1. Petro alitenda namna gani kisha kuvua samaki wengi kwa muujiza?

 PETRO alijaribu kuvua samaki usiku muzima bila kupata kitu. Lakini jambo ya kushangaza, Yesu alimuambia hivi: “Peleka mashua mahali kwenye maji mengi, kisha mushushe nyavu zenu.” (Lu. 5:4) Ni wazi kama Petro hakuamini kama atakamata samaki, lakini alifanya vile Yesu alimuambia. Nyavu zenye alishusha zilianza kukatika kwa sababu ya uzito wa samaki wenye waliingia ndani. Wakati Petro na wenye walikuwa natumika naye walielewa kama ile ilikuwa muujiza, “walishangazwa sana.” Petro alisema hivi: “Ondoka kwangu, Bwana, kwa sababu mimi ni mutu mwenye zambi.” (Lu. 5:6-9) Inawezekana Petro aliona kama hakustahili kuwa pamoya na Yesu.

2. Juu ya nini ni jambo ya maana kujifunza mufano wa Petro?

² Petro alisema kweli, alikuwa “mutu mwenye zambi.” Maandiko inaonysha kama wakati fulani Petro alisema na kufanya mambo yenye alihuzunikia kisha. Na weye unajisikiaka sawa Petro? Uko napiganisha uzaifu fulani ao muelekeo fulani wa mubaya? Kama ni vile, kujifunza mufano wa Petro kunaweza kukutia moyo. Namna gani? Fikiria hii jambo: Kama Yehova angependa hangeandikisha makosa ya Petro mu Biblia. Lakini kwa muongozo wa roho yake takatifu, aliiandikisha ili itufundishe. (2 Ti. 3:16, 17) Kujifunza mufano wa Petro, mwenye alikuwa na uzaifu na hisia kama zetu, kunaweza kutusaidia tuone kama Yehova hatazamie tukuwe wakamilifu. Anapenda tuendelee kujikaza na tusichoke hata kama tuko na uzaifu fulani.

3. Juu ya nini tunapaswa kuendelea kujikaza?

 ³ Juu ya nini ni jambo ya maana tuendelee kujikaza? Watu wanasemaka, mutu anaendelea kuwa na ufundi kadiri anaendelea kujizoeza. Kwa mufano: Mwana muziki anaweza kufanya miaka mingi juu ajue kupiga gitare muzuri. Mu ile kipindi yote anaweza kukosea mara mingi, lakini kama anaendele kufanya mazoezi atajua kupiga muzuri. Hata wakati anakuwa mwanamuziki mwenye ufundi anaweza kukosea wakati fulani, lakini ile haifanye aache kupiga gitare. Anaendelea kufanya mazoezi ili ajue kupiga muzuri zaidi. Vilevile, tunaweza kuona kama tumeweza kupiganisha uzaifu fulani, lakini wakati fulani tunaweza tena kuangukia mu ule uzaifu. Tusivunjike moyo, tuendelee kupiganisha ule uzaifu. Siye wote tunasemaka ao kufanya mambo yenye tunahuzunikiaka kisha; hata vile, kama hatuvunjike moyo, Yehova atatusaidia tuendelee kufanya maendeleo. (1 Pe. 5:10) Tuone namna Petro aliendelea kupiganisha uzaifu wake. Huruma yenye Yesu alimuonyesha hata kama alifanya makosa mara kwa mara, inaweza kutuchochea tuendelee kumutumikia Yehova.

4. Kulingana na Luka 5:5-10, Petro alijiona kuwa mutu wa namna gani, lakini Yesu alimuambia nini?

⁴ Maandiko haiseme juu ya nini Petro alijiita “mutu mwenye zambi” ao ni zambi gani alikuwa anafikiria wakati alisema vile. (Soma Luka 5:5-10.) Lakini inawezekana alikuwa amefanya makosa fulani makubwa. Yesu alitambua kama Petro alikuwa na woga na pengine ni kwa sababu alijiona kuwa hastahili. Yesu alijua pia kama Petro angeweza kubakia muaminifu. Kwa hiyo, Yesu alimuambia hivi kwa upendo: “Acha kuogopa.” Juu Yesu alimutumainia Petro, ile ilikuwa na matokeo makubwa sana mu maisha ya Petro. Kisha wakati fulani Petro na ndugu yake Andrea waliacha kazi yao ya kuvua samaki na wakakuwa wafuasi wa wakati wote wa Yesu. Ule uamuzi uliwaletea baraka mingi.—Mk. 1:16-18.

