HABARI YA KUJIFUNZA YA 38
WIMBO 25 Watiwa-Mafuta Ni Mali ya Pekee
Ukuwe Muangalifu, Usikilize Onyo?
“Mumoja atachukuliwa na mwingine ataachwa.”—MT. 24:40.
WAZO KUBWA
Mu hii habari tutaona mifano tatu yenye Yesu alitoa, na namna ile mifano inahusu kipindi ya hukumu yenye itatokea ku mwisho wa huu mupangilio wa mambo.
1. Yesu atafanya nini hivi karibuni?
TUNAISHI mu kipindi ya wakati yenye itakuwa na mabadiliko mingi! Hivi karibuni Yesu atahukumu kila mutu. Wakati Yesu alikuwa nazungumuzia kipindi ya wakati yenye kuongoza ku hukumu, alipatia wanafunzi wake “alama” ya unabii ya kuwasaidia kutambua kuwapo kwake na “umalizio wa mupangilio wa mambo.” (Mt. 24:3) Ule unabii unapatikana mu Matayo sura ya 24 na 25, mu Marko sura ya 13, na mu Luka sura ya 21.
2. Tutazungumuzia nini mu hii habari, na juu ya nini ile itatusaidia?
2 Yesu alitupatia onyo ya maana sana kwa kutumia mifano tatu. Mufano wa kwanza ni wa kondoo na mbuzi, wa pili ni wa mabikira wenye busara na mabikira wapumbavu, na wa tatu ni mufano wa talanta. Kila mufano unatusaidia kuelewa kama kila mutu atahukumiwa kufuatana na matendo yake. Wakati tuko nazungumuzia hii mifano, tuone mambo yenye tunaweza kujifunza na namna tunaweza kuitumikisha. Tuanze basi na mufano wa kondoo na mbuzi.
KONDOO NA MBUZI
3. Yesu atahukumu watu wakati gani?
3 Mu mufano wa kondoo na mbuzi, Yesu anazungumuzia hukumu ya watu wenye walipata nafasi ya kusikia habari njema na kutegemeza ndugu zake watiwa-mafuta. (Mt. 25:31-46) Mu kipindi ya “taabu kubwa,” atatoa hukumu yake mbele tu ya Armagedoni. (Mt. 24:21) Sawa vile tu muchungaji anatenganisha kondoo na mbuzi, Yesu atatenganisha watu wenye walitegemeza kwa uaminifu wafuasi wake watiwa-mafuta na wale wenye hawakufanya vile.
4. Kulingana na Isaya 11:3, 4, juu ya nini tunaweza kuwa hakika kama Yesu atahukumu watu kwa haki? (Ona pia picha.)
4 Unabii wa Biblia unaonyesha kama Yesu, Muamuzi mwenye Yehova aliweka, atahukumu kwa haki. (Soma Isaya 11:3, 4.) Anachunguza mwenendo, muelekeo, na maneno ya watu, anachunguza pia namna wanatendea ndugu zake watiwa-mafuta. (Mt. 12:36, 37; 25:40) Yesu atajua ni nani alitegemeza ndugu zake watiwa-mafuta na kazi yao. a Njia moya ya maana sana ya kutegemeza ndugu za Yesu ni kuwasaidia mu kazi ya kuhubiri. Wale wenye watawategemeza watahukumiwa kuwa “wenye haki” na watakuwa na tumaini ya kupata “uzima wa milele” ku dunia. (Mt. 25:46; Ufu. 7:16, 17) Ile ni baraka ya ajabu! Kama wanabakia waaminifu mu kipindi ya taabu kubwa na kuendelea, majina yao itabakia yenye kuandikwa mu “kitabu cha uzima.”—Ufu. 20:15.
