1. Yesu aliambia nini wanafunzi wake kuhusu ule mwisho, na aliwapatia onyo gani?

 SIKU kidogo mbele Yesu akufe, wanafunzi wake ine walimuuliza hivi: “Ni nini itakuwa alama. . . ya umalizio wa mupangilio wa mambo?” (Mt. 24:3) Inawezekana wale wanafunzi walikuwa najiuliza mambo yenye ingewasaidia kujua wakati yenye Yerusalemu na hekalu yake vingeharibiwa. Mu jibu yake, Yesu hakuzungumuzia tu wakati yenye Yerusalemu na hekalu yake vingeharibiwa, lakini alizungumuzia pia kuhusu “umalizio wa mupangilio wa mambo” mwenye tuko naishi leo. Kuhusu umalizio wa mupangilio wa mambo, alisema hivi: “Kuhusu siku ile ao saa ile hakuna mutu mwenye anajua, ikuwe malaika mbinguni wala Mwana, lakini Baba tu.” Kisha alipatia wanafunzi wake hii onyo: “Muendelee kukesha.”​—Mk. 13:32-37.

2. Juu ya nini Wakristo wa karne ya kwanza walipaswa kuendelea kukesha?

² Mu karne ya kwanza, Wakristo Wayahudi walipaswa kuendelea kukesha ili kuokoa uzima wao. Yesu aliambia wanafunzi wake mambo yenye ingewasaidia kujua ni wakati gani Yerusalemu na hekalu yake vingeharibiwa. Alisema hivi: “Wakati mutaona Yerusalemu imezungukwa na majeshi yenye kupiga kambi, basi mujue kwamba uharibifu wake umekaribia.” Ile wakati, walipaswa kutii onyo ya Yesu na ‘kuanza kukimbilia kwenye milima.’ (Lu. 21:20, 21) Wale wenye walitii ile onyo ya Yesu waliokoka wakati Waroma waliharibu Yerusalemu.

3. Tutazungumuzia nini mu hii habari?

 ³ Leo tuko naishi wakati wa mwisho wa huu mupangilio wa mambo. Njo maana na siye tunapaswa kulinda akili zetu na kuendelea kukesha. Mu hii habari, tutazungumuzia namna ya kuwa na usawaziko wakati tuko naangalia mambo yenye kufanyika mu dunia, namna tunaweza kujiangalia siye wenyewe, na namna tunaweza kutumia muzuri zaidi wakati yenye kubakia.

4. Juu ya nini tunapaswa kufurahi kuona namna mambo yenye kufanyika leo mu dunia iko natimiza unabii wa Biblia?

⁴ Tunapaswa kufurahi kuona namna mambo yenye kufanyika leo mu dunia iko natimiza unabii wa Biblia. Kwa mufano, Yesu alitupatia liste yenye kuwa wazi ya mambo yenye ingetokea ili kutusaidia kujua kama mwisho wa ulimwengu wa Shetani unakaribia. (Mt. 24:3-14) Mutume Petro alitutia moyo tukuwe waangalifu kuhusu kutimizwa kwa unabii ili imani yetu iendelee kuwa nguvu. (2 Pe. 1:19-21) Kitabu ya mwisho ya Biblia inaanza na hii maneno: “Ufunuo kupitia Yesu Kristo, wenye Mungu alimupatia ili kuonyesha watumwa wake mambo yenye yanapaswa kutendeka karibuni.” (Ufu. 1:1) Kwa hiyo, tuko na furaha kabisa ya kuona mambo yenye iko nafanyika leo mu dunia na kujua namna iko natimiza unabii wa Biblia. Na ile inaweza kufanya tukuwe tayari kuambia wengine ile matukio.

5. Tunapaswa kuepuka nini na tunapaswa kufanya nini?(Ona pia picha.)

⁵ Lakini wakati tuko nazungumuzia unabii wa Biblia, tunapaswa kuepuka kuwazia mambo yenye itatokea. Juu ya nini? Juu hatupendi kusema jambo yoyote yenye inaweza kufanya kutaniko ikose kuwa na umoja. Kwa mufano, tunaweza kusikia viongozi wa mu hii dunia wako nazungumuzia namna wanaweza kumaliza ugomvi fulani, kuleta amani, na usalama. Kuliko kuwazia kama ile mazungumuzo yao inatimiza unabii wenye kuwa mu 1 Watesalonike 5:3, tunapaswa kutafuta habari yenye ilitolewa hivi karibuni. Kama mazungumuzo yetu inategemea habari yenye kutolewa na tengenezo ya Yehova, tutasaidia kutaniko iendelee kuwa na umoja “katika njia ileile ya kufikiri.”​—1 Ko. 1:10; 4:6.

