1. ‘Uhitaji wetu wa kiroho’ njo nini, na kuko uhusiano gani kati ya furaha na kutimiza ‘uhitaji wetu wa kiroho’?

 FURAHA ya kweli haimaanishe tu kuchangamuka-changamuka. Ile ni hisia yenye inakuyaka na kupita. Lakini, unaweza kuwa na furaha ya kweli mu maisha yako yote. Namna gani? Mu mahubiri yake ya ku mulima, Yesu alisema hivi: “Wenye furaha ni wale wenye wanatambua uhitaji wao wa kiroho.” (Mt. 5:3) Yesu alijua kama wanadamu waliumbwa na tamaa kubwa ya kupenda kujua na kuabudu Muumbaji wao, Yehova Mungu. Njo uhitaji wetu wa kiroho. Juu Yehova ni “Mungu mwenye furaha,” wale wenye wanamuabudu wanaweza pia kuwa na furaha.​—1 Ti. 1:11.

2-3. (a) Kama vile Yesu alisema, ni wanani pia wanaweza kuwa na furaha ya kweli? (b) Tutazungumuzia nini mu hii habari, na juu ya nini?

² Tunaweza kuwa na furaha wakati tu hatuna magumu? Hapana. Mu mahubiri yake ya ku mulima, Yesu alisema jambo fulani yenye kushangaza. Alisema kama “wale wenye kuomboleza,” pengine juu ya kuhuzunikia zambi zao ao juu ya magumu, wanaweza pia kuwa na furaha. Yesu alisema pia kama “wale wenye wameteswa kwa sababu ya haki” ao wale wenye ‘wanalaumiwa’ juu ya kuwa wafuasi wa Kristo wanaweza pia kuwa na furaha ya kweli. (Mt. 5:4, 10, 11) Lakini, inawezekana kabisa kuwa na furaha ya kweli mu hali za vile?

³ Yesu alitufundisha kama furaha ya kweli haitokane na hali za muzuri mu maisha, lakini inatokana na kutimiza uhitaji wetu wa kiroho na kumukaribia Mungu. (Yak. 4:8) Tunaweza kufanya vile namna gani? Mu hii habari, tutazungumuzia mambo tatu yenye tunapaswa kufanya juu tukuwe na furaha ya kweli.

4. Ni jambo gani ya kwanza yenye tunapaswa kufanya juu tukuwe na furaha ya kweli? (Zaburi 1:1-3)

⁴ JAMBO YA 1: Juu tukuwe na furaha ya kweli, tunapaswa kula chakula ya kiroho. Juu waishi, wanadamu na wanyama wako na lazima ya chakula ya kimwili. Lakini, ni wanadamu tu njo wanaweza kula chakula ya kiroho. Na tuko na lazima ya chakula ya kiroho. Njo maana, Yesu alisema hivi: “Mwanadamu hapaswe kuishi kwa mukate tu, lakini kwa kila neno lenye linatoka katika kinywa cha Yehova.” (Mt. 4:4) Kwa hiyo, hatupaswe kupitisha hata siku moya bila kula chakula ya kiroho yenye inapatikana mu Neno ya Mungu, Biblia. Mutunga-zaburi alisema hivi: ‘Mwenye furaha ni mutu mwenye anapendezwa na sheria ya Yehova na anaisoma muchana na usiku.’​—Soma Zaburi 1:1-3.

5-6. (a) Biblia inatuonyesha mambo gani? (b) Kusoma Biblia kunaweza kutuletea faida gani?

⁵ Juu Yehova anatupenda, anatuonyesha mu Biblia mambo yenye tunapaswa kufanya juu tukuwe na furaha mu maisha. Biblia inatuonyesha ni maisha ya namna gani yenye anapenda tukuwe nayo. Inaonyesha namna tunaweza kumukaribia, na mambo yenye tunapaswa kufanya juu atusamehe zambi zetu. Inatuonyesha mambo ya muzuri yenye Mungu atatufanyia wakati yenye kuya. (Yer. 29:11) Ile mambo yote yenye tumejifunza mu Biblia inafanya tukuwe na furaha!