Hivi karibuni Yesu atahukumu watu kulingana na matendo yao, ikiwa walijionyesha kuwa kondoo ao mbuzi (Ona fungu ya 4)
5. Mufano wa kondoo na mbuzi unatufundisha nini, na ule mufano unahusu nani?
5 Ujionyeshe kuwa muaminifu na mushikamanifu. Mufano wa Yesu wa kondoo na mbuzi unahusu kwanza wale wenye kuwa na tumaini ya kuishi milele ku dunia. Wanaonyesha imani kwa kutegemeza ndugu za Yesu mu kazi yao ya kuhubiri na pia kwa kukubali kwa uaminifu muongozo wa mutumwa muaminifu na mwenye busara. (Mt. 24:45) Lakini wale wenye kuwa na tumaini ya kuishi mbinguni wanapaswa pia kuwa waangalifu ku onyo yenye kuwa mu hii mufano. Juu ya nini? Juu Yesu anachunguza pia mwenendo, muelekeo na maneno yao. Wao pia wanapaswa kujionyesha kuwa waaminifu. Yesu alizungumuzia mifano ingine mbili yenye iko na onyo yenye inahusu sana watiwa-mafuta. Tunapata pia ile mifano mu Matayo sura ya 25. Tuzungumuzie sasa mufano wa mabikira wenye busara na mabikira wapumbavu.
MABIKIRA WENYE BUSARA NA MABIKIRA WAPUMBAVU
6. Namna gani mabikira tano walionyesha busara? (Matayo 25:6-10)
6 Mu mufano wa mabikira, Yesu anazungumuzia mabikira kumi wenye walienda kukutana na bwana-arusi. (Mt. 25:1-4) Wote walitumaini kama watamusindikiza bwana-arusi ku karamu yake ya ndoa. Yesu alisema kama mabikira tano wa kwanza walikuwa “wenye busara” na wengine tano walikuwa “wapumbavu.” Mabikira wenye busara walijitayarisha muzuri na walikuwa macho. Walikuwa tayari kumuchunga bwana-arusi hata kama anakuya nyuma sana katika usiku. Njo maana walileta tala za mafuta juu ziwaangazie usiku. Walileta hata mafuta ingine pembeni yenye ingewasaidia kama bwana-arusi anakawia. Kwa hiyo walijitayarisha muzuri juu tala zao zisizimike. (Soma Matayo 25:6-10.) Wakati bwana-arusi alifika, wale mabikira wenye busara waliingia pamoya naye mu karamu ya ndoa. Vilevile, Wakristo watiwa-mafuta wenye wataendelea kuwa tayari na kubakia macho na waaminifu mupaka wakati Kristo atafika, watastahili kuingia pamoya na Bwana-arusi, ni kusema Yesu Kristo, mu Ufalme wa mbinguni. b (Ufu. 7:1-3) Tuseme nini juu ya mabikira tano wapumbavu?
7. Ni nini ilifikia mabikira tano wapumbavu, na juu ya nini?
7 Kuliko kuwa sawa mabikira wenye busara, mabikira tano wapumbavu hawakukuwa tayari wakati bwana-arusi alifika. Tala zao zilikuwa karibu kuzimika na hawakuleta mafuta ingine pembeni. Wakati walisikia kama bwana-arusi anakuwa karibu kufika, iliomba waende kununua mafuta. bwana-arusi alifika na hawayarudia. Ile wakati, “wale mabikira wenye walikuwa tayari wakaingia pamoja naye kwenye karamu ya ndoa, na mulango ukafungwa.” (Mt. 25:10) Kisha, wakati wale mabikira wengine walirudia na kupenda kuingia mu karamu, bwana-arusi aliwaambia: “Siwajue ninyi.” (Mt. 25:11, 12) Wale mabikira hawakujitayarisha muzuri juu ya kumuchunga bwana-arusi hata kama anakawia. Hii mufano inafundisha nini Wakristo watiwa-mafuta?
8-9. Mufano wa mabikira unafundisha nini Wakristo watiwa-mafuta? (Ona pia picha.)
