Nilizaliwa mu 1934. Wazazi wangu walitoka Swiss na wakahamia Timmins, muji wenye ulikuwa na majiwe ya bei mu Ontario, Kanada. Mu mwaka wa 1939, mama yangu alianza kusoma gazeti Munara wa Mulinzi na kukusanyika pamoya na Mashahidi wa Yehova. Alianza kuenda pamoya na miye na bakubwa yangu na badogo yangu. Bila kukawia akakuwa Shahidi wa Yehova.

Baba hakufurahia ile, lakini mama alipenda sana kweli na aliazimia kushikamana nayo. Alifanya vile hata ku mwanzo-mwanzo wa miaka ya 1940 wakati kazi ya Mashahidi wa Yehova ilikatazwa mu Kanada. Mama aliendelea kumuhangaikia baba kwa upendo na heshima hata kama baba alikuwa nasema maneno ya kumuzarau. Mufano wake muzuri ulitusaidia miye na bandugu yangu tukubali kweli. Tulifurahi sana wakati baba alianza kubadilika na kuanza kututendea kwa upole.

Mu 1950, nilienda ku mukusanyiko Ongezeko ya Kiteokrasi mu muji wa New York. Kisha kukutana na ndugu wa mu dunia yote na kusikia sehemu ya kuuliza maulizo ya wanafunzi wenye walipata diplome ya Gileadi, nilipenda sana kufanya mambo mingi mu kazi ya Yehova. Niliazimia kabisa kuingia mu utumishi wa wakati wote. Wakati tu nilirudia ku nyumba nilijaza fomu ya kuwa painia wa kawaida. Tawi ya Kanada ilinijibia. Waliniambia kama nibatizwe kwanza. Nilibatizwa tarehe 1 Mwezi wa 10, 1950. Kisha mwezi moya nikakuwa painia na nikapata mugao wangu wa kwanza, ilikuwa mu muji wa Kapuskasing. Ile muji ilikuwa mbali sana na kwenye nilikuwa naishi ile wakati.

 Mu 1951, tawi iliomba Mashahidi wenye wanazungumuza Kifaransa wafikirie ikiwa wanaweza kuhamia mu jimbo ya Quebec, kwenye watu wanazungumuza Kifaransa. Kulikuwa lazima ya wahubiri. Nilikomala na ninasemaka Kiingereza na Kifaransa. Kwa hiyo, niliitika ile mualiko na wakanituma Rouyn. Sikujua mutu kule. Sawa vile nilisema ku mwanzo, balinipatia tu adrese. Lakini mambo iliendeka muzuri. Miye na Marcel tulifikia kuwa marafiki. Na nilifurahi kutumika miaka 4 mu Quebec, nilifikia hata kuwa painia wa pekee kule.

Wakati nilikuwa Quebec, nilifurahi sana kupata mualiko ku darasa ya 26 ya Masomo ya Gileadi yenye ilifanywa mu Lansing ya Kusini mu New York. Tulipewa diplome tarehe 12 Mwezi wa 2, 1956, na nilitumwa mu inchi yenye leo inaitwa Ghana, b mu Afrika ya Mangaribi. Lakini mbele niende iliomba nirudie Kanada kwa wakati fulani, mupaka wakati madokima ingekuwa tayari juu ya kusafiri. Niliwaza ingekamata tu majuma mbili ao tatu.

Lakini, juu nipate ile madokima nilifikia kuchunga mu Toronto kwa miezi saba. Ile wakati familia ya ndugu Cripp ilinikaribisha muzuri mu nyumba yao. Na nilifikia kukutana na Sheila mutoto wao, na tukaanza kupendana. Wakati tu nilitaka kumuomba Sheila tuoane, madokima yangu ilifika. Miye na Sheila tulisali sana na tuliamua kama ni muzuri kwanza niende mu mugao wangu. Lakini tuliamua kuendelea kuandikiana barua juu tuone kama itawezakana tuoane siku moya. Ile ilikuwa uamuzi wa nguvu sana. Lakini namna mambo iliendelea ilionekana kama ilikuwa uamuzi wa muzuri.

Kisha kusafiri kwa mwezi muzima kwa kutumia train, mashua (bateau), na avion nilifika Accra, Ghana. Kule nilipewa mugao wa kutumika kama mwangalizi wa wilaya. Ile iliomba nisafiri mu Ghana yote, Côte d’Ivoire na Togoland (leo inaitwa Togo). Mara mingi nilisafiri mu gari yenye  tawi ilinipatia. Nilipenda sana kusafiri juu ya kutembelea bandugu!

Ku mwisho wa juma nilikuwa na migao ku mikusanyiko ya muzunguko. Hatukukuwa na Majumba ya Mikusanyiko. Ndugu walikuwa wanajenga fasi ya kutulinda na jua kwa kutumia miti ya mianzi na mayani ya miti ya ngazi. Juu hakukuwa frigo ya kuweka chakula ya kafetaria, ndugu walikuwa wanaweka wanyama wenye walikuwa wangali wazima pembeni na walikuwa wanawachinja wakati ni lazima, juu ya kutayarishia chakula wale wenye kuhuzuria.