6. Ni mambo gani tunaweza kujifunza mu 2 Petro 3:11-13?

⁶ Soma 2 Petro 3:11-13. Mutume Petro anatusaidia kuendelea kuwa na usawaziko wakati tuko nafikiria unabii wa Biblia. Anatuambia ‘tuweke karibu katika akili kuwapo kwa siku ya Yehova.’ Juu ya nini? Hapana juu tuko natafuta kujua “siku na saa” yenye Yehova ataleta Armagedoni, lakini juu tuko napenda kutumia muzuri wakati yenye kubakia ili kufanya “matendo matakatifu ya mwenendo na vitendo vya ushikamanifu kwa Mungu.” (Mt. 24:36; Lu. 12:40) Mu maneno ingine, tunapaswa kuendelea kuwa na mwenendo safi na kuhakikisha kama tuko namutumikia Yehova kwa bidii juu tunamupenda sana. Juu tuendelee kufanya vile tunapaswa kujiangalia siye wenyewe.

7. Mutu mwenye kujiangalia yeye mwenyewe anafanyaka nini? (Luka 21:34)

⁷ Yesu aliambia wanafunzi wake wasiangalie tu mambo yenye iko nafanyika mu dunia, lakini wajiangalie pia wao wenyewe. Ile jambo inaonyeshwa waziwazi mu shauri yenye kuwa mu Luka 21:34. (Soma.) Ona hii maneno yenye Yesu alisema: “Mujiangalie ninyi  wenyewe.” Mutu mwenye anajiangalia yeye mwenyewe anajuwaka hatari zenye zinaweza kuharibisha urafiki wake na Yehova na anakamataka hatua fulani juu ya kuziepuka. Kwa kufanya vile, anabakia katika upendo wa Mungu.​—Mez. 22:3; Yud. 20, 21.

8. Ni shauri gani yenye mutume Paulo alipatia Wakristo?

⁸ Mutume Paulo alishauria Wakristo wajiangalie wao wenyewe. Kwa mufano, aliambia hivi Wakristo wenye waliishi mu Efeso: “Muendelee kuwa waangalifu sana ili namna munatembea isikuwe kama watu wenye hawana hekima lakini kama watu wenye hekima.” (Efe. 5:15, 16) Shetani anaendelea kutujaribu ili tuharibishe urafiki wetu pamoya na Yehova. Njo maana Biblia inatuambia ‘tuendelee kujua mapenzi ya Yehova’ ili tupambane na kila aina ya hatari.​—Efe. 5:17.

9. Tunaweza kufanya nini ili tuelewe mapenzi ya Yehova?

⁹ Biblia haituonyeshe kila hatari yenye inaweza kuharibisha urafiki wetu na Yehova. Mara mingi tunapaswa kukamata maamuzi juu ya mambo yenye haizungumuziwe waziwazi mu Maandiko. Juu tukamate maamuzi ya muzuri, tunapaswa kuelewa ao kujua “mapenzi ya Yehova.” Tunaweza kufanya vile kwa kujifunza kwa ukawaida Neno ya Mungu na kufikiri sana juu ya mambo yenye tunajifunza. Kadiri tunaelewa mapenzi ya Yehova na kuwa na “akili ya Kristo,” ni vile tutatembea “kama watu wenye hekima” hata wakati yenye hakuna sheria yenye kuwa wazi ya kutuongoza. (1 Ko. 2:14-16) Wakati fulani inakuwaka mwepesi kujua hatari zenye tunapaswa kuepuka; lakini wakati ingine haikuwake mwepesi.

10. Ni hatari gani zenye tunapaswa kuepuka?

¹⁰ Hatari fulani zenye tunapaswa kuepuka ni kuchezea wengine kimapenzi, kunywa sana, kula kupita kiasi, mazungumuzo yenye kuumiza, kuangalia matendo ya jeuri, kuangalia pornografia, na mambo ingine yenye kufanana na ile. (Zb. 101:3) Adui yetu, Ibilisi, iko naendelea kutafuta nafasi ya kuharibu urafiki wetu pamoya na Yehova. (1 Pe. 5:8) Kama hatuko waangalifu, Shetani anaweza kupanda mu akili na mu moyo wetu mbegu za kutamani, kukosa unyoofu, pupa, chuki, majivuno, na kinyongo. (Gal. 5:19-21) Ku mwanzo, tunaweza kuona kama ile mambo haiko hatari sana. Lakini kama hatufanye jambo fulani kwa uharaka juu ya kuachana nayo, inaweza kuendelea kukomala sawa vile mumea wenye kuwa na sumu na wenye unaweza kuleta magumu.​—Yak. 1:14, 15.