8 Ujitayarishe muzuri na ukuwe macho. Yesu hakukuwa anatabiri kama kutakuwa vikundi mbili vya watiwa-mafuta, wamoya wenye watajitayarisha muzuri na kuchunga mupaka mwisho, na wengine wenye hawatafanya vile. Lakini alikuwa anafasiria mambo yenye inaweza kufikia watiwa-mafuta kama hawajitayarishe muzuri ili kuvumilia kwa uaminifu mupaka mwisho. Ikiwa hawajitayarishe muzuri hawatapokea zawabu yao. (Yoh. 14:3, 4) Ile ni jambo ya kukamata kwa uzito! Ikuwe tumaini yetu ni kuishi mbinguni ao ku dunia, tunapaswa kuwa waangalifu ku onyo yenye kuwa mu mufano wa mabikira. Kila mumoya kati yetu anapaswa kuendelea kukesha na kuwa tayari kuvumilia mupaka mwisho.—Mt. 24:13.
9 Kisha kuzungumuzia mufano wa mabikira wenye unaonyesha kama ni jambo ya maana kuwa tayari na kuwa macho, Yesu anazungumuzia mufano wa talanta. Mufano wa talanta unaonyesha kama ni jambo ya lazima kutumika kwa bidii.
Kila mumoya wetu anapaswa kukamata kwa uzito onyo yenye kuwa mu mufano wa mabikira kwa kuwa tayari na kuwa macho, na tayari kuvumilia mupaka mwisho (Ona fungu ya 8-9)
TALANTA
10. Namna gani watumwa wawili walikuwa waaminifu? (Matayo 25:19-23)
10 Mu mufano wa talanta, Yesu anazungumuzia watumwa wawili wenye walikuwa waaminifu kwa bwana wao na mumoya mwenye hakukuwa muaminifu. (Mt. 25:14-18) Wale watumwa wawili walionyesha kama wako waaminifu juu walitumika sana ili kuongeza mali ya bwana wao. Mbele ya kusafiri mu inchi ingine, alipatia watumwa wake talanta. Ile ilikuwa makuta ya mingi sana. Wale watumwa waaminifu walitumika kwa bidii na kwa hekima. Matokeo ilikuwa nini? Wakati bwana wao alirudia, walikuwa walishazidisha mara mbili makuta yenye bwana wao aliwaachia. Bwana wao aliwapongeza na wakaingia “katika furaha ya bwana [wao].” (Soma Matayo 25:19-23.) Tuseme nini juu ya ule mutumwa wa tatu? Alifanya nini na makuta yenye bwana wake alimuachia?
11. Nini ilimufikia mutumwa “muvivu,” na juu ya nini?
11 Mutumwa wa tatu alipewa talanta moya, lakini alikuwa “muvivu.” Bwana wake alitazamia kama atatumia ile talanta kwa hekima, lakini yeye alienda kuzika ile talanta mu budongo. Wakati bwana wake alirudia, ule mutumwa hakukuwa na makuta ya zaidi ya kupatia bwana wake. Ule mutumwa hakukuwa na muelekeo muzuri. Kuliko kuomba musamaha juu hakuweza kuzidisha mali ya bwana wake, ule mutumwa alisema kama bwana wake ni “mutu mugumu.” Ule mutumwa hakukubaliwa na bwana wake. Zaidi ya ile, walimunyanganya ile talanta na kumufukuza mu nyumba ya bwana wake.—Mt. 25:24, 26-30.
12. Wale watumwa wawili waaminifu wanafananisha nani leo?
12 Wale watumwa wawili waaminifu wanafananisha Wakristo watiwa-mafuta waaminifu. Bwana wao Yesu anawaalika ‘waingie katika furaha ya bwana wao.’ Wanapokea zawabu yao ya mbinguni, ni kusema ufufuo wa kwanza. (Mt. 25:21, 23; Ufu. 20:5b) Lakini mufano mubaya wa mutumwa muvivu ni onyo kwa Wakristo watiwa-mafuta. Namna gani?