Wakati fulani mambo ya kuchekesha ilikuwa napitikana ku ile mikusanyiko. Siku moya wakati ndugu Herb Jennings, c misionere mwenzangu alikuwa nafanya hotuba, ngombe moya ilitoka mu kafetaria. Ile ngombe ilisimama katikati ya jukwaa na watu. Herb aliacha kusema na ile ngombe ilikosa bya kufanya. Lakini ndugu ine wenye walikuwa na nguvu walikamata ile ngombe na kuirudisha mu kafetaria wakati watu wote walikuwa nacheka.

Masiku ya katikati ya juma, nilionyesha video Société ya Ulimwengu Mupya Iko Nafanya Kazi, mu vijiji vya pembeni-pembeni. Juu ya kuonyesha video, nilikuwa natumikisha projecteur na kitambala ya mweupe yenye niliweka katikati ya miti mbili. Watu wa ile maeneo walifurahi sana juu kwa wengi njo video ya kwanza yenye waliona. Walikuwa napiga mikono nguvu sana wakati waliona mu video watu wanabatizwa. Ile video ilisaidia wale wenye waliiona waone kama tuko tengenezo ya mu dunia yote yenye umoja.

Kisha kufanya karibu miaka mbili mu Afrika nilifurahi sana kuenda ku mukusanyiko wa kimataifa wa mu 1958 wenye ulifanyika mu muji wa New York. Nilifurahi sana kumuona Sheila, yeye alitoka Kanada kwenye alikuwa painia wa pekee mu jimbo ya Quebec. Tulikuwa tunazungumuza kupitia barua, lakini sasa tulikutana tena. Nilimuomba Sheila tuoane na aliitika. Nilimuandikia ndugu Knorr d na kumuuliza ikiwa inawezekana Sheila aende Gileadi na akuye ajiunge na miye mu mugao wangu mu Afrika. Ndugu Knorr alikubali na Sheila alifika mu Ghana. Tulioana mu Accra tarehe 3 Mwezi wa 10, 1959. Tuliona kama Yehova alitubariki juu tulimutia pa fasi ya kwanza mu maisha yetu.

Mu 1961 tulitumwa mu inchi ya Kameruni. Nilikuwa na mambo ya mingi ya kufanya juu ndugu waliniomba nisaidie kuanzisha tawi ya mupya kule. Juu nilipaswa kusimamia ile tawi, nilikuwa na mambo mingi ya kujifunza. Mu 1965 tulipata habari kama Sheila alikuwa na mimba. Kusema kweli, ilikuwa nguvu sana kwetu kukubali mugao wa kuwa wazazi. Lakini wakati tulianza kufurahia kuwa wazazi na kukamata mipango juu ya kurudia mu Kanada, jambo fulani ya mubaya ilitokea.

Mutoto alikufia mu tumbo. Munganga alituambia kama mutoto wetu mwenye alikufa alikuwa mwanaume. Kumepita zaidi miaka 50 lakini hatuyasahau ile jambo. Hata kama tulikuwa na huzuni sana tulibakia mu mugao wetu, wenye tulikuwa tunapenda sana.

Mu Kameruni ndugu walikutana na upinzani juu walikatala kuingia mu mambo ya politike. Mambo ilikuwa nguvu sana, zaidi sana mu vipindi vya uchaguzi. Tarehe 13 Mwezi wa 5, 1970, jambo yenye tuliogopa ilifika. Kazi ya Mashahidi wa Yehova ilikatazwa. Serikali ilinyanganya majengo ya muzuri ya tawi yetu ya mupya kwenye tulihamia kulikuwa kumepita miezi tano. Mbele hata juma moya ienee, bamisionere bote, kutia ndani miye na Sheila tulifukuzwa mu inchi. Ilikuwa nguvu kwetu kuacha ndugu na dada juu tulikuwa tunawahangaikia na tulikuwa tunaogopa juu ya mambo yenye inaweza kuwafikia.

Tulipitisha miezi sita yenye ilifuata ku biro ya tawi ya France. Kule niliendelea kuhangaikia ndugu wa mu Kameruni. Mu Mwezi wa 12 wa ile mwaka tulitumwa ku tawi ya Nigeria, na tawi ya Nigeria njo ilianza kuongoza kazi ya Kameruni. Ndugu na dada wa Nigeria walitukaribisha kwa furaha sana. Na tulifurahi kutumikia kule kwa miaka mingi.

Mu 1973 iliomba tukamate uamuzi wa nguvu. Sheila alikuwa napambana na magonjwa ya nguvu. Wakati tulikuwa New York ku mukusanyiko, Sheila alifikia mwisho. Aliniambia hivi: “Sitaweza kuendelea, nachoka! Nakuwaka tu mugonjwa saa yote.” Tulikuwa tumetumika pamoya naye mu Afrika ya Mangaribi kwa zaidi ya miaka 14. Alikuwa amefanya kazi ya muzuri kabisa. Lakini iliomba tufanye mabadiliko fulani. Kisha kuzungumuza na kusali sana juu ya ile jambo, tuliamua kurudia mu Kanada. Kule tungehangaikia muzuri zaidi afya ya Sheila. Kuacha kazi ya umisionere na mugao wetu njo ilikuwa uamuzi wa nguvu sana wenye tulikamata mu maisha yetu.