5. Petro alipata baraka gani juu hakuendelea kuogopa na alikubali mualiko wa Yesu?

⁵ Petro alijionea mambo mingi ya ajabu juu alikuwa mufuasi wa Yesu. Aliona vile Yesu aliponyesha wagonjwa, namna alifukuza pepo wachafu, na hata kufufua wafu. b (Mt. 8:14-17; Mk. 5:37, 41, 42) Petro aliona pia katika maono utukufu wa Yesu mu Ufalme wake wa wakati wenye kuya, na aliendelea kukumbuka ile maono maisha yake yote. (Mk. 9:1-8; 2 Pe. 1:16-18) Kwa kweli, Petro aliona mambo  yenye hangewaziaka. Bila shaka Petro alifurahi sana juu hakuruhusu ile mawazo ya kujiona kuwa hastahili imufanye akose zile baraka zote!

6. Petro alishinda uzaifu wake mara moya? Fasiria.

⁶ Hata kama Petro aliona na kusikia ile mambo yote, aliendelea kupambana na uzaifu mbalimbali. Tuone mifano fulani. Wakati Yesu alikuwa anafasiria namna angeteseka na kufa ili kutimiza unabii wa Biblia, Petro alimukaripia. (Mk. 8:31-33) Mara kwa mara Petro na mitume wengine walibishana ili kujua ni nani njo alikuwa mukubwa zaidi kati yao. (Mk. 9:33, 34) Usiku wa mwisho mbele Yesu akufe, Petro alitenda bila kufikiri na kukata sikio ya mwanaume fulani. (Yoh. 18:10) Uleule usiku, Petro aliogopa na akamukana rafiki yake Yesu mara tatu. (Mk. 14:66-72) Ile ilifanya Petro alie kwa uchungu.—Mt. 26:75.

7. Kisha Yesu kufufuliwa, alimupatia Petro nafasi gani?

⁷ Yesu hakuacha ule mutume wake mwenye alikuwa amevunjika moyo sana. Kisha Yesu kufufuliwa, alimupatia Petro nafasi ya kuonyesha kama anamupenda. Alimupatia nafasi ya kuchunga kondoo wake kwa unyenyekevu. (Yoh. 21:15-17) Petro alikubali kabisa ule mugao. Petro alikuwa Yerusalemu siku ya Pentekoste na akakuwa kati ya watu wa kwanza wenye walitiwa mafuta na roho takatifu.

8. Petro alifanya kosa gani kubwa katika Antiokia?

⁸ Hata kisha kuwa Mukristo mutiwa-mafuta, Petro aliendelea kupambana na uzaifu wake. Mu mwaka wa 36 K.K.Y., Petro alikuwa pale wakati Kornelio, Mutu wa Mataifa mwenye hatahiriwe, alitiwa mafuta na roho takatifu. Ile ilionyesha wazi kama “Mungu hana ubaguzi” na kama Watu wa Mataifa wanaweza kuingia mu kutaniko ya Kikristo. (Mdo. 10:34, 44, 45) Kisha pale, Petro alijisikia huru kula pamoya na Watu wa Mataifa, jambo yenye hangefanyaka zamani. (Gal. 2:12) Lakini, Wakristo fulani Wayahudi waliona kama Wayahudi hawapaswe kula pamoya na Watu wa Mataifa. Wakati Wakristo fulani Wayahudi wenye walikuwa na ile mawazo walikuya Antiokia, Petro aliacha kula pamoya na ndugu zake wenye hawakukuwa Wayahudi. Pengine alifanya vile juu aliogopa kukwaza Wakristo Wayahudi. Mutume Paulo aliona ule unafiki na alimukaripia Petro mbele ya watu wote. (Gal. 2:13, 14) Hata kama Petro aliangukia tena mu uzaifu wake, hakuvunjika moyo na aliendelea kujikaza. Ni nini ilimusaidia?

9. Namna gani Yohana 6:68, 69 inaonyesha kama Petro alikuwa mushikamanifu?

⁹ Petro alikuwa mushikamanifu; hakuacha kitu yoyote imufanye aache kabisa kumufuata Yesu. Kwa mufano, alionyesha ushikamanifu wake wakati Yesu alisema jambo fulani yenye wanafunzi wake hawakuelewa. (Soma Yohana 6:68, 69.) Kuliko kungoya ao kumuomba Yesu awafasirie, wengi waliacha kumufuata. Lakini Petro hakufanya vile, alijua kama Yesu tu njo alikuwa na “maneno ya uzima wa milele.”