⁶ Vile tunajua, Biblia iko pia na mashauri ya mingi yenye inaweza kutusadia mu maisha yetu ya kila siku. Kama tunafuata ile mashauri, tunaweza kuwa na furaha ya kweli. Kila mara wakati unavunjika moyo juu ya magumu ya maisha, soma Biblia na ufikiri sana juu ya  mambo yenye unasoma. Yesu alisema hivi: “Wenye furaha ni wale wenye wanasikia neno la Mungu na kulishika!”​—Lu. 11:28.

7. Unaweza kufanya nini juu upate faida wakati uko nasoma Biblia?

⁷ Wakati unasoma Biblia, ukamate wakati ya kufurahia mambo yenye unasoma. Kwa mufano, ulishakajionea hii jambo? Mutu fulani anapika chakula moya yenye unapendaka sana. Lakini, pengine hauna wakati mingi ya kula ao uko na mambo mingi mu kichwa, na ile inafanya ukule mbio-mbio kuliko kufurahia kabisa ile chakula. Na kisha kumaliza kula, unatambua kama ulikula mbio-mbio sana, na unajiuliza juu ya nini haukukula polepole ili kufurahia ile chakula. Ulishakasoma Biblia mu ile njia, ni kusema, mbio-mbio na ile ikafanya ushindwe kufurahia mambo yenye uko nasoma? Wakati uko nasoma Biblia, kamata wakati ya kufurahia mambo yenye uko nasoma. Wazia mu akili mambo yenye uko nasoma, wazia sauti, na fikiri juu ya mambo yenye unasoma. Ukifanya vile, utakuwa na furaha zaidi.

8. “Mutumwa muaminifu na mwenye busara” iko nafanya nini juu ya kutimiza daraka yake? (Ona pia maelezo ya chini.)

⁸ Yesu ameweka “mutumwa muaminifu na mwenye busara” ili kutupatia chakula ya kiroho kwa wakati yenye kufaa. Na kusema kweli, tunalishwa kabisa muzuri kiroho. * (Mt. 24:45) Kila kitu yenye mutumwa muaminifu anatupatia inategemea Maandiko yenye kuongozwa na roho ya Mungu. (1 Te. 2:13) Chakula ya kiroho inatusadia kujua mawazo ya Yehova yenye kuonyeshwa mu Biblia. Njo maana, tunasomaka Munara wa Mulinzi, Amuka! na habari zenye kuwa ku jw.org. Tunatayarisha mikutano ya katikati ya juma na ya mwisho wa juma. Na tunaangalia programu ya kila mwezi ya JW Télédiffusion wakati inatoka. Kukula chakula ya kiroho kutatusaidia tuweze kufanya jambo ya pili yenye tunapaswa kufanya juu tukuwe na furaha ya kweli.

9. Ni jambo gani ya pili yenye tunapaswa kufanya juu tukuwe na furaha ya kweli?

⁹ JAMBO YA 2: Juu tukuwe kabisa na furaha ya kweli, tunapaswa kutii kanuni za Yehova. Mutunga-zaburi aliandika hivi: “Mwenye furaha ni kila mutu mwenye anamuogopa Yehova, mwenye anatembea katika njia Zake.” (Zb. 128:1) Kumuogopa Yehova maana yake kumuheshimia sana na kuepuka kufanya jambo yoyote yenye haimufurahishe. (Mez. 16:6) Juu tunamuogopa Yehova, tunajikaza kuendelea kufanya yetu yote ili kufuata kanuni za Yehova za mema na mabaya, zenye anatuonyesha mu Neno yake, Biblia. (2 Ko. 7:1) Tutakuwa na furaha kama tunapenda mambo yenye Yehova anapenda, na kuchukia mambo yenye anachukia.​—Zb. 37:27; 97:10; Ro. 12:9.

10. Kulingana na Waroma 12:2, tunapaswa kufanya nini?

¹⁰ Soma Waroma 12:2. Mutu anaweza kujua kama Yehova iko na haki ya kuamua nini njo tunapaswa kufanya na nini njo hatupaswe kufanya. Lakini, anapaswa pia kukubali mambo yenye Mungu anasema. Mutu anaweza kujua kama serikali iko na haki ya kuamua ni mu mbio gani mutu anaweza kutembeza gari mu barabara. Lakini, pengine hakubali mambo yenye serikali inasema. Kwa hiyo, anaweza kutembeza mbio sana kuliko vile anapaswa kufanya. Ni matendo yetu njo itaonyesha kama tunaamini kabisa kuwa kufuata kanuni za Yehova njo jambo ya muzuri zaidi mu maisha. (Mez. 12:28) Daudi alijua  vile. Njo maana, alisema hivi kumuhusu Yehova: “Unanijulisha njia ya uzima. Shangwe nyingi iko mbele yako; furaha iko kwenye mukono wako wa kuume milele.”​—Zb. 16:11.