Wakati tulifika Kanada, nilipata kazi kwa rafiki yangu wa zamani mwenye alikuwa anauzisha magari, kaskazini mwa muji wa Toronto. Tulihamia mu nyumba ya kupangia na tuliuza vitu vyenye havikukuwa vya mupya. Ile ilitusaidia tuweze kuhama bila kuingia mu madeni. Tulipenda kuendelea kuwa na maisha mwepesi juu tulitumaini kama siku moya tutarudia tena mu utumishi wa wakati wote. Tulishangaa kuona kama tuliweza kurudia mu utumishi wa wakati wote kisha muda mufupi kuliko vile tuliwazia.

 Nilianza kusaidia mu ujenzi wa Jumba ya mupya ya Mukusanyiko mu Norva katika Ontario kila siku ya posho. Kisha wakati, baliniomba nikuwe mwangalizi wa Jumba ya Mukusanyiko. Afya ya Sheila ilianza kuwa muzuri na tuliona kama angeweza kushugulikia ile mugao ya mupya. Kwa hiyo, tulihamia mu nyumba yenye ilikuwa ku Jumba ya Mukusanyiko mu Mwezi wa 6, 1974. Tulifurahi sana kurudia mu utumishi wa wakati wote!

Jambo ya kufurahisha ni kama afya ya Sheila iliendelea kuwa muzuri zaidi. Kisha miaka mbili tulikubali mugao wa kutumikia mu muzunguko. Muzunguko wetu ulikuwa Manitoba, jimbo ya Kanada yenye mu kipindi ya baridi kulikuwa baridi sana. Hata kama kulikuwa baridi sana, tulifurahia kifukutu ya ndugu na dada wa kule. Tulijifunza kama jambo ya maana haiko fasi kwenye tunamutumikia Yehova. Lakini jambo ya maana ni kuendelea kumutumikia Yehova fasi yoyote kwenye tunajikuta.

Kisha miaka fulani mu kazi ya muzunguko, tulialikwa ku Beteli ya Kanada mu 1978. Kisha wakati kidogo nilijifunza somo ya maana sana lakini mu njia yenye kuumiza. Niliombwa nitoe hotuba ya saa moya na nusu mu Kifaransa ku mukutano fulani wa pekee katika Montreal. Jambo ya kuhuzunisha ni kama hotuba yangu ilikuwa ya buvivu na ndugu moya wa ku Idara ya Utumishi alinipatia mashauri juu ya ile hotuba. Kwa kweli, nilipaswa kuelewa kama siko musemaji muzuri, leo nilishaelewa vile. Lakini ile wakati sikukubali ile shauri, mazungumuzo yetu haikupitikana muzuri. Niliona kama ule ndugu alikuwa tu nachambua hotuba yangu bila hata kunipongeza. Kosa yenye nilifanya ni kukatala shauri juu tu ya namna ile shauri ilitolewa na juu ya mutu mwenye aliitoa.

Kisha siku fulani ndugu moya wa mu Halmashauri ya Tawi alizungumuza na miye juu ya ile jambo. Nilikubali kama sikukubali shauri na niliomba musamaha. Kisha niliongea na ule ndugu mwenye alinipatia ile shauri. Kwa upendo alikubali kunisamehe. Ile ilinifundisha kama ni jambo ya maana kuwa munyenyekevu. Sitasahau ile somo hata siku moya. (Mez. 16:18) Nilisali kwa Yehova juu ya ile jambo na nimeazimia kama sitakatalaka tena shauri.

Nimetumika ku beteli ya Kanada kwa zaidi ya miaka 40, na tangu mwaka wa 1985, nilipata pendeleo ya kutumika mu Halmashauri ya Tawi. Mu Mwezi wa 2, 2021, bibi yangu mupendwa Sheila alikufa. Zaidi ya kumupoteza bibi yangu, niko napambana na magumu ya afya. Juu niko namutumikia Yehova, niko na mambo mingi ya kufanya na niko na furaha mupaka ni vigumu kwangu kutambua kwamba siku “zinapita haraka.” (Muh. 5:20) Hata kama nilipata magumu fulani mu maisha, furaha yenye nilipata inapita ile magumu yote. Kumuweka Yehova pa fasi ya kwanza mu maisha yangu, na kutumika mu utumishi wa pekee kwa miaka 70 kumeniletea furaha sana. Ninasali kama ndugu na dada zetu vijana nao pia wamuweke Yehova pa fasi ya kwanza, juu niko hakika kama watakuwa na maisha ya muzuri sana na yenye kufurahisha sana yenye inawezekana tu ikiwa mutu anamutumikia Yehova.