10. Namna gani Yesu alionyesha kama alimutumainia Petro? (Ona pia picha.)

¹⁰ Yesu hakumuacha Petro. Usiku wake wa mwisho hapa ku dunia, Yesu alijua kama Petro na mitume wengine wangemuacha. Hata vile, Yesu alionyesha kama alikuwa hakika kama Petro angemurudilia na kuendelea kuwa muaminifu. (Lu. 22:31, 32) Yesu alielewa kama “roho inataka, lakini mwili ni muzaifu.” (Mk. 14:38) Njo maana hata kisha Petro kumukana, Yesu hakuacha ule mutume wake. Kisha Yesu kufufuliwa. alimutokea Petro. Ni wazi  kama alifanya vile wakati Petro alikuwa peke yake. (Mk. 16:7; Lu. 24:34; 1 Ko. 15:5) Bila shaka ile ilimutia moyo sana Petro!

11. Namna gani Yesu alimuhakikishia Petro kama Yehova atamutegemeza?

¹¹ Yesu alimuhakikishia Petro kama Yehova atamuhangaikia. Yesu mwenye alikuwa amefufuliwa, alisaidia Petro na mitume wengine kukamata tena samaki kwa njia ya muujiza. (Yoh. 21:4-6) Bila shaka ule muujiza ulimuhakikishia Petro kama ni mwepesi kwa Yehova kumutolea vitu vya kimwili vyenye alikuwa navyo lazima. Pengine Petro alikumbuka namna Yesu alisemaka kama Yehova atatimiza mahitaji ya wale wenye “kutafuta kwanza Ufalme.” (Mt. 6:33) lle ilifanya Petro atie kazi ya kuhubiri pa nafasi ya kwanza, hapana kazi ya kuvua samaki. Kisha pale alitoa ushahidi kwa uhodari siku ya Pentekoste ya mwaka wa 33 K.K.Y., na akasaidia maelfu ya watu wakubali habari njema. (Mdo. 2:14, 37-41) Na kisha alisaidia Wasamaria na Watu wa Mataifa wakubali Kristo. (Mdo. 8:14-17; 10:44-48) Ni wazi kama Yehova alitumia Petro ili kuleta watu wa namna zote mu kutaniko.

12. Mufano wa Petro unaweza kutusaidia namna gani ikiwa tumepambana na uzaifu fulani kwa wakati murefu?

¹² Yehova anaweza kutusaidia tuendelee kumutumikia. Inaweza kuwa nguvu kuendelea kumutumikia Yehova, zaidi sana ikiwa tumepambana na uzaifu fulani kwa wakati murefu. Wakati fulani, uzaifu wetu unaweza kuonekana kuwa wa nguvu kupita uzaifu wenye Petro alipambana nao. Lakini Yehova anaweza kutupatia nguvu ili tuendelee kuupiganisha. (Zb. 94:17-19) Kwa Mufano, mbele ndugu fulani ajifunze kweli alikuwa na tabia ya kufanya ngono na wanaume wenzake kwa miaka mingi. Aliamua kabisa kuachana na ule mwenendo muchafu, lakini wakati fulani alipambana na tamaa za mubaya. Ni nini ilimusaidia aendelee kuzipiganisha? Anasema hivi: “Yehova alinitia nguvu. Kwa musaada wa roho ya Yehova . . . , nimejifunza kama inawezekana kuendelea kuishi maisha yenye Yehova anapenda . . . Yehova amenitumia mu njia mbalimbali. Hata kama niko na uzaifu, anaendelea kunitia nguvu.”