13-14. Mufano wa talanta unafundisha nini watiwa-mafuta? (Ona pia picha.)
13 Tumika kwa bidii. Sawa mu mufano wa mabikira, mu mufano wa talanta Yesu hakukuwa anatabiri kama watiwa-mafuta watakuwa wavivu. Lakini alikuwa anafasiria mambo yenye inaweza kutokea ikiwa wanaacha kutumika kwa bidii. Wakifanya vile watashindwa “kufanya mwito na kuchaguliwa [kwao] kukuwe hakika,” na hawataruhusiwa kuingia mu Ufalme wa mbinguni.—2 Pe. 1:10.
14 Mufano wa Yesu wa mabikira na wa talanta unaonyesha wazi kwamba Wakristo wote watiwa-mafuta wanapaswa kuwa tayari na kuwa macho. Wanapaswa pia kutumika kwa bidii. Lakini kuko jambo ingine yenye Yesu alisema yenye ni onyo kwa watiwa-mafuta? Ndiyo! Maneno ya Yesu yenye kuwa mu Matayo 24:40, 41 inazungumuzia pia hukumu ya mwisho ya watiwa-mafuta.
Yesu anapenda kuona watiwa-mafuta wanatumika kwa bidii mupaka mwisho (Ona fungu ya 13-14) d
NI NANI “ATACHUKULIWA”?
15-16. Namna gani andiko ya Matayo 24:40, 41 inaonyesha kama ni jambo ya maana Wakristo watiwa-mafuta wakuwe macho?
15 Mbele ya kuzungumuzia ile mifano tatu, Yesu alizungumuzia hukumu ya mwisho juu ya watiwa-mafuta yenye itaonyesha ni nani atakubaliwa na ni nani atakataliwa. Yesu alizungumuzia wanaume wawili wenye wako natumika mu shamba na wanamuke wawili wenye wako natumika na jiwe ya kusagia. Mu zile hali zote mbili inaonekana sawa vile wale watu wawili wako wanafanya kazi moya, lakini Yesu anasema kama mumoya “atachukuliwa na mwingine ataachwa.” (Soma Matayo 24:40, 41.) Kisha anaambia hivi wafuasi wake: “Muendelee kukesha kwa sababu hamujue Bwana wenu atakuja siku gani.” (Mt. 24:42) Yesu alisema maneno ya kufanana na ile kisha kuzungumuzia mufano wa mabikira. (Mt. 25:13) Ni kusema kama Yesu alikuwa nazungumuzia kitu moya? Inaonekana ni vile. Ni watiwa-mafuta wa kweli na waaminifu tu njo ‘watachukuliwa,’ Yesu atawakaribisha mu Ufalme wa mbinguni. —Yoh. 14:3.
16 Endelea kuwa macho. Mutiwa-mafuta yeyote mwenye haendelee kuwa macho kiroho, hatakusanywa pamoya na “wenye kuchaguliwa.” (Mt. 24:31) Maneno ya Yesu inahusu watu wote wa Mungu, ikuwe wako na tumaini gani, wote wanapaswa kuona ile maneno kuwa onyo ya kuwasaidia waendelee kuwa macho na waaminifu.
17. Juu ya nini hatupaswe kuhangaika kama Yehova anachagua kutia mutu fulani mafuta mu wakati wetu?
17 Juu tumefikia kumujua Yehova muzuri, tuko hakika kama kama maamuzi yake yote ni ya muzuri. Hatuhangaike ikiwa Yehova anachagua kutia mafuta mutu fulani mu siku zetu. c Tunakumbuka maneno ya Yesu kuhusu wale wafanyakazi wenye walifika saa ya kumi na moya mu mufano wake wa shamba ya mizabibu. (Mt. 20:1-16) Wale wenye walialikwa kutumika mu shamba ya mizabibu nyuma walipokea mushahara uleule na wale wenye walianza kutumika mbele. Vilevile, watiwa-mafuta wote watapokea zawabu yao ya kuishi mbinguni kama wanabakia waaminifu, ikuwe walitiwa mafuta wakati gani.