11-12. (a) Wakati tuko na mahangaiko ao tunavunjika moyo, tunapaswa kuwa waangalifu kuhusu nini? (b) Maneno ya Wafilipi 4:8 inaweza kutusaidia namna gani wakati tunachagua mambo ya kujifurahisha?

¹¹ Wakati tuko na mahangaiko ao tunavunjika moyo, tunaweza kuwaza kama inaomba kufanya jambo fulani juu tuache kuhangaika kuhusu magumu yetu. Ile inaeleweka. Lakini, tunapaswa kuwa waangalifu juu tusifanye jambo fulani yenye itamuchukiza Yehova.​—Efe. 5:10-12, 15-17.

¹² Mu barua yenye mutume Paulo aliandikia Wafilipi, aliwatia moyo waendelee kufikiria mambo “ya haki, . . . yenye kuwa safi, [na] yenye kustahili kupendwa.” (Soma Wafilipi 4:8.) Paulo hakukuwa nazungumuzia mambo ya kujifurahisha. Lakini, mambo yenye aliandika inaweza kutusaidia wakati tunataka kuchagua mambo ya kujifurahisha. Upime kufanya hivi: Fasi yote kwenye kunapatikana neno “mambo” mu ile andiko, utie neno “nyimbo,” “filme,” “habari za kusoma,” ao “michezo ya video.” Kufanya vile kunaweza kukusaidia ujue nini njo Mungu anakubali na nini njo hakubali. Tunapenda kuishi kulingana na kanuni za juu za Yehova. (Zb. 119:1-3) Kama tunafanya vile, tutakuwa na zamiri safi na tutaweza kufanya jambo ingine yenye tunapaswa kufanya juu tukuwe na furaha ya kweli.​—Mdo. 23:1.

13. Ni jambo gani ya tatu yenye tunapaswa kufanya juu tukuwe na furaha ya kweli? (Yohana 4:23, 24)

¹³ JAMBO YA 3: Uhakikishe kama unatia ibada ya Yehova pa nafasi ya kwanza mu maisha yako. Yehova njo alituumba. Njo maana, yeye njo tunapaswa kuabudu. (Ufu. 4:11; 14:6, 7) Kwa hiyo, jambo ya maana sana mu maisha yetu inapaswa kuwa kumuabudu mu njia yeye anapenda tumuabudu, ni kusema, “kwa roho na kweli.” (Soma Yohana 4:23, 24.) Tunapenda Roho takatifu ya Mungu iongoze ibada yetu juu ipatane na mafundisho ya Neno yake, Biblia. Tunapaswa kutia ibada ya Yehova pa nafasi ya kwanza hata kama tunaishi mu inchi kwenye kazi yetu imetiliwa vizuizi ao imekatazwa. Kwa sasa, ndugu na dada zaidi ya 100 wamefungwa juu tu wako Mashahidi wa Yehova. * Hata vile, wanajikaza kufanya yote yenye wanaweza ili kusali, kujifunza na kuambia wengine kuhusu Mungu wetu na Ufalme wake. Hata kama wanatusema mubaya ao kututesa, tunaweza kuwa na furaha juu tunajua kama Yehova iko pamoya na siye na kama atatubariki.​—Yak. 1:12; 1 Pe. 4:14.

