Mu ile hali, kutaniko itaona kama ndoa ya zamani imeisha wakati mwanaume ameoa tena na itaona ndoa ya mupya kuwa inakubalika. Juu tuelewe sababu zenye zinafanya tuseme vile, muache tuchunguze mambo yenye Yesu alisema kuhusu kuvunja ndoa na kufunga ndoa tena.

Mu Matayo 19:9, Yesu alifasiria sababu moya ya kweli ya kuvunja ndoa. Alisema hivi: “Kila mutu mwenye anavunja ndoa na bibi yake, kama haiko tu kwa sababu ya uasherati, na kumuoa mwingine anafanya uzinifu.” Kupitia maneno ya Yesu tunajifunza kama (1) uasherati njo sababu moya ya Kimaandiko yenye inaweza kufanya ndoa ivunjike na (2) mwanaume mwenye anavunja ndoa na bibi yake bila sababu ya Kimaandiko na anaoa mwingine mwanamuke anafanya uzinifu. *

Maneno ya Yesu inamaanisha kama mwanaume mwenye alifanya uasherati na kuvunja ndoa na bibi yake iko huru kuoa tena kulingana na Maandiko? Haimaanishe vile. Kama bwana anafanya uzinifu, bibi yake mwenye hana kosa anaweza kuamua ikiwa atamusamehe ao hapana. Kama bibi anakatala kumusamehe na kama cheti ya kuvunja ndoa inapatikana wote wawili wako huru kufunga ndoa na mutu mwingine.

Kwa upande mwingine, bibi mwenye hana kosa anaweza kupenda ndoa yao isivunjike na anaweza kumuambia bwana yake kama iko tayari kumusamehe. Sasa, tuseme nini kama bwana mwenye alifanya uzinifu anakatala musamaha wa bibi yake na anapata kabisa cheti ya kuvunja ndoa? Juu bibi iko tayari kumusamehe na anapenda ndoa iendelee, pale bwana hana sababu ya Kimaandiko yenye inamuruhusu aoe mwanamuke mwingine. Kama anaamua kuoa tena hata kama haiko huru kufanya vile, pale anafanya tena uzinifu. Wazee wa kutaniko watafanyiza tena halmashauri ya hukumu juu ya kushugulikia ile zambi yake.​—1 Ko. 5:1, 2; 6:9, 10.

Wakati mwanaume haiko huru kuoa tena kulingana na Maandiko, kutaniko inaona namna gani ndoa yake ya zamani na ya mupya? Ile ndoa ya zamani ingali tu ndoa kulingana na Maandiko? Bibi mwenye hana kosa angali tu na uwezekano wa kumusamehe ao kukatala kumusamehe bwana yake wa zamani? Ndoa ya mupya itaonwa kuwa ndoa ya uzinifu?

Zamani, kutaniko iliona ndoa ya mupya kuwa ndoa ya uzinifu muda wote wenye bibi ao bwana mwenye hana kosa alikuwa angali muzima na hajafunga ndoa na mutu mwingine na kama hangeangukia mu zambi ya uasherati. Lakini, Yesu hakutaya bibi ao bwana mwenye hana kosa wakati alikuwa anazungumuzia kuvunja ndoa na kufunga ndoa tena. Alifasiria kama mwanaume mwenye anavunja ndoa na bibi yake bila sababu ya Kimaandiko na kisha anaoa mwanamuke mwingine, anafanya uzinifu. Mu ile hali, kuvunja ndoa na kufunga ndoa tena, Yesu alisema kama ni kufanya uzinifu na ile njo inamaliza ndoa ya zamani.

 Wakati mwanaume anavunja ndoa na bibi yake na anaoa mwanamuke mwingine, haiwezekane tena bibi yake wa zamani mwenye hana kosa kumusamehe ao kukatala kumusamehe. Kwa hiyo, hatakamata uamuzi wa kumusamehe ao kukatala kumusamehe bwana yake wa zamani. Tena, ikuwe bibi ao bwana mwenye hana kosa anakufa, anafunga ndoa tena ao anafanya uasherati ile haibadilishe maoni yenye kutaniko iko nayo juu ya ndoa ya mupya. *

Mu mufano wenye tunatoka kuchunguza, bwana alifanya uzinifu yenye ilifanya ndoa ivunjike. Tuseme nini kama ule bwana hakufanya uzinifu lakini anapata cheti ya kuvunja ndoa na kisha anaoa mwanamuke mwingine? Ao tuseme nini kama bwana hakufanya uzinifu mbele ya kuvunja ndoa lakini anafanya vile kisha kuvunja ndoa na anaoa mwanamuke mwingine ijapokuwa bibi yake alikuwa tayari kumusamehe? Mu ile mifano yote, kuvunja ndoa na kufunga ndoa tena yenye ni uzinifu ingemaliza ndoa ya zamani. Ndoa ya mupya ni yenye kukubaliwa kisheria. Sawa vile Munara wa Mulinzi wa tarehe 15, Mwezi wa 2, 1980 ukurasa wa 31-32, (ya Kifaransa) ulikuwa unasema: “Sasa kwa kuwa mwanaume ameoa mwanamuke mwingine hawezi tena kurudilia hali yake ya zamani. Kuvunja ndoa, uzinifu, na kufunga ndoa tena imemaliza ndoa ya zamani.”

Namna yetu ya mupya ya kuelewa haimaanishe kama Wakristo wanawaza kama ndoa haiko kabisa takatifu ao uzinifu haiko kabisa zambi nzito. Wakati mwanaume anavunja ndoa na bibi yake bila sababu ya Kimaandiko na kisha anaoa mwanamuke mwingine bila sababu ya Kimaandiko ya kufanya vile, wazee watafanyiza halmashauri ya hukumu juu alifanya uzinifu. (Kama mwanamuke mwenye alioa ni Mukristo naye pia ataingia mu halmashauri ya hukumu juu ya uzinifu.) Hata kama ndoa ya mupya haitaonwa kuwa ndoa ya uzinifu, ule ndugu hatastahili kupewa madaraka fulani ya pekee mu kutaniko kwa miaka mingi, na mupaka watu wataacha kuhuzunikia mambo ya mubaya yenye alifanya zamani ao mupaka wakati watu wataona kuwa anastahili sasa kupewa heshima. Mbele wamupatie daraka fulani, wazee watafikiria pia hali za sasa za bibi yake wa zamani mwenye pengine alitendewa kwa ujanja na pia hali ya watoto wadogo wenye pengine wameachwa na baba yao mwenye alifanya kosa.​—Mal. 2:14-16.

Juu ya matokeo ya mubaya sana yenye inatokana na kuvunja ndoa na kufunga ndoa tena bila sababu ya Kimaandiko, Wakristo wanapaswa kutenda kwa hekima kwa kumuiga Yehova na kuona ndoa kuwa takatifu.​—Muh. 5:4, 5; Ebr. 13:4.