1. Mbele mutume Petro akufe, aliongozwa na roho ya Mungu kufanya nini?

 MUTUME Petro alijua kama alikuwa karibu kufa. Alitumika kwa uaminifu kwa miaka mingi, alitembea pamoya na Yesu, alikuwa wa kwanza kuhubiria watu wa namna mbalimbali, na alitumika mu baraza yenye kuongoza. Lakini ile haikukuwa mwisho, Yehova alimupatia kazi ingine. Kati ya mwaka wa 62-64 hivi K.K.Y., aliongozwa na roho ya Mungu kuandika barua mbili zenye kuwa kati ya vitabu vya Biblia, ni kusema Petro wa Kwanza na Petro wa Pili. Petro alitumaini kama zile barua zingesaidia Wakristo kisha kifo yake.— 2 Pe. 1:12-15.

2. Juu ya nini barua za Petro ziliandikwa wakati wenye kufaa?

² Petro aliandika zile barua mbili mu kipindi yenye Wakristo wenzake walikuwa ‘wamehuzunishwa na majaribu mbalimbali.’ (1 Pe. 1:6) Watu wabaya walikuwa najaribu kuingiza mafundisho ya uongo na mwenendo muchafu mu kutaniko. (2 Pe. 2:1, 2, 14) Karibuni, Wakristo wenye kuishi Yerusalemu wangejionea “mwisho wa mambo yote,” ni kusema maaskari wa Roma wangeharibu ule muji na mupangilio wa mambo wa Wayahudi. (1 Pe. 4:7) Bila shaka, barua za Petro zilisaidia Wakristo waone mambo yenye walipaswa kufanya ili kuvumilia majaribu yenye walikuwa nayo na wajitayarishe kwa ajili ya majaribu ya wakati wenye kuya. b

3. Juu ya nini ni muzuri tuchunguze barua za Petro?

³ Hata kama barua zenye Petro aliandika zilikuwa kwa ajili ya Wakristo wa mu karne ya kwanza, Yehova alizifanya kuwa  sehemu ya Neno yake. Kwa hiyo zile barua zinaweza kutuletea siye pia faida. (Ro. 15:4) Juu tunaishi mu dunia mwenye watu wanachochea mwenendo muchafu, tunapambana pia na majaribu yenye inaweza kufanya ikuwe nguvu kumutumikia Yehova. Zaidi ya ile, karibuni tutaona taabu kubwa zaidi kuliko ziki yenye iliharibu mupangilio wa mambo wa Wayahudi. Mu Barua mbili za Petro muko vikumbusho fulani vya maana. Vile vikumbusho vitatusaidia tuendelee kungojea siku ya Yehova, tusiogope wanadamu, na tukomalishe upendo wenye nguvu kwa ajili ya ndugu zetu. Vile vikumbusho vinaweza pia kusaidia wazee waweze kuhangaikia kabisa mahitaji ya kondoo.

4. Kulingana na 2 Petro 3:3, 4, nini njo inaweza kutikisa imani yetu?

⁴ Tunazungukwa na watu wenye hawaamini unabii wa Biblia. Wapinzani wanaweza kutuchekelea juu kwa miaka mingi tumengojea kwa hamu mwisho wa huu ulimwengu ufike. Watu fulani wenye kutuchambua wanasema kama mwisho hautafikaka. (Soma 2 Petro 3:3, 4.) Kama mufanyakazi mwenzetu, mutu wa familia, ao mutu mwenye tunakutana naye mu mahubiri anasema maneno ya vile, ile inaweza kutikisa imani yetu. Petro alionyesha mambo yenye inaweza kutusaidia.

5. Nini inaweza kutusaidia tuendelee kuwa na mawazo yenye kufaa kuhusu mwisho? (2 Petro 3:8, 9)

⁵ Watu fulani wanaweza kuona kama Yehova anakawia kuharibu ulimwengu huu muovu. Maneno ya Petro inaweza kutusaidia tuendelee kuwa na mawazo yenye kufaa. Inatukumbusha kama namna ya Yehova ya kuona wakati iko tofauti na namna wanadamu wanaonaka wakati. (Soma 2 Petro 3:8, 9.) Kwa Yehova miaka elfu ni kama siku moja. Yehova ni muvumilivu, hapendi mutu yeyote aharibiwe. Lakini wakati siku yake itafika, ulimwengu utafikia mwisho wake. Tuko na pendeleo kabisa ya kutumia huu wakati wenye unabakia ili kutolea ushahidi watu wa mataifa yote.

