurahisha pamoya na ule mutu mwenye kutiwa alama.
Lakini, inaomba turekebishe ile mafasirio. Shauri ya Paulo inahusu jambo yenye Mukristo kipekee anapaswa kufanya mu hali fulani. Kwa hiyo, haiko lazima wazee watoe hotuba ya kuonya kutaniko. Juu ya nini kuko hii marekebisho? Tufikirie mambo yenye Paulo alikuwa nazungumuzia wakati alitoa hii shauri.
Paulo alisema kama batu fulani mu kutaniko balikuwa ‘najiendesha bila utaratibu.’ Balikatala kufuata mashauri ya Neno ya Mungu. Mbele ya pale, wakati alibatembelea alibapatia hii shauri: “Kama mutu yeyote hataki kufanya kazi, basi asikule pia chakula.” Hata vile, Wakristo fulani waliendelea kukatala kutumika juu ya kutimiza mahitaji yao, hata kama walikuwa na uwezo ya kufanya vile. Tena, walikuwa najiingiza mu mambo ya bengine. Wakristo walipaswa kutendea namna gani bale batu benye balikuwa najiendesha bila utaratibu?—2 Te. 3:6, 10-12.
Paulo alisema hivi: “Mumutie mutu huyo alama.” Neno ya Kigiriki yenye inatumiwa pale inaleta wazo ya kutambua kama mutu fulani iko na tabia mubaya na kuwa muangalifu juu asituambukizie tabia yake ya mubaya. Paulo alitolea ile muongozo kutaniko yote, hapana tu wazee. (2 Te. 1:1; 3:6) Kwa hiyo, Mukristo mwenye anaona kama Mukristo mwingine hatii mashauri ya Biblia, anaweza ‘kuacha kushirikiana’ na ule Mukristo mwenye kujiendesha bila utaratibu.
Ile inamaanisha kama walipaswa kutendea ule Mukristo sawa mutu mwenye ameondolewa mu kutaniko? Hapana, Paulo alisema tena hivi: “Muendelee kumuonya kama ndugu.” Kwa hiyo Mukristo angeendelea kupitisha wakati pamoya na ule mutu mu mahubiri na ku mikutano, lakini angeamua kama hatapitisha wakati pamoya naye mu mambo ya kujifurahisha. Juu ya nini? Paulo alisema hivi “ili apate haya.” Kutia alama Mukristo mwenye anajiendesha bila utaratibu kunaweza kufanya asikilie haya tabia yake na abadilike.—2 Te. 3:14, 15.
Leo, Wakristo wanaweza kutumikisha namna gani ile shauri? Kwanza, tunapaswa kuhakikisha kama tabia ya mutu fulani inaonyesha kabisa kama anajiendesha “bila utaratibu,” sawa vile Paulo alisema. Paulo hakukuwa nazungumuzia watu wenye wanakamata maamuzi tofauti na yetu mu mambo yenye kuhusu zamiri ao mambo ya kipekee. Na hakukuwa nazungumuzia watu wenye wanatukwaza. Lakini, alikuwa nazungumuzia watu wenye wanakatala kimakusudi kutii mashauri ya Mungu yenye kuwa wazi.
Leo, kama tunaona ndugu ao dada mwenye iko na muelekeo wa kukatala kutii mashauri ya Biblia, a tutaamua kipekee kama hatutajiunga naye mu mambo ya kujifurahisha. Juu ile ni uamuzi wa kipekee, tutaizungumuzia tu na batu ya mu familia yetu benye tunaishi nabo, hapana na batu bengine. Na tutaendelea kujiunga na ule mutu ku mikutano na mu mahubiri. Kama anabadilika, tutaanza tena kupitisha wakati pamoya naye mu mambo yote.
a Kwa mufano, Mukristo anaweza kukatala kutumika juu ya kutimiza mahitaji yake hata kama iko na uwezo wa kufanya vile, ao anaweza kuendelea kufanya urafiki wa kimapenzi pamoya na mutu mwenye haiko Shahidi hata kisha kushauriwa, ao anaweza kusema mubaya juu ya mafundisho ya Biblia na muongozo wa tengenezo, ao tena anaweza kueneza habari za kuumiza juu ya bengine. (1 Ko. 7:39; 2 Ko. 6:14; 2 Te. 3:11, 12; 1 Ti. 5:13) Wakristo wenye wanaendelea kufanya ile mambo, wanajiendesha “bila utaratibu.”