13. Namna gani tunaweza kuiga mufano wa Petro wenye kuwa mu Matendo 4:13, 29, 31? (Ona pia picha.)

¹³ Sawa vile tumeona, Petro alianguka mu mutego wa kuogopa wanadamu zaidi ya mara moya. Lakini juu aliomba Yehova amupatie  uhodari, aliweza kutenda bila woga. (Soma Matendo 4:13, 29, 31.) Na siye tunaweza kushinda woga wetu. Ona mufano wa ndugu kijana mwenye kuitwa Horst mwenye aliishi Alemanye wakati wa utawala wa Wanazi. Zaidi ya mara moya aliacha wengine wamushawishi ku masomo na akasema “Heil Hitler!” yenye ilimaanisha “Hitler atatuokoa!” Kuliko kumukaripia wazazi wake walisali pamoya naye na walimuomba Yehova amupatie uhodari. Kwa musaada wa wazazi wake na kwa kumutegemea Yehova, Horst alipata nguvu ya kushikamana na imani yake. Alifikia kusema hivi: “Yehova hakuniacha hata kidogo.” c

14. Namna gani wachungaji wenye upendo wanaweza kutia moyo wale wenye kuvunjika moyo?

¹⁴ Yehova na Yesu hawatatuacha. Kisha kumukana Yesu, Petro alipaswa kukamata uamuzi wa maana sana mu maisha yake. Angeacha kuwa mwanafunzi wa Yesu, ao angeendelea kuwa mwanafunzi wake? Yesu alikuwa amemulilia Yehova ili imani ya Petro isififie. Yesu aliambia Petro juu ya ile sala na alionyesha kama alikuwa hakika kama Petro angekuwa na nguvu ya kutia moyo ndugu zake. (Lu. 22:31, 32) Bila shaka wakati Petro alikumbuka ile maneno ya Yesu, alitiwa moyo sana! Wakati inaomba tukamate uamuzi wa maana mu maisha yetu, Yehova anaweza kutumia wachungaji wenye kutuhangaikia ili watutolee vitia moyo vyenye tuko navyo lazima juu tuendelee kuwa waaminifu. (Efe. 4:8, 11) Paul, muzee wa kutaniko kwa miaka mingi, anajikazaka kutia moyo ndugu na dada. Anaombaka wale wenye wanaona kama hawataweza tena kumutumikia Yehova wafikirie namna Yehova aliwavuta katika kweli na anawahakikishia kama Yehova hawezi kuwaacha kwa sababu ya upendo wake mushikamanifu.  Anamalizia hivi: “Nimeona kama kwa musaada wa Yehova ndugu na dada wengi wenye walikuwa wamevunjika moyo, wameendelea kumutumikia Yehova.”

15. Mufano wa Petro na Horst unaonyesha namna gani kama maneno yenye kuwa mu Matayo 6:33 ni ya kweli?

¹⁵ Sawa vile tu Yehova alitimiza mahitaji ya kimwili ya Petro na ya mitume wengine, atatutimizia pia mahitaji yetu ya kimwili kama tunatia kazi ya kuhubiri pa nafasi ya kwanza mu maisha yetu. (Mt. 6:33) Kisha Vita ya Pili ya Ulimwengu, Horst mwenye tulishazungumuzia, alifikiria kuanza kazi ya upainia. Lakini alikuwa maskini sana na aliwaza kama hataweza kutimiza mahitaji yake na kuendelea kuwa mu utumishi wa wakati wote. Alifanya nini? Aliamua kumujaribu Yehova kwa kuhubiri juma yote wakati wa ziara ya mwangalizi wa muzunguko. Ku mwisho ya juma alishangaa wakati mwangalizi wa muzunguko alimupatia enveloppe, lakini hakumuambia ilitoka kwa nani. Mu ile enveloppe mulikuwa makuta yenye ingemutegemeza mu kazi ya upainia kwa miezi fulani. Ile zawadi ilihakikishia Horst kama Yehova angemutegemeza. Mu maisha yake yote alitia kazi ya Ufalme pa nafasi ya kwanza.—Mal. 3:10.

16. Juu ya nini ni jambo ya maana kwetu kujifunza mufano wa Petro na barua zake?

¹⁶ Petro alipaswa kufurahi sana juu Yesu hakuondoka wakati alimuomba aondoke! Kristo aliendelea kumuzoeza Petro ili akuwe mutume muaminifu na akuwe mufano muzuri kwa wengine. Mazoezi ya mingi yenye alimutolea iko na mambo ya mingi ya maana yenye inaweza kutuletea faida siye wote. Petro alizungumuzia mambo fulani kati ya ile mambo mu barua mbili zenye kuongozwa na roho ya Mungu zenye alitumia makutaniko mu karne ya kwanza. Habari yenye kufuata itazungumuzia vikumbusho fulani vyenye kuwa mu zile barua na namna tunaweza kuvitumia leo.