6. Namna gani tunaweza “kuweka karibu katika akili” siku ya Yehova? (2 Petro 3:11, 12)

⁶ Petro anatuomba ‘tuweke karibu katika akili’ siku ya Yehova. (Soma 2 Petro 3:11, 12.) Tutafanya vile namna gani? Ni muzuri tutafakari kila siku, kama inawezekana, kuhusu baraka zenye tutapata mu dunia mupya. Ujiwazie uko navuta hewa ya muzuri, uko nakula chakula yenye kujenga, uko nakaribisha wapendwa wako wenye wanafufuka, na uko nafundisha watu wenye waliishi zamani namna unabii mbalimbali wa Biblia ulitimia. Kutafakari juu ya mambo ya vile kutakusaidia uendelee kungojea, na kutakusaidia ukuwe kabisa hakika kama mwisho uko karibu sana. Juu ‘tumepata ujuzi huu mbele ya wakati’ kuhusu wakati wetu wenye kuya “hatutapotoshwa” na walimu wa uongo.—2 Pe. 3:17.

7. Kuogopa wanadamu kunaweza kuwa na matokeo gani?

⁷ Kadiri tunaendelea kuweka katika akili siku ya Yehova, tunachochewa kuambia wengine habari njema. Lakini wakati fulani tunaweza kujizuia. Juu ya nini? Juu kwa wakati fulani tunaweza kuangukia mu mutego wa kuogopa wanadamu. Ile jambo ilimufikiaka pia Petro. Usiku wenye Yesu alisambishwa, Petro alishindwa kujitambulisha kuwa mwanafunzi wa Yesu, na hata zaidi ya mara moja, alisema kama hamujue. (Mt. 26:69-75) Lakini, uleule mutume alifikia kusema hivi kwa uhakika: “Musiogope kile wanaogopa, na musivurugike.” (1 Pe. 3:14) Maneno ya  Petro inatuhakikishia kama na siye tunaweza kuacha kuogopa wanadamu.

8. Nini inaweza kutusaidia tuache kuogopa wanadamu? (1 Petro 3:15)

⁸ Ni nini inaweza kutusaidia tuache kuogopa wanadamu? Petro anatuambia hivi: “Mumutakase Kristo kuwa Bwana katika mioyo yenu.” (Soma 1 Petro 3:15.) Ile inatia ndani kutafakari juu ya mamlaka na nguvu ya Bwana na Mufalme wetu Kristo Yesu. Kama unakuwa na wasiwasi ao unaogopa wakati unapata nafasi ya kuambia wengine kuhusu habari njema, kumbuka Mufalme wetu. Wazia namna anatawala mbinguni na anazungukwa na mamilioni ya malaika. Kumbuka kama iko na “mamlaka yote mbinguni na duniani” na kama atakuwa “pamoja na [weye] sikuzote mupaka umalizio wa mupangilio wa mambo.” (Mt. 28:18-20) Petro anatushauria ‘sikuzote tukuwe tayari’ kutetea imani yetu. Unapenda kutoa ushahidi ku kazi, ku masomo, ao fasi ingine? Fikiria kimbele ni wakati gani unaweza kufanya vile, kisha utayarishe mambo yenye utasema. Omba Yehova akupatie uhodari, na ukuwe hakika kama atakusaidia usiogope wanadamu.—Mdo. 4:29.

9. Wakati fulani, namna gani Petro alishindwa kuonyesha upendo? (Ona pia picha.)

⁹ Petro alijifunza namna ya kuonyesha upendo.  Alikuwa pale wakati Yesu alisema hivi: “Ninawapatia ninyi amri mupya, kwamba mupendane.” (Yoh. 13:34) Hata vile, Petro alifikia kuacha wengine wamushawishi na akakatala kula pamoya na ndugu na dada zake wenye hawakukuwa Wayahudi. Paulo aliita ile tendo ya Petro kuwa “unafiki.” (Gal. 2:11-14) Petro alikubali ile nizamu na aliacha imufundishe. Mu barua zote mbili alikazia kama hatupaswe tu kujisikia kama tunapenda ndugu na dada zetu, lakini tunapaswa pia kuonyesha ule upendo.

