1. Kufikiri sana juu ya ahadi yenye Yehova anatupatia kunatusaidia namna gani?

 YEHOVA anaahidi kama atapatia “uzima wa milele” wale wenye kumutii. (Ro. 6:23) Kufikiri sana juu ya ahadi yenye Yehova anatupatia kunatusaidia tumupende sana. Waza kidogo: Baba yetu wa mbinguni anatupenda sana, na hakuna kitu yenye itatutenganishaka naye.

2. Ahadi ya Mungu ya uzima wa milele inatusaidia namna gani?

² Ahadi ya Mungu ya uzima wa milele inatusaidia kuvumilia magumu yenye tuko napambana nayo leo. Ikuwe maadui wetu wanasema kama watatuua, hatutaacha kumutumikia Yehova. Juu ya nini? Sababu moya ni juu tunajua kama ikiwa tunakufa na tuko waaminifu kwa Yehova, atatufufua na tutakuwa na tumaini ya kuishi milele. (Yoh. 5:28, 29; 1 Ko. 15:55-58; Ebr. 2:15) Juu ya nini tuko hakika kama inawezekana kuishi milele? Fikiria sababu zenye kufuata.

3. Juu ya nini tuko hakika kama Yehova anaweza kutusaidia tuishi milele? (Zaburi 102:12, 24, 27)

³ Juu Yehova njo Chanzo ya uzima na anaishi milele, tuko hakika kama anaweza kutusaidia tuishi milele. (Zb. 36:9) Ona maandiko fulani ya Biblia yenye inahakikisha kama Yehova ni wa tangu milele mupaka milele. Zaburi 90:2 inasema kama Yehova ni wa “tangu milele mupaka milele.” Zaburi 102 inasema  pia vile. (Soma Zaburi 102:12, 24, 27.) Na nabii Habakuki alisema hivi juu ya Baba yetu wa mbinguni: “Je, wewe hauko wa tangu milele, Ee Yehova? Ee Mungu wangu, Mutakatifu wangu, wewe hauwezi kufa.”​—Hab. 1:12.

4. Juu hatuwezi kuelewa kabisa wazo ya kama Yehova ni wa tangu milele mupaka milele, ile inapaswa kutuhangaisha? Fasiria.

⁴ Ni nguvu kwako kuelewa kama Yehova anaishi “kwa umilele wote”? (Isa. 40:28) Hauko weye peke. Elihu alisema hivi juu ya Mungu: “Hatuwezi hata kidogo kuelewa hesabu ya miaka yake.” (Yob. 36:26) Lakini, hatuwezi kusema kama jambo fulani ni ya uongo juu tu hatuielewe. Kwa mufano, hata kama hatuwezi kufasiria kabisa kama mwangaza ni nini, ni kusema, mwangaza haukuwake? Hapana. Vilevile, siye wanadamu hatuwezi kuelewa kabisa wazo ya kama Yehova ni wa tangu milele mupaka milele. Lakini, haiko kusema kama Mungu haishi milele. Tuelewe ao tusielewe, Yehova anabakia tu Yehova. (Ro. 11:33-36) Mbele ulimwengu na kila kitu yenye kuwa ndani, sawa vile jua na nyota vikuwe, yeye alikuwa. Tuko hakika kama Yehova njo “Mutengenezaji wa dunia kwa nguvu zake.” Alikuwaka mbele ‘atandike mbingu.’ (Yer. 51:15; Mdo. 17:24) Ni sababu gani ingine yenye inatuhakikishia kama inawezekana kuishi milele?

5. Adamu na Eva walikuwa na tumaini gani?

⁵ Yehova hakuumba kila kitu yenye kuwa ku dunia juu iishi milele, ni wanadamu tu njo aliumba juu waishi milele. Ni wao tu njo alipatia tumaini ya pekee ya kuishi milele. Lakini, Yehova alimuambia Adamu hivi: “Kuhusu matunda ya muti wa ujuzi wa mema na mabaya, usikule, kwa maana siku yenye utakula matunda yake, hakika utakufa.” (Mwa. 2:17) Kama Adamu na Eva wangemutii Yehova, hawangekufa. Tunaweza kusema kama kisha wakati fulani, Yehova angewaruhusu kula “matunda ya muti wa uzima.” Ile ingewahakikishia kama ‘wataishi milele.’ b​—Mwa. 3:22.

6-7. (a) Ni mambo gani ingine yenye inaonyesha kama Yehova hakuumba wanadamu ili wakufe? (b) Ni mambo gani utapenda kufanya mu dunia mupya? (Ona picha.)

⁶ Wanasayansi fulani wamevumbua kama ubongo wetu uko na uwezo wa kuchunga habari mingi zaidi kuliko habari zenye tunaweza kujifunza mu maisha yetu sasa. Ile ni ajabu! Inawezekana ubongo wetu uko na uwezo wa kuchunga habari mingi hata zaidi.  Mu 2010, habari fulani mu gazeti Scientific American Mind ilisema kama ubongo wetu unaweza kuchunga karibu giga milioni 2.5 za habari. Ile hesabu ni sawa na habari zenye mutu anaweza kuangalia ku televizyo kwa saa milioni tatu (zaidi ya miaka 300). Ile inaonyesha kama Yehova hakuumba ubongo juu uchunge habari zenye tunaweza kujifunza mu miaka 70 ao 80 tu.​—Zb. 90:10.