UKUWE MUANGALIFU, USIKILIZE ONYO
18-19. Hii mifano inatufundisha nini?
18 Tumejifunza nini? Kwa wenye kuwa na tumaini ya kuishi milele ku dunia, mufano wa kondoo na mbuzi unaonyesha kama ni jambo ya maana kubakia waaminifu washikamanifu kwa Yehova sasa na mu taabu kubwa yenye itakuya. Mu siku zenye kuya, Yesu atahukumu waaminifu kuwa wanastahili kupata “uzima wa milele.”—Mt. 25:46.
19 Tulijifunza pia maonyo yenye kuhusu watiwa-mafuta yenye kuwa mu mifano mbili. Mu mufano wa Yesu kuhusu mabikira, watano walijionyesha kuwa wenye hekima. Walikuwa tayari na walikuwa macho. Walikuwa tayari kungoya bwana-arusi saa yoyote yenye angefika. Lakini mabikira wapumbavu hawakukuwa tayari. Njo maana bwana-arusi alikatala kuwaingiza mu karamu yake ya ndoa. Siye pia tunapaswa kuwa tayari, hata kama itakamata muda gani juu Yesu alete mwisho wa ulimwengu huu. Pia, mu mufano wa Yesu wa talanta, tulizungumuzia watumwa wawili waaminifu wenye walitumika kwa bidii. Walitumikia bwana wao kwa nguvu yao yote, na bwana wao aliwakubali. Lakini mutumwa muvivu alikataliwa. Somo ni gani? Tunapaswa kuendelea kuwa na mambo mingi ya kufanya mu kazi ya Yehova, kuanzia sasa mupaka mwisho. Ku mwisho tuliona kama watiwa-mafuta wanapaswa kuendelea kuwa macho ili waweze ‘kuchukuliwa’ na Yesu na wapate zawabu yao ya mbinguni. Wakristo watiwa-mafuta wanangojea kwa hamu sana wakati wa ‘kukusanywa pamoja’ na Yesu mbinguni. Kisha vita ya Armagedoni, watakuwa bibi-arusi wa Yesu mu ndoa ya Mwana-Kondoo.—2 Te. 2:1; Ufu. 19:9.
20. Yehova atafanyia nini wale wenye watasikiliza onyo kwa uangalifu?
20 Hata kama kipindi ya hukumu inakaribia sana, hatupaswe kuogopa. Kama tunabakia waaminifu, Baba yetu wa mbinguni mwenye upendo atatupatia “nguvu zenye kupita zile za kawaida” ili ‘tuweze . . . kusimama mbele ya Mwana wa binadamu.’ (2 Ko. 4:7; Lu. 21:36) Ikuwe tumaini yetu ni kuishi mbinguni ao ku dunia, tutamufurahisha Baba yetu kama tunakuwa waangalifu ku onyo yenye kuwa mu mifano ya Yesu. Kwa fazili zenye hazistahiliwe za Yehova, majina yetu itakuwa ‘imeandikwa katika kile kitabu’ ya uzima.—Da. 12:1; Ufu. 3:5.
WIMBO 26 ‘Mulinitendea Miye’
a Ona habari “Tunajua Nini Juu ya Namna Yehova Atahukumu Watu?” mu Munara wa Mulinzi wa Mwezi wa 5, 2024.
b Juu ya kupata habari zaidi ona habari: “‘Utaendelea Kukesha’?” mu Munara wa Mulinzi wa tarehe 15 Mwezi wa 3, 2015.
d MAFASIRIO YA PICHA: Dada fulani mutiwa-mafuta anafundisha Biblia mwanamuke kijana mwenye alikutana naye mu mahubiri.