10. Ni nini njo inafanya tukuwe na “upendo wa kindugu wenye hauna unafiki”? Fasiria. (1 Petro 1:22)

¹⁰ Petro anasema kama tunapaswa kuwa na “upendo wa kindugu wenye hauna unafiki” kwa ajili ya waamini wenzetu. (Soma 1 Petro 1:22.) Jambo yenye inafanya tukuwe na ule upendo ni ‘utii kwa ile kweli.’ Ile kweli inatia ndani fundisho yenye kusema kama “Mungu hana ubaguzi.” (Mdo. 10:34, 35) Hatuwezi kusema kama tunatii amri ya Yesu ya kupendana ikiwa tunaonyesha upendo watu fulani tu mu kutaniko na hapana wengine. Ni kweli kwamba tunaweza kuwa na urafiki wa karibu pamoya na ndugu na dada fulani, sawa vile Yesu. (Yoh. 13:23; 20:2) Lakini Petro anatukumbusha kama tunapaswa kujikaza kuwa na “upendo wa kindugu,” ni kusema, kushikamana kama watu wa familia moya pamoya na ndugu na dada zetu wote.—1 Pe. 2:17.

11. ‘Kupendana sana kutoka katika moyo’ maana yake nini?

¹¹ Petro alitushauria ‘tupendane sana kutoka katika moyo.’ Mu hii andiko, kupenda “sana” maana yake, kupita mipaka ya upendo wenye tunaonyeshaka kwa ukawaida. Kwa mufano, tutafanya nini kama ndugu anatukosea ao anatukwaza mu njia fulani? Kwa kawaida tunaweza kupenda kulipiza kisasi kuliko kumuonyesha upendo. Lakini, Petro alijifunza kupitia Yesu kama Mungu hapendi tulipize kisasi. (Yoh. 18:10, 11) Petro aliandika hivi: “Musilipe ubaya kwa ubaya ao matukano kwa matukano.” (1 Pe. 3:9) Kupenda sana wengine kukuchochee kuwatendea kwa upole na kuwahangaikia, hata wale wenye pengine walikukwaza.

12. (a) Kupendana sana kunaweza kutuchochea pia kufanya nini? (b) Tunapenda kujikaza kufanya nini, sawa vile inaonyeshwa mu video Tulinde Umoja Wetu—Ni Zawadi ya Muzuri Sana?

¹² Mu barua yake ya kwanza, Petro alitumia maneno yenye inafanana na ile, ni kusema “upendo mwingi.” Upendo wa vile unafunika, hapana tu makosa kidogo, lakini “zambi nyingi.” (1 Pe. 4:8) Pengine Petro alikumbuka mambo yenye Yesu alimufundisha kuhusu kusamehe miaka mingi mbele ya pale. Wakati fulani Petro aliwaza kama alikuwa mutu muzuri sana wakati alisema kama anaweza kusamehe ndugu yake “mupaka mara saba (7).” Lakini Yesu alimufundisha yeye, lakini pia siye, kusamehe “mupaka mara makumi saba na saba (77),” ni kusema bila mipaka. (Mt. 18:21, 22) Kama unaona ni nguvu kutumikisha ile mashauri, usivunjike moyo! Wakati fulani inakuwaka nguvu kwa watumishi wote wa Yehova wenye hawakamilike kusamehe. Jambo ya maana ya kufanya sasa ni kukamata hatua ya kusamehe ndugu yako na kufanya amani pamoya naye. c

13. Nini inaweza kufanya ikuwe nguvu kwa wazee kuhangaikia ndugu na dada zao?

¹³ Bila shaka, Petro hakusahau hata kidogo mambo yenye Yesu alimuambia kisha kufufuliwa: “Chunga kondoo wangu wadogo.” (Yoh. 21:16) Kama uko muzee, unajua kama ile maneno anakuhusu na weye. Lakini inaweza  kuwa nguvu kwa muzee kupata wakati wa kushugulikia ile daraka ya maana. Kwanza, wazee wanapaswa kushugulikia mahitaji ya kimwili, ya kihisia, na ya kiroho ya watu wa familia zao. Pia, wanakuwaka mufano muzuri mu kazi ya kuhubiri na wanatayarishaka na kupitisha vipindi ku mikutano na ku mikusanyiko. Wengine wanasaidiaka mu Halmashauri ya Uhusiano na Hopitali, na mu LDC. Kwa kweli, wazee wanatumikaka sana!