⁷ Tena, Yehova alitia ndani yetu tamaa kubwa ya kuendelea kuishi. Biblia inasema kama Mungu ‘alitia umilele katika moyo’ wa wanadamu. (Muh. 3:11) Ile ni sababu moya yenye inafanya tuone kifo kuwa adui. (1 Ko. 15:26) Kama tunagonjwa sana, tunabakiaka tu bila kufanya jambo yoyote na tuko nangoya tukufe? Hapana. Kwa kawaida, tunaendaka kuona munganga na wakati fulani tunatumiaka dawa juu ya kutunza ugonjwa wetu. Kusema kweli, tunafanyaka yote yenye tunaweza juu tusikufe. Na wakati mutu fulani mwenye tunapenda anakufa, ikuwe ni kijana ao muzee, tunahuzunikaka sana. (Yoh. 11:32, 33) Ni wazi kama, vile Muumbaji wetu mwenye upendo alitupatia tamaa kubwa na uwezo wa kuendelea kuishi milele, ni kusema, kusudi yake ilikuwa wanadamu waishi milele. Lakini, kuko sababu zingine zenye zinafanya tuamini kama tunaweza kuishi milele. Tuzungumuzie mambo fulani yenye Yehova alifanyaka zamani na yenye iko nafanya sasa yenye kuonyesha kama kusudi yake haiyabadilika.

8. Isaya 55:11 inatufundisha nini juu ya kusudi yenye Yehova alikuwa nayo wakati aliumba wanadamu?

⁸ Hata kama Adamu na Eva walifanya zambi na kufanya watoto wao wakuwe nakufa, Yehova  hakubadilisha kusudi yenye alikuwaka nayo wakati aliumba wanadamu. (Soma Isaya 55:11.) Kusudi yake ingali ileile. Anapenda wanadamu waaminifu waishi milele. Mambo yenye Yehova amesema na kufanya juu ya kutimiza kusudi yake njo inatusaidia kujua vile.

9. Yehova ameahidi nini? (Danieli 12:2, 13)

⁹ Yehova ameahidi kama atafufua wafu na kuwapatia nafasi ya kuishi milele. (Mdo. 24:15; Tit. 1:1, 2) Yobu, mwanaume muaminifu, alikuwa hakika kama Yehova anatamani sana kuwafufua wafu. (Yob. 14:14, 15) Nabii Danieli alijua kama wanadamu watafufuliwa ili waishi milele. (Zb. 37:29; soma Danieli 12:2, 13.) Wayahudi wenye waliishi wakati ya Yesu walijua pia kama Yehova atapatia watumishi wake waaminifu “uzima wa milele.” (Lu. 10:25; 18:18) Ile njo ahadi yenye Yesu alizungumuzia tena na tena, na yeye pia alifufuliwa na Yehova.​—Mt. 19:29; 22:31, 32; Lu. 18:30; Yoh. 11:25.

10. Habari za wale wenye walifufuliwa zamani zinaonyesha nini? (Ona picha.)

¹⁰ Yehova njo alitupatia uzima na iko na nguvu ya kufufua wafu. Alipatia nabii Eliya nguvu ya kufufua mwana wa mujane wa Sarefati. (1 Fa. 17:21-23) Kisha, alimupatia nabii Elisha nguvu ya kufufua mwana wa mwanamuke Mushunamu. (2 Fa. 4:18-20, 34-37) Habari za wale wenye walifufuliwa zamani zinaonyesha kama Yehova iko na nguvu ya kufufua wafu. Wakati Yesu alikuwa ku dunia, alionyesha kama Baba yake alimupatia nguvu ya kufufua wafu. (Yoh. 11:23-25, 43, 44) Sasa Yesu iko mbinguni na amepewa “mamlaka yote mbinguni na duniani.” Kwa hiyo, anaweza kutimiza ahadi yenye kuonyesha kama “wale wote wenye kuwa katika makaburi ya ukumbusho” watafufuliwa na kupewa nafasi ya kuishi milele.​—Mt. 28:18; Yoh. 5:25-29.

11. Fasiria namna bei ya ukombozi inafanya iwezekane kwetu kuishi milele.

¹¹ Juu ya nini Yehova aliruhusu Mwana wake mupendwa akufe kifo ya maumivu? Yesu alionyesha sababu wakati alisema hivi: “Mungu alipenda ulimwengu sana na hivyo akamutoa Mwana wake muzaliwa-pekee, ili kila mutu mwenye anamuamini asiharibiwe lakini apate uzima wa milele.” (Yoh. 3:16) Juu ya kufunika zambi zetu, Mungu alitoa Mwana wake kuwa bei ya ukombozi. Kwa kufanya vile, alifanya iwezekane kwetu kuishi milele. (Mt. 20:28) Bei ya ukombozi ni sehemu ya maana ya kusudi ya Mungu. Mutume Paulo alifasiria ile wakati aliandika hivi: “Kwa kuwa kifo kilikuja kupitia mwanadamu, ufufuo wa wafu pia unakuja kupitia mwanadamu. Kwa maana kama vile katika Adamu wote wanakufa, vilevile pia katika Kristo wote watafanywa kuwa wazima.”​—1 Ko. 15:21, 22.