11. Ni hatari gani moya yenye haiko wazi yenye tunapaswa kuepuka, na juu ya nini?

¹¹ Hatari moya yenye haiko wazi ni kuwa na marafiki wabaya. Fikiria hii hali. Unatumikaka na mutu mwenye haiko Shahidi wa Yehova. Uko namutendea kwa fazili na uko namusaidia juu unapenda akuwe na mawazo ya muzuri juu ya Mashahidi wa Yehova. Wakati fulani munakulaka chakula ya midi pamoya. Bila kukawia, unaanza kula naye chakula ya midi mara mingi. Kisha anaanza kuzungumuzia mambo yenye haifae. Ku mwanzo, haupendezwe nayo. Lakini kisha wakati fulani, unaanza kupendezwa nayo na ile haikusumbue tena. Kisha, siku moya anakualika muende kukunywa kisha kazi, na unaitika. Ku mwisho unaanza kukubaliana mara mingi na mambo yenye iko anasema. Kufikia hapa, haitakamata tena wakati mingi sana juu uanze kufanya mambo sawa vile ule mufanya kazi mwenzako. Kusema kweli, tunakuwaka wenye fazili na tunaheshimiaka watu wote, lakini tunapaswa kukumbuka kama inakuwaka mwepesi kutenda sawa vile watu wenye tunachagua kupitisha nao wakati.  (1 Ko. 15:33) Sawa vile Yesu alisema, kama tunajiangalia siye wenyewe tutaepuka marafiki wenye hawaishi kulingana na kanuni za Yehova. (2 Ko. 6:15) Tutaona hatari na kuiepuka.

12. Wanafunzi wa Yesu walipaswa kufanya nini wakati walikuwa nangojea kuharibiwa kwa Yerusalemu na hekalu yake?

¹² Yesu alipenda wanafunzi wake wakuwe na mambo mingi ya kufanya wakati walikuwa nangojea kuharibiwa kwa Yerusalemu na hekalu yake. Kwa hiyo aliwapatia kazi ya kufanya. Aliwaambia wahubiri habari njema ya Ufalme “katika Yerusalemu, katika Yudea yote na Samaria, na mupaka kwenye sehemu ya mbali zaidi.” (Matendo 1:6-8) Ile ilikuwa kazi kubwa sana! Juu walifanya yote yenye waliweza ili kuhubiria wengine walitumia muzuri zaidi wakati yao.

13. Juu ya nini tunapaswa kutumia muzuri zaidi wakati yetu? (Wakolosai 4:5)

¹³ Soma Wakolosai 4:5. Ili kujiangalia siye wenyewe, tunapaswa kuchunguza namna tunatumia wakati yetu. “Matukio yenye hayatazamiwe” inaweza kupata kila mumoja wetu. (Muh. 9:11) Tunaweza kufa bila kutazamia.

14-15. Tunaweza kufanya nini juu ya kutumia muzuri zaidi wakati yetu? (Waebrania 6:11, 12) (Ona pia picha.)

¹⁴ Tunaweza kutumia muzuri zaidi wakati yetu kwa kufanya mapenzi ya Yehova na kwa  kutia nguvu urafiki wetu pamoya naye. (Yoh. 14:21) Tunapaswa kuwa ‘imara, bila kutikisika, sikuzote tukiwa na mambo mengi ya kufanya katika kazi ya Bwana.’ (1 Ko. 15:58) Wakati kidogo mbele tukufe ao mbele huu mupangilio wa mambo ufike hatutahuzunika kwa kusema kama tulipaswaka kufanya mambo mingi mu kazi ya Yehova.​—Mt. 24:13; Ro. 14:8.

¹⁵ Leo, Yesu anaendelea kuongoza wanafunzi wake wakati wanahubiri kuhusu Ufalme wa Mungu mu dunia yote. Iko natimiza ahadi yake. Kupitia tengenezo ya Yehova, Yesu iko natupatia mazoezi juu ya namna ya kuhubiri na iko natupatia vyombo vyenye tuko navyo lazima ili kuhubiri habari njema. (Mt. 28:18-20) Tunafanya sehemu yetu wakati tunahubiri na kufundisha wengine kwa bidii na kwa kuendelea kukesha wakati tuko nangojea siku yenye Yehova ataleta mwisho wa huu mupangilio wa mambo. Kama tunatumikisha mashauri yenye kuwa mu Waebrania 6:11, 12, tutashika kabisa tumaini yetu “mupaka mwisho.”​—Soma.

16. Tunaazimia kufanya nini?

¹⁶ Yehova alishaweka siku na saa yenye ataleta mwisho wa mupangilio wa mambo wa Shetani. Wakati ile siku itafika, Yehova atatimiza maunabii yenye kuwa mu Neno yake. Lakini, wakati fulani tunaweza kuona sawa vile mwisho unakawia. Kusema kweli, siku ya Yehova ‘haitachelewa!’ (Hab. 2:3) Tuazimie basi ‘kuendelea kumungojea Yehova,’ kwa kuonyesha ‘mutazamo wa kumungojea Mungu wa wokovu [wetu].’​—Mik. 7:7.