14. Nini inaweza kusaidia wazee wafurahie kazi yao ya uchungaji? (1 Petro 5:1-4)

¹⁴ Petro aliambia hivi wazee wenzake “Muchunge kundi la Mungu.” (Soma 1 Petro 5:1-4.) Kama uko muzee, tunajua kama unapenda ndugu na dada zako na unapenda kuwahangaikia. Lakini, wakati fulani unaweza kuona kama uko na mambo mingi ya kufanya ao unachoka sana na hautaweza kutimiza ile daraka. Unaweza kufanya nini? Ambia Yehova mahangaiko yako. Petro aliandika hivi: “Kama mutu yeyote anatumikia, afanye hivyo kama vile anategemea nguvu zenye Mungu anatoa.” (1 Pe. 4:11) Pengine ndugu na dada zako wako napambana na magumu yenye haiwezi kumalizika kabisa mu hii ulimwengu. Lakini kumbuka kama “muchungaji mukubwa,” Yesu Kristo, anaweza kuwasaidia zaidi kuliko weye. Anaweza kufanya vile leo na pia mu dunia mupya. Mungu haombe wazee mambo mingi; anawaomba tu wapende ndugu zao, wahangaikie ndugu zao, na wakuwe “mifano kwa kundi.”

15. Namna gani muzee fulani anahangaikia ndugu na dada zake? (Ona pia picha.)

¹⁵ William, mwenye ni muzee kwa miaka mingi, anaelewa kama ni jambo ya maana kufanya ziara za uchungaji. Wakati Korona ilianza, yeye na wazee wenzake walijiwekea muradi wa kuzungumuza kila juma na kila mutu mwenye kuwa mu kikundi yao ya mahubiri. Anafasiria juu ya nini waliamua kufanya vile, anasema hivi: “Ndugu na dada wengi walikuwa peke yao ku nyumba, na ile ingewafanya wakuwe na mawazo yenye haifae.” Wakati Mukristo mwenzake iko na magumu, William anamusikilizaka kwa uangalifu ili ajue mahitaji yake na mambo yenye kumuhangaisha. Kisha anatafuta habari, zaidi sana video ku site yetu, ili kusaidia ule Mukristo mwenzake. William anasema tena hivi: “Ziara za uchungaji ni za maana sana leo kupita wakati  mwingine wowote. Tunajikazaka sana kusaidia watu wajifunze kuhusu Yehova; ni vile pia tunapaswa kujikaza ili kuchunga kundi ya Yehova, kusaidia kondoo wake waendelee kubakia katika kweli.”

16. Ni mu njia gani mbalimbali unaweza kutumia mambo yenye tumejifunza mu barua za Petro?

¹⁶ Tumezungumuzia mambo fulani yenye barua mbili za Petro zinatufundisha. Pengine umeona jambo fulani yenye inaomba ufanyie maendeleo. Kwa mufano, unapenda kutafakari mara mingi zaidi juu ya baraka zenye tutapata mu dunia mupya? Umejiwekea muradi wa kutoa ushahidi ku masomo, ku kazi ao fasi ingine? Unafikiria ni mu njia gani zingine unaweza kuonyesha ndugu na dada zako kama unawapenda sana? Wazee, munaazimia kabisa kuchunga kondoo wa Mungu kwa kupenda? Wakati unajichunguza muzuri, unaweza kuona mambo yenye pengine unapaswa kufanyia kazi. Lakini usivunjike moyo. “Bwana ni mwenye fazili,” na atakusaidia kufanya maendeleo. (1 Pe. 2:3) Petro anatuhakikishia hivi: “Mungu . . . yeye mwenyewe atamaliza mazoezi yenu. Atawafanya kuwa imara, atawatia nguvu, atawafanya ninyi musitikisike.”—1 Pe. 5:10.

17. Kama tunaendelea kujikaza na kuacha Yehova atuzoeze, tutapata nini?

¹⁷ Ku mwanzo Petro aliona kama hastahili kuwa pamoya na Mwana wa Mungu. (Lu. 5:8) Lakini, juu Yehova na Yesu walimutegemeza kwa upendo, Petro aliendelea kuwa mufuasi wa Kristo. Na kwa hiyo, Petro alikubaliwa “kuingia katika Ufalme wa milele wa Bwana na Mwokozi wetu Yesu Kristo.” (2 Pe. 1:11) Ile ilikuwa baraka kubwa! Kama unaendelea kujikaza kumutumikia Yehova kama vile Petro alifanya na unaacha Yehova akuzoeze, weye pia utapata baraka ya uzima wa milele. ‘Utafikia kusudi la imani yako, wokovu wako.’—1 Pe. 1:9.