12. Yehova amefanya nini juu wanadamu waweze kuishi milele?

¹² Yesu alifundisha wanafunzi wake wasali Ufalme wa Mungu ukuye na mapenzi ya Mungu ifanyike ku dunia. (Mt. 6:9, 10) Mungu anapenda wanadamu waishi milele ku dunia. Ile ni sehemu ya kusudi yake. Juu wanadamu waweze kuishi milele, Yehova amefanya Mwana wake akuwe Mufalme wa Ufalme wake. Ameendelea kukusanya watu 144 000 ku dunia ili watawale pamoya na Yesu juu ya kutimiza mapenzi ya Mungu.​—Ufu. 5:9, 10.

13. Yehova iko nafanya nini leo, na watumishi wake wako nafanya nini?

¹³ Leo, Yehova iko nakusanya “kundi kubwa” na iko nawapatia mazoezi yenye itawasaidia waishi muzuri mu utawala wake. (Ufu. 7:9, 10; Yak. 2:8) Hata kama watu wengi leo  wamegawanyika juu ya chuki na vita, watumishi wa Yehova wenye kufanyiza ile kundi kubwa wako najikaza sana ili kuachana na kila aina ya chuki. Matendo yao inaonyesha kama wako nafua panga zao kuwa majembe. (Mik. 4:3) Kuliko kupigana vita zenye ziko nafanya watu wengi sana wakufe, wako nasaidia watu wapate “uzima wa kwelikweli.” Wanafanya vile kwa kufundisha watu kuhusu Mungu wa kweli na makusudi yake. (1 Ti. 6:19) Watu wa familia zao wanaweza kuwapinga, ao wanaweza kukosa vitu fulani juu wako nategemeza Ufalme wa Mungu. Lakini, Yehova iko nawapatia mambo yenye wako nayo lazima. (Mt. 6:25, 30-33; Lu. 18:29, 30) Ile mambo yote inaonyesha kama Ufalme wa Mungu ni jambo ya kweli kabisa, na kama utaendelea kutimiza kusudi ya Yehova.

14-15. Ahadi ya Yehova ya kutosha kifo milele itafikia kutimia namna gani?

¹⁴ Leo, Yesu ni Mufalme mbinguni, na atatimiza ahadi zote zenye Yehova ametoa. (2 Ko. 1:20) Tangu 1914, Yesu ameendelea kutiisha maadui wake. (Zb. 110:1, 2) Karibuni, yeye na watawala wenzake watakamilisha ushindi wao na wataharibu watu waovu.​—Ufu. 6:2.

¹⁵ Mu utawala wa miaka 1 000 wa Yesu, wafu watafufuliwa na wanadamu wote watiifu watafanywa kuwa wakamilifu. Kisha jaribu ya  mwisho, wale wenye Yehova ataona kuwa wenye haki “watariti dunia, na wataishi milele juu yake.” (Zb. 37:10, 11, 29) Jambo ya kufurahisha, “adui wa mwisho mwenye ataharibiwa ni kifo.”​—1 Ko. 15:26.

16. Ni sababu gani kubwa zaidi yenye inafanya tumutumikie Yehova?

¹⁶ Vile tumeona, tumaini yetu ya kuishi milele inategemea kabisa Neno ya Mungu. Ile tumaini inatusaidia tuendelee kuwa washikamanifu mu hizi siku za mwisho. Lakini, ili kumufurahisha Yehova, hatupaswe kuwa washikamanifu juu tu tunapenda kuishi milele. Sababu kubwa zaidi yenye inafanya tukuwe washikamanifu kwa Yehova na Yesu ni juu tunawapenda sana. (2 Ko. 5:14, 15) Kumupenda Yehova na Yesu njo kunatuchochea tuige sifa zao na tuambie wengine tumaini yenye tuko nayo. (Ro. 10:13-15) Kama tunajikaza kutafuta faida za wengine na kuwa wakarimu, Yehova atapenda kuwa rafiki yetu milele.​—Ebr. 13:16.

17. Tunapaswa kufanya nini? (Matayo 7:13, 14)

¹⁷ Utakuwa kati ya wale wenye watapata uzima wa milele? Yehova ametupatia nafasi ya kuishi milele. Ni kwetu sasa kubakia mu barabara yenye inaongoza ku uzima. (Soma Matayo 7:13, 14.) Maisha itakuwa namna gani wakati tutaishi milele? Tutapati jibu ya ile ulizo mu habari yenye kufuata.