14. Ni nini ilifikia ndugu fulani kijana wa Tajikistan, na juu ya nini?

¹⁴ Ndugu na dada fulani walipambana na hali ya nguvu. Lakini, waliweza kuwa na furaha ya kweli juu walifanya mambo tatu yenye tunatoka kuzungumuzia. Fikiria mambo yenye ilifikia Jovidon Bobojonov wa miaka 19 wa Tajikistan mwenye alikatala kujiunga mu kazi ya jeshi. Tarehe 4, Mwezi wa 10, 2019, alikamatwa kwa nguvu na kufungwa mu gereza kwa miezi mingi, na alitendewa sawa vile alikuwa mutu mubaya sana. Vyombo vya habari vya inchi mbalimbali vilizungumuzia ile jambo. Habari ilionyesha kama walimupiga juu ya kujaribu kumukaza afanye kiapo ya kuwa askari na avale nguo ya kiaskari. Kisha, tribinali ilisema kama alikuwa na kosa na walimutuma mu kambi ya mateso, na akabakia  kule mupaka wakati raisi wa inchi alimusamahe na kuamuru afunguliwe. Mu wakati yote yenye alikuwa kule, Jovidon aliendelea kuwa mushikamanifu na aliendelea kuwa na furaha. Nini njo ilimusaidia? Hakuacha kuhangaikia uhitaji wake wa kiroho.

15. Jovidon alifanya nini juu aendelee kula chakula ya kiroho wakati alikuwa mu gereza?

¹⁵ Wakati alikuwa mu gereza, Jovidon aliendelea kula chakula ya kiroho hata wakati hakukuwa na Biblia ao kichapo yoyote. Aliweza kufanya vile namna gani? Ndugu na dada wenye walikuwa fasi kwenye alifungwa walimuletea chakula na waliandika andiko ya siku ku mifuko yenye walileta ndani chakula. Ile ilimusaidia aweze kusoma Biblia na kufikiri sana juu ya mambo yenye alisoma kila siku. Kisha kufunguliwa, alishauria hivi wale wenye hawayapataka majaribu ya nguvu: “Ni jambo ya maana sana kutumia muzuri zaidi uhuru wetu juu ya kumujua Yehova muzuri zaidi kwa kusoma Neno yake na vichapo vyetu.”

16. Jovidon alikaza akili yake juu ya nini?

¹⁶ Ndugu yetu alitii kanuni za Yehova. Kuliko kukaza akili juu ya mawazo ya mubaya na kufanya mambo ya mubaya, alikaza akili juu ya Yehova na juu ya mambo yenye Yehova anaona kuwa ya maana. Jovidon alifurahia uzuri  wa uumbaji wa Mungu. Kila asubui alilamuka wakati alisikia sauti na nyimbo za ndege. Usiku aliangalia mwezi na nyota. Alisema hivi: “Vile vitu vyenye Yehova aliumba vilifanya nikuwe na furaha na vilinitia moyo.” Kama tuko wenye shukrani juu ya mambo ya kiroho na ya kimwili yenye Yehova anatupatia, tutakuwa na furaha, na ile furaha itatupatia nguvu ya kuvumilia.

17. Maneno ya 1 Petro 1:6, 7 inaweza kusaidia namna gani mutu mwenye kuwa mu hali sawa ile ya Jovidon?

¹⁷ Jovidon alitia pia ibada ya Yehova pa nafasi ya kwanza. Alijua kama ni jambo ya maana kuendelea kuwa mushikamanifu kwa Mungu wa kweli. Yesu alisema hivi: “Yehova Mungu wako ndiye unapaswa kuabudu, na yeye peke yake ndiye unapaswa kutolea utumishi mutakatifu.” (Lu. 4:8) Wakubwa wa maaskari na maaskari walipenda Jovidon aache kuwa Shahidi wa Yehova. Lakini, alisali sana muchana na usiku ili kumuomba Yehova amusaidie asichoke na asikane imani yake. Hata kama Jovidon alitendewa mubaya, aliendelea kuwa mushikamanifu. Ile ilimusaidia akuwe sasa na furaha juu alikuwa na jambo fulani yenye hakukuwa nayo mbele akamatwe, apigwe na afungwe: Alikuwa sasa na imani ya nguvu juu imani yake ilikuwa imejaribiwa.​—Soma 1 Petro 1:6, 7.

18. Tunaweza kufanya nini juu tuendelee kuwa na furaha ya kweli?

¹⁸ Yehova anajua mambo yenye tuko nayo lazima juu tukuwe na furaha ya kweli. Kama tunafanya mambo tatu yenye tumezungumuzia, tunaweza kuendelea kuwa na furaha ya kweli hata kama tuko na magumu. Na tutaweza pia kusema hivi: “Wenye furaha ni watu wenye Mungu wao ni Yehova!”​—Zb. 144:15.